السلام عليكم ورحمة الله وبركاته
الله يمسيكم بكل خير قصيده من اجمل قصائد الشاعر الكبير سليمان بن شريم رحمه الله ارجو ان تنال اعجابكم.
يا الله يا مجري القمر من مغيبه = يا مرجعه للشرق من عقب تغريب
تفرج لعين ٍ ... من وجعها مريبة = عيّا يفيد بها .. الدوا والتطابيب
هذا لها خامس شهر مستصيبة = بين الرجا والياس والخبث والطيب
على الذي من دون أرض ٍ تعيبه = ما يآصلنّه .. متعبات المناجيب
ليت الهبوب اللي تجيني تجيبه = لا شرّقت من نجد من غير تجنيب
لين إني أقضب مقدمه وألتوي به = عقب التفرق والبطا والتغاريب
يقرا لمضنوني وأنا أقرا لغيبه = سراير ٍ ... تكشف بليّا مكاتيب
اللي على فراق شوفه غصيبه = نهار قفّينا .. على الفطّر الشيب
أدعج غَنَج .. كنّه عيون الربيبة = شيهانة ٍ .. تفرس بكل المخاليب
المترف اللي .. ما يماتع صويبه = جرّبت منه وكل شي بتجريب
العين خرسا من طربها غضيبة = فيها .. لطرّاد المودّة مغاليب
والراس ذيل أشقر يشعشع سبيبه = يسبق إلى جنّ السبايا جناديب
والخد قنديل الدجا ينسري به = عليه من شغل النصارى كواليب
وعوده كما البردي ليّان ٍ رطيبه = يومي به النسناس بين النبانيب
وملامس ٍ ما نشّت منها لبيبه = ألين من الديباج دمث المقاضيب
وريحه كما ريح النفل في شعيبه = في مربع ٍ علّه من الوبل تشعيب
ممطور أمس وممسي ٍ ما وطيبه = واليوم شمس وفاح طيب ٍ على طيب
لواهني الذيب يرفع قنيبه = وأنا قنيبي بالخفا شقّت الجيب
ما والله أصخي به وأنا خاطري به = لو غبّرت سود العوارض من الشيب
خطّ بسجلّي ما لغيري قري به = عطف ٍ بلطف ٍ وإجتماع ٍ وترحيب
وصلّوا على سيد البرايا طبيبه = ما إفترّ دولاب الهوى للطواليب
من القصائد الرائعه لأبن شريم
العرض العادي
