رحلة قصيرة إلى فيضة العمياء 25 يناير 2007

[عروان]

السلام عليكم ورحمة الله وبركاتة

بعد غداء يوم الخميس الماضي في مخيمنا بالنعيرية طراء على الشباب و الشيبان طاري التمشية. و أتفقو على الروحة الى أطراف الصمان و قالو هاه يابو نايف شغل جهازك وعطنا أقرب فيظة.

أقترحت عليهم فيضة العمياء بما أنها أقرب فيضة شرق الصمان.

أخذنا عزبة القهوة و الشاي و ركبنا المواتر و اتكلنا بالله.

الطريق كان النعيرية _ الونان على طريق الوادي (70 كلم)
الونان - الفهدة (35 كلم)
الفهده - فيظة العمياء (48 كلم) طريق بري

وجدنا الفيضة ربيعها طيب و اليكم بعض الصور اللي أخذتها من كاميرا الجوال:







الفيضة ناشفة ولا بها ماء و ربيعها في أوله.

أتمنى أن الصور لاقت أستحسانكم.

[شايب الصمان]

هلا أبونايف

رحله موفقه والله يجمعما برحله جماعيه ومشكور .

ودي بمعنى ( و ركبنا المواتر و اتكلنا بالله.) أظن أنها مواترهم هم وهذا الي يبيع موتر البر وقت البر . ههههههه

بس الله يرزقك موتر برعلى كيفك ومكمل من مجاميعه .

[عروان]

يا أبو عبدالله لازم تقلب المواجع

الله يعين يا رجل على البنيان

[ثامرالماضي]

بسم الله الرحمن الرحيم

لاهنت أخوي عروان ... صور بقمّة الروعة ... وشكلها وناسه في وناسه ...

والله يجمعكم بفيضةٍ في الجنه ...

وننظر المزيد ... من الجديد ...

,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,

[خالد الشريهي]

هلا بعروان

الفيضة تبشر بخير إن شاء الله

تحياتي

[الليل]

نعم أعجبتنا أخي ..
والحمد لله الربيع مقبل ..

[ابو صقر]

الله يعطيك العافيه اخوي عروان
الحمدلله الفياض بدا يخف عنها الماء (تنشف) والربيع الحمد لله فاز مع هالدفاء
الله يعطيك الصحه انت وربعك
وفالكم التوفيق يارب

[عروان]

أبو شعلان

ثهلان

الليل

أبوصقر

مشكورين على مروركم

[الجارمن]

ابو نايف مثل ما قال ابو عبدالله
عقبال ما نطلع برحلة جماعية إن شأ الله
ومشكور على هذه الصور

[BASSAM]

ما شاء رحله طيبه يا ابو نايف

الحمد الله على السلامه

ودنا بشوفك قريبا بأحد الرحلات ان شاء الله




بسام

[المواكب]

اخي عروان اول شي الحمدلله على السلامة وباين ان الرحلة رائعة بس استفسار لو سمحت العمياء شرق حسناء السبق او قريبة منها ولك تحياتي . اخوك المواكب

[عبدالكريم اليوسف]

الغالي ابو نايف
عساك على القوة
والله يرزقك الموتر اللي يبهج قلبك
لاعدمناك على هالصور الجميلة

اخوك

[ابوذيب]

الحي يحييك والميت يزيدك غبن
تسلم والله ياعروان
اجل صنفت التمشيه وقلتوا ظهورهن يالنشامى

بالليل اصالي حاميات المحاميس ::وبالصبح الاوي كل قبا قحومي

تحياتي لك يابو نايف

[طليحه ام ذيب]

(وجه يناظر فوق)
<<ماعندها 8عربي

بالله ابو ذيب ترجم ؟؟؟ أتحداك فهمت كلمه؟؟
غبن مثلا ؟؟
بالليل اصالي حاميات المحاميس ::وبالصبح الاوي كل قبا قحومي
اشرح البيت السابق ..

الله يسعده ابو ذيب ابن بطوطة المنتدى نص كلامه طلاسم ..
نرجع للموضوع ..
الصراحه صور روووعه تبهج الخاطر
لقد اننا كشتنا بها في الاجازة الطويله اللي فاتت (عيدالاضحى) بس ماكانت كذا احس انها باديه تخضرررر ..

يعطيك ألف عااافيه اخوي عالصور ..

[ابو فراس]

ابو نايف

انشاء الله انه بداية الكشتات والرحلات الجماعية

خلاص اذا بغيت تطلع معنا فيه ونيت مستعد ومكمل

صورة مع التحية : لشايب الصمان