اليوم بشارك معكم بطبخة بالضبان.. أمس رحت أنا وأحد الزملاء حاطين في روسنا نتغداء ضبان ولمرة واحدة قبل لا تنتهي التسنة(الكنة) أعتقد باقي حوالى الــ9 أيام وتنتهي وترى ماني متأكد.. المهم مشينا الفجرعقب الصلاة وقصدنا الضبان اللي عندها رمث وتصيدنا وأخذنا كفايتنا وهي عبارة عن ضبين متوسطة الإعمار لي واحد ولخويي واحد وياربي لك الحمد.. المهم اليوم كان الجو حار شوي لكن الحمدلله الشعبان بعضها يحتفظ بمياه الأمطار جينا جنب ذاك الغدير وتغدينا وستانسنا وعينا من الله خير..
هذا غدانا غداء بسيط جداً لكنه لذيذ.. المقادير ثروب أو سلايق الضب.. تقلى قليلاً لين يسيل الشحم نحط البصل ونخليه يحمر شوي بعدها نضيف البيض والكبد ونحركها لمدة 3 دقائق بعدها نضيف اللحم والماء والملح وننتظره يستوي بعدها نضيف الرز ولا تقصر على النار الا بعد عشر دقائق *** *** تفضلــوا *** *** *** *** *** *** *** *** *** *** *** ***
طريقه جديده شلوطه بنكهة الرمث جميل وتحتاج الى تجربه وفقك الله
التوقيع
الآدمـي تـكـشـف مع الوقــت خافيه
ويبين لك طـيـب الرجـل من خماله
لا طـالـت الـخــوه ظهــر كل ما فيه
وعـرفـت دقــه وقــتـها من جــلاله
أما طــلـع خــويـك الـلـي تــخـاويه
والا سـمـحــت وقــلـت مالي وماله