الفزعه ياشباب

[المطفوق]

مساكم الله بخير جميعا
مشكلتي ياشباب عندي باترول موديل 98 ماكينه تصرف زيت والمشكله لايوجد تهريب اسفل السيارة ولايوجد دخان
والله ياشباب انها صرقعت فيني
المشكله اني رحت للصناعيه يقولون النصابين لازم توضب الماكينه
وابي مشورتك ياعالم تكفون افزعولي
وش تنصحون فيه هل اوضب المكينه او اشتري ماكينه مستعمله
علما ان الماكينه تصرف كل الف كيلو نص علبه

[أبو عمر]

حياك الله يالمطفوق
ممكن تجاوب على هذه الأسئله لكي نساعدك ونعطيك المشوره
1- كم ممشى السيارة ؟
2- هل تم توظيب السيارة من قبل ؟

[عبدالكريم اليوسف]

وعليكم السلام ورحمة الله وبركاته

امر غريب فعلاً

اتمنى ان تجد من يفيدك

دمت بخير

[أبوخالد التويجري]

هلابك عزيزي


سؤال

هل هي ماتدخن اكيد .؟

يعني الصبح وهي بارده ومشيت ماتدخن .؟ << لآزم احد وراك يشوف

والشيء الثاني

هل فيه سواد خلف السيارة وبالتحديد فوق الشكمان .؟


انتظرك

[المطفوق]

بيض الله وجيهكم على الردود
بالنسبه لسؤال حنظل ممشي الباترول ثلاثه مائه الف كيلو
وبالنسبه لسؤال الثاني لااعلم هل توضب ام لا لاني الباترول له معاي اربع شهور
وبالنسه لسؤال ابو خالد نعم فيه سواد حول الشكمان

[أبو عمر]

الموضوع بسيط إنشاء الله فبعد ماتمشي السيارة 300 الف غالباً ماينقص الزيت بسبب ضعف الشنابر وتغير شكل تركيبها حيث تصبح نهاية الشنر ( تلاقيه ) على خط واحد والمفترض أن تكون متباعدة بشكل مثلث . والسبب الرئيسي لذلك إستخدام القير بشكل دائم لخفض سرعة السيارة .
في هذه الحالة ينقص الزيت ولاكن بدون دخان ملاحظ وواضح .
الحل : تفك راس المكينه وتتأكد من سلامة الأسطوانات ( عدم وجود شفه ) وتغير شنابر وسابيك متحركة وطرمبة زيت وتنتهي المشكله بأذن الله .
وفي حال وجود شفه الله يعينك على التوضيب .

وعطنا خبر لاهنت بالي يصير معك .