ماطور صغير الحجم متعدد الاستعمالات اشتراك ويعطيك كهرب 220 ولمبه ومنفاخ كفرات وتشبك عليه لمبه 12 فولت انا مشتريه من العام عند ساكوا وسعره 300ريال وصراحه ما توقعت يعطيني هذا العطاء ويدوم معي البارح جربت عليه لمبه 12 فولت وقلت ابشوف كم تجلس اللمبه شغاله ولا شحنه خليت الشحن الي باقي فيه وشبكت اللمبه وجلست 11 ساعه متواصله بعدها طفت اللمبه
هذا قبل ما ابداء بشتغيل اللمبه كان الامبير على هالرقم ايه انا شغلت حتى اللمبه الي في الجهاز مع 12 فولت
معه شاحن كهرب وسياره
ليات الاشتراك والعام جربته شبك واحد من الربع لمبه قويه وسحبت البطاريه وقلت اصبر خلنا نجربه نشوف يشغل السياره والا رجمته في هالنفود والحمد لله شغل السياره سفاري
كهرب 220 ومعه فيوز
منفاخ هواء للكفرات وهذا ايضا جربته العام نسمة كفرات السياره على 15 وبديت انفخ واذا وصل 30 نقلت للكفر الثاني بدون ما اطفيه والحمد لله تفخ اربع كفرات طبعا احتر لي الهواء
لكن يمشي وكل ما صار اللي اقصر اسرع في تفخ الكفر واقل للحراره
امكانية شبك لمبتين 12 فولت وعداد هواء الكفرات وطفاي اللمبه الي في الجهاز نفسه
الجهاز خفيف حمله وتم تفصيل له جراب للمحافظه عليه
وفق الله الجميع لكل خير وتقبل منا ومنكم الصيام والقيام وختم لنا شهر رمضان بالعفو والغفران والعتق من النيران ووالدينا والمسلمين اجمعين .
التوقيع
التعديل الأخير تم بواسطة أبوعبدالعزيز ; 15-03-10 الساعة 10:50 AM
الغالي أبو عبدالعزيز
جزاك الله خير وبيض الله وجهك وماقصرت على الإفادة تقرير رائع
مثل هذي الأجهزة مهمة..وخاصة عند الكشاته..
لاحرمك الله الأجر أخي الكريم
مشكور يا الحبيب .
لكن في جهاز اسمة انفيرتر اذا اتوصلة على بطارية السيارة تقدر أتشغل 8 ليتات كبار "تيوب ليت" وقبل ما اتفضي البطارية ,يعطيك تنبية عن ذلك ولا فية صوت مزعج ولا دخان ولا بترول.
قيمة الجهاز 700ريال