انتظر نصيحتكم ياجماعة عن الفلنجات

[رجل اعمال]

السلام عليكم ورحمة الله وبركاته
هذي اول مشاركة لي وان شاء الله ماتكون اخر مشاركة
ابي احسن فلنجات ياجماعة اللي مركبها لاني سالت كذا شخص ناس تمدح نوع وناس تسب نوع ابي نوع زين مافيه تنسيم هواء ولا فيه تهريب زيوت.
اللي مركبها ابغاه يذكر لي مدة تركيبها للفلنجات وقيمتها واسم الشركة ووين احصلها ؟

والله يعطيكم الف خيـر

[رجل اعمال]

17 مشاهدة لموضوعي ولا واحد رد

[عبدالرحمن الدرويش]

رجل اعمال.. هلا بك

وحياك الله بين اخوانك في منتديات الرحلات
واتمنى ان تجد الفائدة وكل ما يسر هنا..
إجابة على سؤالك وعلى حد علمي الفلنجات القطع اللي تستخدم لسد الفراغ في حالة كون فتحة الجنط اكبر (صح ام خطأ) حقيقة ما قدر استخدمت مثلها لكن تقدر تفصلها عند اي مخرطة بالصناعية القديمة وان كنت تبغى احدد لك مخرطة تصبر لي وارد لك مرة ثانيه.

لي عودة بإذن الله.. أخوك.. ابو فهد

[رجل اعمال]

هلابك اخوي
الفلنجات (فصالات) الدبل اللي تفصل الدبل وتشبكه تركب على الجيوب للتخفيف اذا عندكم علم احسن نوع ياليت تفيدوني

[عبدالله]

ما عمري استخدمتها بالتوفيق لك

[عبدالرحمن الدرويش]

هلا بك اخوي

بالنسبة للفرارات فان كان موترك تويوتا فعندك نوعية وارن او البرازيلية ،، وان كان موترك نيسان فعندك اللي تبع الشركة لكن هي غالية او البرازيلية ،، وكلها انواع ممتازة وعملية ،، لكن نصيحة ان ركبت الفرار خل الاغراض اللي فكيتها عندك بالموتر لوقت الضرورة ،، لأن فيه من خربت عليهم الفرارات او انكسرت واضطروا يرجعون للنظام الأول ،، وعن نفسي بالباترول من 4 سنوات الى الآن ولله الحمد النوع البرازيلي avm ،، والله يوفقنا واياك لكل خير..
واتمنى ان اكون قد قدمت المفيد

اخوك.. أبو فهد

[أبو عقرب]

أخوي عبد الرحمن من وين شريت البرازيليه

وين القاها بالرياض

لأني مركب اللي عند السليماني وذبحتني بتهريب الزيت من العكوس

[احمد التويجري]

اسمها فرارات اللي تشغل نظام الديف لوك بس بشكل يدوي


للأسف ما عندي اي خلفية وان شاء الله الاخوان يفيدونك

[عبدالرحمن الدرويش]

المشاركة الأصلية كتبت بواسطة أبو عقرب

أخوي عبد الرحمن من وين شريت البرازيليه

وين القاها بالرياض

لأني مركب اللي عند السليماني وذبحتني بتهريب الزيت من العكوس

أبو عقرب..

هلا بك بالرياض عندك السليماني وعندك الرماية واقترح عليك انك تفكها وتعيد تركيبها من جديد بالطبع ببراغي الوكالة وشحمها من جديد بالبداية يكون فيه تهريب لانها جديدة بعد كذا خلاص الوضع طبيعي بدون تهريب لكن من فترة الى فترة حاول انك تشبك الفرار وتمشي بالسيارة مسافة قليلة يعني اقل من كيلو ،، وموفق ان شاء الله للخير وكل خير.

[رجل اعمال]

الله يعطيك العافية وماقصرت عبدالرحمن الدرويش تحياتي لك