مدخل :
جـيـت المكـان اللـي بـوسطه تربـيت
بـيـت قـديـم مـأسـسيـنـه مـن الـطـيـن
بـأطـراف ذاك الـبيت بالـفـكر سجيت
ذكرت وقـت مـاضي لـي مـن سنـيـن
قـمـت أنـثـر العـبرة مـن الـدمع هليت
ضيقة بصدري رافـقـت دمعـة العـيـن
تبقى بـك الـذكـرى ولو رحت واقفيت
ابـكـي علـى الاطـلال لـو ما بقـى شين
بـاقـي بـك أشـيــاء ذكـرتـنـي وحـنـيت
الـزيـر وفـراشي وبعـض الـمـواعـيـن
واذكـر سـراج كـان يـضـوي لـنـا البيت
عـلــى سنـا ضـوه نـلـف الـمـيـاديـــــــن
يــاكــــم لـيـلـة عـشت فـيـك وتـهـنـيـت
يـاكـم مـضـى لـي بك من العسر واللين
يـا بـيـت ياللـي فـي خـفـوقـي تـعـليـت
الـيـوم بـاركـانـك تـنـام الـثـعـابـيـــــــن
ليـتنـي أعيـد اللـي مضـى واسكـنك ليت
لـولا الـظـروف وقـسوة الـوقـت هالحين
ما أنـساك مهـمـا غـيرك اليـوم سـويــت
ومـهـمـا مـلـكت مـن الـفـلـل والــملايين
----
تقبلوا فائق إحترامي