استفسار عن رفع ددسن 2005 دفرنسين ... عاجل ...

[أبوهليل]

السلام عليكم ورحمة الله وبركاته

اخواني عندي موتري ددسن دفرنسين 2005 وودي ارفعه من الخلف

لأنه تهزع(تنزل) مع التحميل وشكله مااعجبن

فوش رايكم وشلون ارفعه

والسلام ختام

[عبدالرحمن الدرويش]

ابو هليل.. هلا وغلا

حبيت أسألك قبل كل شيء عن الددسن من الخلف سست والا ياي..؟!!
إن كان سست في الخلف فلديك ما يلي.. فأولاً عندك تطريق السست لكن بعد فترة ترجع وترد مثل قبل.. ثانياً ترهيم سست وأعتقد إنه في هالحالة يرهمون سست شاص.. ثالثاً محل الرماية بطريق التخصصي لديه سست أسترالية وأعتقد أنها ممكن تزيد من إرتفاع وكذلك تستحمل كثرة الحمل بالحوض..
هذا ما لدي واتمنى ان اكون قد قدمت المفيد وايضا اتمنى ان تجد الافادة ممن لديه نفس السيارة..

أخوك.. أبو فهد..

[أبوهليل]

الله يجزاك خير اخوي فهد وننتظر اراء الاخوة الباقين

[راعي الهدد]

أخوي الغالي على قلبي ... ابو هليل ...

الله يبارك لك في هالددسن يارب ..

بس رأيي من راي اخوي ابو فهد ...

مالك الا تطرق السست وفيه محل بالصناعية القديمه جيد مره ...

وايظاً تحاول تركب مساعدات اقوى من حق وكالته ...

بس ممكن يقسى عليك المطب شوي ...

او انك تآخذ مثل ماقال ابو فهد سست اقوى ...

من عند الرماية او من عند بالبيد ...

لعشان تتفادى مسألة التطريق كل فتره ...

محبك ابو حمد ...

[أبوهليل]

للــــــرفع

[شايخ]

مالك الا التطريق او سست من الرمايه او شي قوي يعادلها وارخيص ولاتدور غير هالكلام موفق يابو هليل

[أبوعبدالعزيز]

عليكم السلام ورحمة الله وبركاته

اخوي ابوهليل انا معي مثل موترك 2005 زودة سسته ودبلة المساعدات عند ورشة النويصر في الرياض مساعدات آيسي ديلكوا حجمها تقريبا كبر حجم مساعدات شد البلد الموتر ارتفع وصار مطبه شوي قاسي وركبت زود كفرات وجنوط سفاري 16 والحمد لله ما عاد يهزع الموتر مثل اول

[عز مع الكيف كافي]

أخوي هليل ..

أنا عندي موترين مثل اللي عندك ..

بالنسبه لزيادة سسته تخلي المطب يقسى وترفع شيء بسيط بالحيل .. يعني ما يسوى ..

وللمعلوميه -قد تسبب زيادة السسته- إلى انطلاق اللعاب أو أنكسار السسته اللي ماسكه في الشاصي.. (حصلت معي في الهايلوكس)

لذلك أنا أشوف أنك تغير اللعاب إلى مقاس 18 أو 20 أو 24 .. على حسب الرفع اللي تبيه ..

وإذا غيرته ركب مساعد مونورو (الأصفر) للتحميل -يجي عريض وطويل- ويتحمل التحميل الزايد

ويبي يغدي موترك سكبــه ..


أخوك/
أبــ تميم ــو

[أبوهليل]

جزاكم الله كل خير وما قصرتوا

وراجع الخاص يا خوي ابوتميم

[أبوهندي]

السلام عليكم ورحمة الله وبركاته ... اخوي الغالي ((ابوهليل))

انت يبيلك 60 سست عشان ماينزل الموتر لان اللي بيخاوونك

انت ابخص باجسامهم صح ولا لا اما بالنسبة اذا بتروح للرماية

دق علي ودي اغير السكين واشتري مسن....

موفق .......







اخوك / ابــــ هندي ــــــو.... محبك ومغليك.

[ابوقتيبه]

السلا عليكم

اخوي انا عندي زي سيارتك 2006

وركبت لها لعابه 20

بس ما نصحك تركب 20 لانها بترفع السياره مره افضل شي 18


والسلام عليكم