يا الشاعر اللي بالقصايد ترنم
جاك الخبر مني وفكري مقـره
بنشدك عن عودٍ عمى لاتكلـم
يكشف ستر عذراه للي يجـره
عودٍ على كشف الحقايق معلـم
علمه يفرح شخص واخر يضره
هات الخبر وارسل جوابك معمم
باربع بيوتٍ من قراها تسـره
لصالح النفيعي
===
الله على الثلاث ليا صرت ماشي
يحمنك من طعن الظهر والخديعه
ماينقلن كـلام كـاذب وواشـي
ياتنك بالاخبار كنهـا الطبيعـه
===
انشدك عن رجلٍ يجيب العلم من بطن السواد
لو ماتحط اصبعك في عينه ما يعطيك العلوم
جالس بطن امه لكنـه هايـمٍ فـي كـل واد
ناس ٍ تشوفه فالسفر وناسٍ تشوفه كل يـوم
___
انشدك عن خمس تقابل مع خمس
صوب السماء ترقاوتنزل وترقـا
تنشاف شوف العين ماتلمس لمس
الشكل واحد والفعـل فيـه فرقـا
ان غيبن من عقبهن خاطرك عمس
كنك تحس بداخل القلـب حرقـا
===
ياويش الشيفه الي شفتها ياهل الوفا بالامس
طبيعي وضعها لاكنها ماهي طبيعيه
مواطيها ثمان انفوسها اربع والجماجم خمس
واصابعها عددها ياوجيه المعرفه ميه
===
انـشدك عن حـيـن حـياته غــريـبه
كـائـن غـريـب وغــربـتـه فى حـياته
الى مـسـكـتـه مـات لو تعـتني بـه
ان مات ولاحـي صـمـتـه صـــفاتـه
----
انشدك عن رجلٍ مسمى ومعروف
وقت الشدايد ينفعك بس ينعـاف
ينفعك بظروفٍ ويحرجك بظروف
ْويركب عليك ولا تشيله بالآطراف
---
ياويش بنتن مقعدت مقعدالعيب
الله خلقهـا يالنشامـا شريفـه
من فوقها ماتطلع الشمس وتغيب
ومنزالهافوق الجبال المنيفـه
تهدم وتبني بيت مابه عذاريـب
ثقيلتن ساعه وساعـه خفيفـه
-------
ياويش بنتينٍ على ظهر رجـال
متقاسمات الزاد بأمر المعازيب
واللي يغذيهن عجوز على الجال
من شان بنت صابره للواهيـب
------
انشدك عن رجل كتم وش جراله
ما يعترف يا كود تكويه بالنـار
ترى الولد طيب يحب الجمالـه
وليا تعب يمكن يجيب لك الاخطار
-----
أنشدك عن بنت(ن)ابوها تحتها
والبنت تولد ساعة العود مولود
لا كنها ماتقعد لناس(ن) بغتهـا
تاخذ شوي وتختفي داخل العود
------
انشدك عن قبرٍ دفن فيه راعية
معروف حتى في العصور القديمة
كلٍ يحاول يظهر جنازتٍ فيـــه
ولايظهره غير العقول الفهيمـة
------
ويش الثلاث الي يحفضن الاسرار
الاسم واحد والشبه بين ثنتين
متقاربات وفيهن صغار وكبار
عند الفقير وعندراع الملايين
-----
أنشدك عن رجلٍ ليا طال بك سرت
وليا قصر ضاقت عليك الوسيعـه
أهو رجل لكن سكن في حظن بنت
لا قـادرن تشريـه ولا تبيـعـه
----
انشدك عن رجلً صله بين بنتين
وبين البني دايم صفاته حميده
يهولك شكله له افمين وافمين
ويطق في روس الاصابع حديده
----
انشدك عن بنتٍ لها شعب وحزاب
ولوقتها كلٍ يحسّب حسابه
احدٍ يحاولها على دخلت الباب
وحدٍ يحاول ماتجي حول بابه
-----
بنشدك عن رجلٍ عزيزٍ فقدناه
ماعاد يطري كود حزة وحزّة
أخـْـيـَر لزيــمٍ لو بغينا انتمناه
وفي عصرنا قليل منهو يعزّه
راضي الهاجري
----
انشدك عن بنت خذت صيت رجال
فازت بصيته واقتنـع بالمهونـه
من عقب ماهو للمشاكيل حـلال
اليوم ياكثر البشر يجهلونـه
===
انشدك عن بنتٍ تركب على بنت
خدعه لواحد ودهـن يطرحنـه
وحده تقول انا بعينـه تزيّنـت
طماع يحسْبني على قد ضنـه
وحده تقول انا مسكته ولا خنت
لو ان مسكي له على غير سنه
----
انشدك عن ليل غريب ومشبوه
يضفي على رجل به الناس دارين
ثم ينجلي زوله ترى الزول مكروه
مايوضعه ياكود ناسٍ مقفين
---
منهم ثنينٍ قبل عصر النبي نوح
سرع البواخر في البحور انسجوها
طبوا بحر تسعين والكل سابوح
متواعدين القوع لين المسوها
واحد خسر روحٍ وواحد ربح روح
والله مع اللي كلمته قومووها
===
أنشدك عن عودن تراقل سنونه
وتجوده بنتن بقضبت علابيه
عودن قوي عزوم ماينطحونه
ينده بسم ابنه واسمه يخفيـــه
===
وش اللذي من نوعها ماسبقها
في وسطها سبع بنات شريفات
لها مكانه عند شخص عشقها
ومن عافها خسران لوذاق لذات
===
انشدك عن بنت هواها عذابـي
من حبها ينحل وحاله تسومـي
نوماسها يحفي نفـوس الشبابـي
تفنى لجل ترضي الحبيب الهيومي
تحرق عروق القلب ومنها الذهابي
وفي هجرها العاشق يصير محشومي
===
وش رجلٍ عياله لهم وارد وصدير
وله هنوف كل ابوهم يجون ضيوفها
بنت وحده وتقلب كل وقت باسم غير
والرجال من اجل بنت تشد صفوفها
===
ياويش رجال ربطوه بجماعه
مره يفكونه ومرات مربوط
يمشي بدرب الضيق مو بالوساعه
وما يسمح لغيره ولو كان مضغوط
ماياكل العيشه ولابه مجاعه
وان قيل فيه اسنان فالقول مضبوط
===
وش غلام لا ظواه الليل يسري
ولاتشوفه لو يمرك بالنهار
نوب للساري على الثنتين يغري
ويخلفك نوبات من خلف الستار
===
وش رجلن يفعل الطيب وافعاله قديمه
له قصص ومبالغاتن كثيره ماتعد
قد ذكر بالدين مظلوم ويا شين الظليمه
فارسن من مارثت فرسان من عمن وجد
===
ابنشدك عن رجلا يحمل حرمته في كل ديره
ويهج لديارا بعيده يولدها
وبسقي عيالها من الماء بحسن تدبيره
وليل أرتوت ماتت وماتو عيالها
===
ابنشد الشعار واللي يحلون
ويش الهنوف اللي لها الخلق تشتاق
بنتٍ لها زوجين والناس يدرون
والبنت حامل والمخاليق عشاق
عطت ولدها جدةٍ صانته صون
والبنت قف والغنادير سواق
===
حجرف تذكر قصتة مع خروفة
للغز حلالة وللمعرفة ساس
من البحر ومن السماء خذ وصوفة
مشروب لكن دون طاسة ولا كاس
ان شربة الرجال محدن يشوفة
وان شربتة حرمة يشوفونها الناس
===
اسأل عن اللي راكزٍ بالوطى ركز
في قمته مطماع ناسٍ رقت لـه
إلا هنوفٍ هزتـه ياعـرب هـز
من قمته جاها ولو ماعنت لـه
===
انا بنشدك عن بنـت جمليـه ماعليهـا راس
عجب لله كيف البنت خلقـت مالهـا راسـي
ولايفها عليهن روس واصناف البنات اجناس
ومـن يدخـل محبتهـا تلين قلبه القاسي
===
انشدك عن رجل يحرسك ويحميك
ماياقـف الا يمسكـنـة بنـاتـة
رجل يجى بنواع مافيـة تشكيـك
روحة وجية دوم هـذى حياتـة
===
دم ولحم وعظام من بطن الحجـر
ثم اصبحت تمشى على صم العظام
لاوالدين الها ولاهـى مـن بشـر
ادت مهمتهـا بترتيـب ونـظـام
===
ويش بنت شانها شان كبير
ماتصير الا مع كبار البخوت
فى حشاها ورع مجهول المصير
مايتكلم كود هاعذراء تموت
===
انشدك عن بنت علـى غيـر راده
جت مقبله واقفت بلحظه سريعه
بأ مان ولا بخـوف للبنـت عـاده
باالعيـن شفناهـا وهـذي طبيـعـه
===
يـاويــش بـكــره يـدايـرهـا قـعــود
وان دارهـــا درت عـلــى حـلابـهـا
لتشرب من المـاء ولا تـرد العـدود
وراعيها من راس هضبة(ن) جابها
===
وش الثمان اللي على راس مخلوق
من خلقـت الدنيـا ليـا منتهاهـا
متلاحمات وبينهـن دم وعـروق
حكمة ولي العرش رافـع سماهـا
محيطتن رجال تاقاه مـن فـوق
في الباديه واللي سكن في قراهـا
==
الغاز شعبية
العرض الشجري
