ياهلا يابو علي
الشاعر متعب التركي من فحول الشعراء المعاصرين له لوحات فنيه يجسدها بأيات أكثر من رائعه
وأقرا له الكثير والكثير
وهذه أبيات مما أعجبني له :
اكتب لغيره والقصايد تجي فيه
............................كن القصايد حالفه ماتخونه
هذاك لامنه زعل قمت اهاديه
.......................حتى وهو مخطي تعذرت دونه
يمكن لوانه يلمس الجرح بيديه
.......................يستغرب ان اللي لمسها طعونه
ابطى وهو غايب وزلت حراويه
.........................وأنا من العام اتحرى مزونه
وأيضاً :
صحيح بعض الناس فرقاه بشـرى
...........................وبعض البشر لاغاب ليله تضايقـت
ليتك خذيت بليل الأحباب مسـرى
.............................غرّبت من كثر الطواري وشرّقت
السيل يبقاله على القـاع مجـرى
..............................ويبقالـك التذكار لو كنـت فارقـت
أشوف لك من وين مارحت ذكرى
...............................ولاشفتها صديـت عنهـا ودنقـت
ماكل جرح(ن) لاخـذا أيـام يبـرى
..........................بعض الجروح يزيد نزفـه مع الوقت
لاهنت يابو علي وبيض الله وجهك على هالاختيار الأكثر من رائع
وصح لسان الشاعر
وننتظر جديدك بشوق يابعدي
,,,,,,,,,,,,, تحياتي ,,,,,,,,,,,,,,
*توديع الأحباب مثل الموت له سكره*
العرض العادي
