كلن يسافر وانا خليت ،،،، ولا ادري وش اسباب تخلاتي

[خوي النشاما]

كلن يسافر وانا خليت === ولا ادري وش اسباب تخلاتي
وبس

[حامد الغامدي]

ماشاء الله، انت خوي النشاما وان شاء الله انهم ليسوا السبب، ليتنا نعرف منك، يمكن نستفيد شى جديد عساك تسلم.

[ابو فراس]

اخوي خوي النشاما

ما خلوك ربعك مادام انك بمنتدى الرحلات

فأنت بين اخوانك كبيرهم وصغيرهم

[خوي النشاما]

اخي مهراس
زملاي بالمكتب وهقوني وخلوني مرابط وهم كلهم سافروا
وجا على بالي هالبيت وقلته افضفض ما بالخاطر
ولا ربعي نشاما مثلك وشرواك وماهم مخليني
تحياااااااتي لك

[خوي النشاما]

الاخ ابو فراس
ايبله انك صادق يالطيب
ماادامي اشوف صور رحلات ربعنا في الرحلات فكني معهم
الله يثيبهم ويسعدهم
تحيااااتي لك

[محمد المعارك]

خوي النشاما
صح لسانك على هالبيت

لكن يبدو انك ما حرصت والا كان المهتوي يقطع المستوي

ولعل بالامر خيرة... ومثل ما قال ابو فراس :ما خلوك ربعك مادام انك بمنتدى الرحلات

[سحمان السبيعي]

افا عليك يضيق صدرك وانت عضو في المنتدى

[خوي النشاما]

صح بدنك ياصقر
الود ودي اسافر ،،، لكن لانخوك زملاك ،مالقك الا انك توافق
لكن وعدهم السنين الجاية ان الله احيانا ولحقنا خير
والشباب هنا ما قصروا انبسطنا مع مواضيعهم الجميلة
كلن يسافر وهو مبسوط === وانا بسطتي بالرحلاتي
وين راعي الذوق يعدل المكسور
تحيااااتي لك

[خوي النشاما]

المشاركة الأصلية كتبت بواسطة كان

افا عليك يضيق صدرك وانت عضو في المنتدى

كان ابد والله مبسوط حتى شف وش قلت
كلن يسافر وهو مبسوط === وانا بسطتي بالرحلاتي
تحيااااتي لك

[ثامرالماضي]

بسم الله الرحمن الرحيم

أخوي خوي النشاما ...

تـبـغى الصراحـه إذا حبيت *** الــمنتدى صــار بـسـطاتي

بين الــنشاما غـداله صيت *** ومـحشوم عـن كـل زلاتـي

ويضيق صدرى ترى لبطيت *** وأدخـّلـه في كــل حـزاتـي

وبس ... ههههههه

ولايضيق صدرك كلنا بالهوى سوى

,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,