حياني الله بينكم :)

[مساير الجو]

السلام عليكم ورحمة الله وبركاته

اهني نفسي بتواجدي بين اخواني الاعزاء


و واول استفسار اطرحه لكم


عندي تانكي بنزين اضافي وقررت احوله الي تانكي ماء
وسمعت ان في ورش تفك التانكي وترشه بويه من جوه عشان ما يتغر طعم الماء
اذا احد يخبر لي احد هذه الورش اكون له ممنون
انا في مدينة الرياض

مع العلم اني لقيت لي واحد يقول انه يقدر يفك التانكي ويغسله بمادة عشان تروح ريحة البنزين
بس بدون رش بويه من داخل



تحياتي لكم

[ابو فراس]

حياك الله بين اخوانك

ولكن اول مرة اسمع بأنه يحول تانكي البنزين الى تانكي ماء

بعد ان تنتهي عطنا تقريرك عنه لفائدة اخوانك

[أبو عمر]

يامرحبا ومسهلا بأخونا مساير الجو بين أخوانك

تبي الراي
خذ مكلف ولا تكلف ركبلك واحد جديد أفضل من اللي عندك
طعم البنزين يبيله وقت الين مايروح
وأخاف تتعب فيه وتخسر قيمة تانكي جديد ولا يضبط معك .

[عبدالكريم اليوسف]

وعليكم السلام ورحمة الله وبركاته

هلا بك يالغالي
وباذن الله تفيد وتستفيد واسأل الله ان يغيثنا
حتى تنبسط بالجو والتانكي وتساير الجو

عموماً لا اخرج عن كلام الزملاء الا بعليك بدراسة الجدوى

بالنسبة للمحلات عندك النويصر شف اعلانهم في اعلى المنتدى

ومثل ما قال العمدة ابو فراس

لا زم نشوف التقرير

دمت بخير

[مساير الجو]

المشاركة الأصلية كتبت بواسطة ابو فراس

حياك الله بين اخوانك

ولكن اول مرة اسمع بأنه يحول تانكي البنزين الى تانكي ماء

بعد ان تنتهي عطنا تقريرك عنه لفائدة اخوانك

هلا بك اخوي ابوفراس

طبعا تانكي البنزين يتحول , واعرف هندي في صناعية الخليج يحول التانكي الاضافي مثل الي بالاندكروزر وامثاله
الى تانكي ماء , طبعا يقوم بفك التانكي ويلغي الترانسفيرمر الي هي القطعه الي تحول البانزين من تاكي الى تانكي
ويغسله من جوه بتنر ومواد ثانيه ويعبيه ماء ويتركه لـ24 ساعه بعدها تنقطع ريحة البانزين ويركب لك حنفيه .
طبعا هو ياخذ 200 ريال والحنفية عليك

وابشروا بالتقرير في حال الانتهاء منه


تحياتي للجميع

[رحال الخرج]

اخي ريح راسك تانكي الوطن (95)لتر اب210ريال اوفر وريح شي امجرب ومعروف

[كشات 1]

اشتري تانكي ماء من محلات الرحلات انضف وافضل