الوسم قرب فماهي استعداداتك له

[كن مع الله]

بسم الله الرحمن الرحيم
السلام عليكم ورحمة الله وبركاته

حياكم الله جميعا احبابي الاعضاء والمشرفين والزوار الكل يعلم ان الوسم لم يتبقى عنه الا ايام قليه اسال الله العي القدير ان يجعله وسم مطيرر وربيع وخيرات ,,,,
السؤال

هل استعددة له وماهي استعداداتك وما هي افضل الامكان التي

تتردد عليها في الوسم

وماهي العزبه التي تفضلها دائماً تكون معك

وهل هناك محلات للرحلات البريه تنصحون بزيارتها

وشراء العزبه منها

شاكر لكم تعاونكم

[محمد المعارك]

حياك الله أخي كن مع الله

الوسم موسم جميل حيث الواحد ينتظر الأمطار ويتباشر الناس بهطولها.

شخصياً لم أستعد وعلى حسب السيول سأتجه وسأشد رحالي ... ( وين ما يكون الاخضر انا وياه)

بارك الله فيك.

[سهيل]

هلا بالجميع مثل ماتفضل اخوي


صقر حسب الربيع


بالنسبة للعزبة لازم اشتري جديدة


لأن الجدار اللي طاح على عزبتي مافيه امل يقوم


ولا بشيول

[عمار السفينه]

وعليكم السلام

هلا بالغالي

ولله العزبه جاهزه صيفاً شتاءً

والموتر كذلك

ولكن في هالفتره قاعد اجهز الموتر ((تقنياًً))

يعني اربطه بالشبكه العنكبوتيه وغيره من الخدمات

ههههههههههههه

هذا اللي يسمونه ((( جنون التقنيه )))

وأما اماكن الكشتات فهي مع المطر مثل ماقال اخوي صقر

لان الماء سر الحيااااه

تحياتي لك

[راعي ساموده]

عمار السفينه ؟؟؟؟
قاعد تجهز سيارتك ( تقنيا ) وتربطه بالشبكه العنكبوتيه ؟
هالحين حنا هاجين من هالبلاوي وانت تلاحقنا به بالبر بعد .. خلاص هونت مانب طالعن معك .

وانا بالنسبه لي أقول :
أنت عطنا البراد وشبة الضو واحلتنا بأي محل تبي ههههههه

[كن مع الله]

اما انا فقررت اني اطقلي عزبه جديده

لأن القديمه ماهي بالي انت تبي

[حامد الغامدي]

انا استعدادتي للوسم أدور اجازه

[عمار السفينه]

المشاركة الأصلية كتبت بواسطة راعي ساموده

عمار السفينه ؟؟؟؟
قاعد تجهز سيارتك ( تقنيا ) وتربطه بالشبكه العنكبوتيه ؟
هالحين حنا هاجين من هالبلاوي وانت تلاحقنا به بالبر بعد .. خلاص هونت مانب طالعن معك

هههههههههههههههه

الله يهديك بس الله يهديك

الحين قاعد اجهز السياره تقنياً لعيونكم يالغالي

عشان بأذن الله ننقل لكم الحدث لحظة وقوعه ومباشره

من الامطار والربيع والخير وغييييره

بعدين ترى انا من الناس اللي مااحب ابداً انه مايكون فيه ارسال جوااال

يعني هذا من الضروريات عندي

لكن الشكوى على لله الصمان وعشقها ومايسوي

والثريا الظاهر بيكون موجود قريب (((عناااد لك))

ههههههههههههههههههههههههههه

تقبل تحياتي يالغالي

[ابو صقر]

بسم الله الرحمن الرحيم

وعليكم السلام ورحمة الله وبركاته

الله يجيب الخير ياخوي كن مع الله
ولازم من التشييك على السيارة وتكميل نواقص العزبه
عشان مانطيح بحلوق بعض الناس
وتفقد الاجهزه المصاحبه

والدعاء بالتوفيق