من الدمام الى دبي ممكن المساعده

العبندي · 19-03-10, 10:37 AM

السلام عليكم اخوان

بغيت استفسار عن طريق من الدمام الى دبي

ممكن تساعدوني على وصف الطريف من الدمام الى دبي

وكم تبلغ مسافه ولو يكون يوجد عندكم صور يكون افضل واحسن

لوحات الارشاديه و المحطات و الطريق

لانه انا ناوي اروح بس ماادلي ولا مره رحت الى دبي

ممكن تساعدوني في اسرع وقت

اخووكم العبندي

العبندي · 20-03-10, 12:44 PM

وينكم اخوان

ممكن تساعدوني ماحتاج ماحتاج حدي المسااعده

جزاكم الله خير

اخووووكم

أبوعبدالعزيز · 20-03-10, 08:18 PM

وعليكم السلام ورحمة الله وبركاته

طبعا لازم من الدمام الى الاحساء

ومن الاحساء الى منفذ سلوى قطر وتقريبا المسافه هذي 140 كم

ومن سلوى الى منفذ الامارات تقريبا 190 كم

او من الدمام الى منفذ البطحاء

العبندي · 21-03-10, 09:24 AM

اقتباس:

المشاركة الأصلية كتبت بواسطة أبوعبدالعزيز

وعليكم السلام ورحمة الله وبركاته

طبعا لازم من الدمام الى الاحساء

ومن الاحساء الى منفذ سلوى قطر وتقريبا المسافه هذي 140 كم

ومن سلوى الى منفذ الامارات تقريبا 190 كم

او من الدمام الى منفذ البطحاء

ابو عبد العزيز لحد الحين مو فاهم عليك بشكل جيد

ممكن تعرض لي الشارع والمحطات حتى لو تشوف من احد المنتديات مافيه مشكله

ابغي الوصف من الدمام الى دبي وكم تبلغ المسافه

أبوعبدالعزيز · 21-03-10, 12:37 PM

من الدمام الى الاحساء 140 كم

من الأحساء الى دبي 700 كم تقريبا

MEHRAS · 22-03-10, 01:02 AM

من الغويفات الى دبي 400 الى 450 كم

رويس · 22-03-10, 12:19 PM

نقره لعرض الصورة في صفحة مستقلة

من الدمام إلى الهفوف ثم إلى سلوى وقبل لاتدخل سلوى بشوي فيه مفرق تاخذ يمين إلى
أبوظبي و(مركز الحدود البطحاءبالمملكة) ثم إلى
(مركز الحدود الغويفات بالامارات) شارع ممل لين توصل المفرق تقريباً 400كم
(المفرق هو إلى يتفرع منه الشوارع الذاهبة إلى دبي والعين وأبوظبي ) واللوحات عاد موجودة وإنشاء الله توصل بالسلامة

رويس · 23-03-10, 07:06 AM

أرجو المعذرة هذه أوضح أكثر

**خالد الشريهي** · 23-03-10, 08:30 AM

تفضل اخي العزيز

اقتباس:

الطريق من الدمام الى دبي
يتم تصفير عداد السيارة عند الخروج من مدينة الدمام باتجاه الهفوف مع طريق ابقيق ، ثم راقب عداد السيارة مع الاحداثيات التالية :
110كم اتجه الى اليسار مع مفرق العيون
120كم الهفوف
267كم محطة ساكو قبل سلوى بعشرة كيلومترات وفيها بنزين واستراحة ومطاعم وغيار زيت
271كم مركز سلوى
274كم مفرق سلوى قطر الى الامام والبطحاء الامارات الى اليمين
398كم محطة ساكو قبل البطحاء بخمسة كيلومترات وفيها بنزين واستراحة ومطاعم وغيار زيت
400كم منفذ جمرك البطحاء بالسعودية
405كم منفذ جمرك الغويفات بالامارات والطريق معظمه مشجر ومضاءا
500كم محطة بنزين متكاملة على اليمين وفيه منتجع دانات على اليسار سعر الغرفة 900 ريال
600كم منتجع المرفأ على اليسار سعر الغرفة 400 ريال
730كم مفرق العين يمين وابوظبي يسار ودبي الى الأمام
865كم دبي والطريق من ابوظبي الى دبي مضاءا

منقول من احد المنتديات

ارجو ان يفيدك

تقبل تحياتي

راعي محل · 29-12-10, 09:19 PM

أفادك الاخ خاااااالد جعله يسلم
تحياتي