كبستي للحم مع الرز في الكاتم ( مره وحده بدون ماء ) حصرياً على الرحلات

[أبوخالد التويجري]

السلام عليكم ورحمة الله وبركاته
مسيتم بالخير جميعاً

هوجاس وهوجاس طق عرق بهالراس

وقلت ابكبس بالكويتم اللحمة والرز ( مره وحده جميع بدون ماء ) ويكون الرز أبوكاس وبدون تنقيع بعد

ناظرت في عيالي .. هاه ... اسويها فيهم .؟

يالله تم تم ... وإن ماذا ... فالله يعز شواية الخليج


مالكم بالطويلة


1- هذي الأغراض منسدحه أمامكم



2- فكيت علبة الطماط ووضعت فيها البهار والملح والشعب كله


3- هذي الخلطة اللي سويناها اصبحت جاهزة ( اللي كانت بعلبة الطماط )


4- خلطت الرز بها عشان يتشرب جميع الرز بالطعم لأن مافيه ماء يوزع الطعم ع الرز كله


5- حطيت البصل ع الكاتم ولو انه قليل بس ماعليه المفروض يكون اكثر .


6- سدحنا الرز المخلوط بالخلطة على البصل


7- حطيت اللحيمات ع الرز ولو إن نصفها عظام وشحم وهذا الغلط المفروض الشحم كله ينزع قدر الإمكان


8- بسم الله وشبينا عليه مع تقصير النار قدر الإمكان لمدة ساعة ونصف .


9- بعد ساعة ونصف فكيت الصفيرة ( ولا ريحة حرق ماشاء الله )


10- هذي النتيجة


11- وبالهناء والعافية والسموحه على القصور


الفكرة دخلت راسي
وإن شاء الله ابدأ أمخمخ فيها لين اطلعها بأفضل صورة وأنزلها لكم من جديد بس متى .؟
إن شاء الله قريب سنه سنتين

والسموحه

[ابن صقيه]

تسلم يمينك يا أبو خالد

وإن شاء الله تطور الفكرة وتحسنها للأفضل

[العابر]

السلام عليكم ورحمة الله وبركاته

ماشاء الله هذي الطبخ ماهو الرمنسيه ونجديه وينك نمرك ولالياجاك الدور القدم

[ابو فراس]

ايه يابو خالد مخمخ على كيفك وتعلم بعيالك مهب بعيال الناس

وترا خقوق البصل محفوظة لابو دوخي

على فكرة اللحم مملوح قبل الطبخ او بدون ملح

[الضحى]

ماشاء الله تبارك لله عساه عليكم بالعافية

ماء اللحم مع البخار كان كافي للإنضاج فكرة ممتازة ..

[عبدالكريم اليوسف]

وعليكم السلام ورحمة الله وبركاته

الله عليك
ولازم يحكم على الموضوع ابو فراس

لاعدمناك

[العابر]

سلام عليك أبو فراس كيف حالك نسئل الله لك الاجر والمثوبه على فكرة ترى حقوق الحفظ من البصل ترجع لبو خالد هم أهل الموضوع وش دخل أبو دوخي ولاأبو دوخي منتحل الشخصيه البصليه هههههههههه خلوه بالترهيم والرفافرف

[أبوخالد التويجري]

لي عودة بعد ما ارتب اموري كل هالفترة وانا منحاس الله لا يحوسنا بشر


لآهنتم وبإذن الله لي عودة

[الخلف]

وعليكم السلام ورحمة الله وبركاته

ايه يابوخالد
نبيك تجربها بالاجتماع ب 16 وحنا نحكم
ولا عليك امر

[عبدالله الحربي ابو راكان]

ابو خالد تراك شهيتنا بهلكبسه الطيبه ولازم من تجربه يعطيك ربي الصحه والعافيه

[بران]

وعليكم السلام ورحمة الله وبركاته

عاد ما هناك يا أبو خالد تعزمنا ؟

أو إن شاء الله في طلعة الدحول ؟

شـكــ وبارك الله فيك ـــرا لك ... لك مني أجمل تحية .

[أبوخالد التويجري]

ياهلابكم والله


تامرون أمر بس لا مانع من اخذ رقم مطعم احتياط خخخخ


ياهلابكم

[رحالة الشرق]

ذيب يابوخالد

البخار ماهو ماء

تقبل مروري

[جنوبي أصيل]

تسلم اناملك أبا خالد وبالهنا وبالصحه وِالعافية

[أبو سيف العمري]

يعطيك العافية .......................... وبالعافية عليكم