ايهما افضل للجنوب وداي الدواسر أو الخرمه بيشه خميس مشيط

[أبوعبدالعزيز]

بسم الله الرحمن الرحيم

يا الربع ان شاء الله ناوين بعد اسبوع المشيه للجنوب ان الله كتب ويسر وودي اجرب اروح بالسياره

وابي المشوره ايهما افضل اطلع من شقراء الدوادمي عفيف على السريع ومن عند الخرمه على بيشه الى خميس مشيط

او من الرياض الخرج وادي الدواسر خميس مشيط

انا رجعت العام مع الخط السياحي الي يسمونه من ابها الى الطائف ومع السريع الى الرياض

[راعي كيف]

السلام عليكم
هلا بخيي الإسبوع اللي طاف رحت مع طريق مكه الرياض الطائف الباحة ابها الله لايوريك 1430كيلو ومن بعد الطايف الى تقول ابها كلها تحويلات يجيلهن والله العالم مليون تحويله والخط خطر جداً بالليل والنهار اقل خطورة وعلية زحمة لكن يسحرك بجماله ونيس وعلماً إنه يبيله يومين على الأقل عشان تقطعه .
اما طريق الرياض الوادي الخميس احسن بكثير 1060كيلو تقريباً خط اغلبه مستقيم سيدين ولا فيه مقطعه الا تقريباً 60كيلو من الإفلاج الى السليل فية تحويلتين بعد السليل تقريباً لمدة 5الى 10 دقايق سيد واحد وفية من بعد الوادي تحويلة من 15 الى 25 دقيقة سيد واحد ماعلية ناس واجد فية بعارين واجد انصح المشي مبكر رش وجه الموتر فية رمال متحركة إذا تعديت الأفلاج الى حول الخميس والخط ممتع جداً وعلماً إني قطعت الخط بتسع ساعات مع بعض الوقفات .
اتمنى لك رحلة سعيدة واي خدمة راسلني وابشر بعزك .

اخوك المحب راعي كيف
ابو ناصر

[أبوعبدالعزيز]

مشكور اخوي راعي الكيف بيض الله وجهك بالنسبة لطريق السريع وقبل الطائف من عند الخرمه وش رايك فيه

[ابو فراس]

انا من الناس اللي يحبون الطريق السريع والمنبسط ولا يهمن المسافة المهم اني ارتاح واشيل رجلي عن البنزين والفرامل ولا احتاج الى سرعة زائدة عن المية وعشرين

برايي اذا كنت تبي ابها فقط فطريق وادي الدواسر اسرع

اما اذا كنت تبي تتمشى ولا يهمك متى وصلت الى ابها فطريق الطائف الباحة ابها شرح وذلك قبل سنتين ولا اعلم عن تحويلاته الان فالمعذرة

[أبو محمد]

طريق الخرمة رنية بيشة خميس مشيط ليس بالسيء
ومنها تمر سد بيشة وتسمع مكاين البلاكستون
وهذا الخط أنصح بالمسير فيه في وضح النهار لأنه مليء بالإبل ولتستمتع بالمعالم التي حول الطريق

[BASSAM]

المشاركة الأصلية كتبت بواسطة أبو محمد

طريق الخرمة رنية بيشة خميس مشيط ليس بالسيء
ومنها تمر سد بيشة وتسمع مكاين البلاكستون
وهذا الخط أنصح بالمسير فيه في وضح النهار لأنه مليء بالإبل ولتستمتع بالمعالم التي حول الطريق

اخوي ابو محمد

هل الطريق اللي ذكرته سيدين, وامين (اي عليه دوريات امن الطرق)


جزاك الله خير

[ابو فراس]

اخوي بسام

اجل انت مخطط تروح هالسنة الى هناك على النيسان

[حمد الجبيرى]

اخوي ابو عبد العزيز اذاكان مالك لزوم في الرياض انصحك تروح عن طريق رنيه ومن رنيه الى النماص فيه طريق تخلى بيشه يسارك جيت معه مره لاباس زين بس سيد واحد والله يحفظكم وترجع سالم

[Abu Ibrahim]

الأخ الغالي
ابو عبد العزيز
طريق الوادي طيب ان كان معك العائلة وان كنت عزوبي وترغب في التمشي والمغامره طريق بيشة
الله يحفضك وتاصل بالسلامه
(اخيك - الأحنف)

[الوافي عزام]

المشاركة الأصلية كتبت بواسطة أبوعبدالعزيز

بسم الله الرحمن الرحيم

يا الربع ان شاء الله ناوين بعد اسبوع المشيه للجنوب ان الله كتب ويسر وودي اجرب اروح بالسياره

وابي المشوره ايهما افضل اطلع من شقراء الدوادمي عفيف على السريع ومن عند الخرمه على بيشه الى خميس مشيط

او من الرياض الخرج وادي الدواسر خميس مشيط

انا رجعت العام مع الخط السياحي الي يسمونه من ابها الى الطائف ومع السريع الى الرياض

يا ابوعبدالعزيز

وش سويت طال عمرك

أي طريق سلكت .... ياليت تعلمنا لتعم الفائدة

لآهنت

[ابو فراس]

يالربع الرجال راح ورجع وانتم تاصفون له

هالحين نبي منه وشلون الطريق وع اي الطرق راح ورجع

لا تنسانا يابو عبدالعزيز ترا بسام يحتريك يبي يجرب النيسان بهالطلعات والنزلات

[عصا الترحال]

الحمدلله على سلامة الوصول
ونبي الغنايم لا تخلينا من أخبارك

[BASSAM]

المشاركة الأصلية كتبت بواسطة ابو فراس

اخوي بسام

اجل انت مخطط تروح هالسنة الى هناك على النيسان

حيا الله العمده

ان شاء الله تعالى ناوي مع العائله

لازم الصيف حار ونبي براد النماص

ولازم نجرب الباترول لاننا جربنا الباث قبله قبل العام وتمام

[يوكن 2005]

الرياض

الخرج

اللأفلاج

السليل

وادي الدواسر

تثليث

خميس مشيط


أبها


هذا أفضل و أسرع

[مداد الخير]

صح
و من مر سيشاهد أكبر دلة و مدخن في العالم ( بوابة الوادي)



و إذا عندك نفس .. أول ما تصل للبنك العربي اطلع يسار و أنت رايح غرب لمدينة الخماسين و على طول لمسافة تصل لستة كيلو ستجد متحف الوادي الجميل >>