ما للبشر عن ما يقدر مناصي

[suef]

يا العبد لو تملك ملايين بالبنك

ما تنفعك مادمت لله عاصي

تدري وش اللي يجلب الضيق والضنك

إن كان ما تدري تراهاالمعاصي

وان كان تدري يا فتى خلها عنك

من قبل يوما ًبه تشيب النواصي
ترى بلاك وعلتك كلها منك
مير اسأل المعبود منها الخلاصي
وارجع قبل في باطن الأرض ندفنك
ما ينفعك لا مت داني وقاصي
لا ضامناً حيا ً ولا حي يضمنك
ما للبشر عن ما يقدر مناصي
واحذر تصير النار دارك ومسكنك
اللي حرارتها تذيب الرصاصي
وممشاك مع رجلا ًعزيزا ًيثمنك
ينفعك لاجا في السنين اختباصي
يمشي قدر واجبك ما هو بهاينك
يكمل مطاليبك ليا جيت ناصي
يعجبك لا حطيت مثله على ايمنك
قِرما ًيحل المعضلات العواصي
واحذر تماشي واحدا ً ما يواطنك
اليا بدالك واجبا ًعنك حاصي

[حمد الجبيرى]

	وممشاك مع رجلا ًعزيزا ًيثمنك = ينفعك لاجا في السنين اختباصي يمشي قدر واجبك ما هو بهاينك = يكمل مطاليبك ليا جيت ناصي يعجبك لا حطيت مثله على ايمنك = قِرما ًيحل المعضلات العواصي واحذر تماشي واحدا ً ما يواطنك = اليا بدالك واجبا ًعنك حاصي

ان من الشعر لاحكمه لا عدمتك ياخي كلام جميل يستحق التوقف والتمعن عند كل شطر وفقك الله

[محمد الديحاني]

وممشاك مع رجلا ًعزيزا ًيثمنك
ينفعك لاجا في السنين اختباصي
يمشي قدر واجبك ما هو بهاينك
يكمل مطاليبك ليا جيت ناصي
يعجبك لا حطيت مثله على ايمنك
قِرما ًيحل المعضلات العواصي
واحذر تماشي واحدا ً ما يواطنك
اليا بدالك واجبا ًعنك حاصي


صح السان ..... درر

[أبوخالد التويجري]

كلمات رائعة ومحتواها غني بالعبر



لا هنت