=== جعل من يجبر المكسور بالجنة ===

[يعقوب الوهيب]

الاخوة الشعراء
وردتني رسالة نصية على جوالي من صديق
فيها بيتين لا يعرف من قائلها ولكنه
طلب الرد عليها

آمل من الاخوة المشاركة بالاجابة والردود
يقول:

ياشيخ ابي أسألك عن اللي في الهوى جآني
وأبغى جوآبك بحكم الفرض والسنه

الآدمي لآسرق قلب آدمي ثاني
هو يدخل (النار) والا يدخل (الجنه)

[ابو فراس]

حدد يابو يوسف

نار وجنة الدنيا والا الاخرة

[ثامرالماضي]

هذي مشاركتي .. يابو يوسف ..

جتني هجوسي تشاكيني وتنخاني

..................................تبغى بيوتن على قافك ويزهنّه


والفكْر طار الفكِر بالحال ودّاني

...........................وعرضت قافك على شيخ الهوى لنّه


أبخص بمورن من المجني على الجاني

.................................وحكمه عدالٍ وبيده سيفه يسنّه


قال إسمع الهرج ثم قلها على لساني

...............................حب الشرف جايز وراعيه بالجنه

ثامرالماضي / أبو شعلان

[يعقوب الوهيب]

وهذه مشاركة وصلتني على الجوال
يقول :

يامن فقدت القلب لا انت اول و لا ثاني
ارخيت حبل الهوى للغيد جرنه

دور وسيط يقنع الجاني
والا ترى مقتولهن بالجنه

[يعقوب الوهيب]

وهذه مشاركة من شاعرنا الاستاذ عبدالكريم اليوسف :

ترى الفتاوى تجي من بعد الاذاني
@ باذاعة الخير والقران والسنه
لكن اضنك بحالك مانت وحداني
@ قد قالها اللي ماتدفى من العنه

[يعقوب الوهيب]

وهذه اجابة وصلتني عبر الجوال ايضا :

يا اللي وهبت القلب ورديت حزناني
ازريت ارد الفكر واعضاي يردنه
هو مني كل النظر والروح ولساني
واتمنى ربي يغفر ويدخلني الجنة

[سعد الماضي]

يعقوب انا منه يا اهل العِرف زعلانِ * ماني مجاوب على لغز ن نشد عنّه
قميص يوسف يحطه فوق الاعيــــانِ * وما لا نشوفه له عيون ن يشـــوفنّه