منقل للشوي يدوي وكهرب

[الروضة]

بسم الله الرحمن الرحيم
أعضاء وزوار الرحلات
السلام عليكم ورحمة الله وبركاته وبعد
كل عام وأنتم بخير
بمناسبة قرب الشتاء وكثرة الكشتات هذه شواية ليست غريبة عليكم فهي تباع في أغلب محلات الرحلات
لكن المهم في هذه أنها ماتأخذ مكان في السيارة وهذا هو المهم
ثانياً تستطيع تجعلها شواية على كهرب
والمطلوب دينمو فرن
وتقدر تشوي عليها بأصياخ الشوي أو الشواية اليدوية ( تقلبها بيديك ) ولاتحتاج تبحث عن بلك أو حصى أو تشيل منقل خصوصاً في النفود
وتستطيع تجعلها وجار للضو

والمطلوب صاج من الحديد الأبيض ملي ونص حسب المقاس الذي تبغى ( أنا مسوي 30سم في 15سم )
عدد 6صاج
عدد -5 - فصالات وواحدة متحركة كما هو واضح في الصور إن شاء الله
والغرض من المتحركة حتى يتم فكها وشبكها
( عند التركيب لازم تكون الفصالات واحده داخل والثانية خارج متخالفات ( نفس طريقة الذرى حق الدافور )

والآن مع الصور وأرجوا أن تكون واضحة وأي استفسار أو ملاحظة مانستغني
هذه وهي مفتوحة


هذه الفصالات المطلوبة

هذه الفصالة المتحركة

الآن جاهز للشوي

هذا بعد تصفيطه حتى لايأخذ مكان مع الأغراض

هذا إذا بغيته وجار سداسي خصوصاً عند النوم

هذا دينمو الفرن إذا تسويها كهربائية ( متحرك )

توضيح للدينموا

الشواية الكهربائية

[عمار السفينه]

ماشاء الله تبارك الله

شغل تماااام التمااااام

متعوب عليها

وبأذن الله اليوم اروح اشتريها

ماقصرت يالغالي

[Abdullah K. AL-Hassan]

ماشاء الله

شغل وتفصيل تمام..
تصدق يالغالي عندي شواية بنفس الطريقة دينمو وشريتها جاهزة من أحدى المحلات في الربوة..
لكنها ماهي عملية ..
لك كل الشكر أحلى تحية أخوك أبومحمد

[BASSAM]

ماشاء الله

شغل تمام التمام (فنان)


جزاك الله خير




بسام

[ابو فراس]

الروضة يامال العافية والافكار العالية

افكار وشغلات رائعة يغفل كثير من الناس عنها وهي سهلة التصنيع

[محمد المعارك]

مشكور اخي الروضة
فكرة رائعة وبسيطة بنفس الوقت وملائمة للرحلات .

ننتظر منك الجديد أخي الفاضل ... وبارك الله فيك.

[عبدالرحمن الدرويش]

الأخ الكريم.. الروضة

هلا وغلا..

ما شاء الله تبارك الله شغل عدل ومرتب ونظيف
لكن لي ملاحظة بسيطة كإستفسار.. الدينمو كهربائي.. هل تعتقد بأنه لن يتأثر بالحرارة..؟؟!
وأخيراً.. ما قصرت على هالفكرة الجميلة والله يعطيك العافيه

أخوك.. أبو فهد..

[أبوعبدالعزيز]

عليكم السلام ورحمة الله وبركاته

يا بعدي يا ابو عبدالعزيز تسلم ويسلم راسك والله من زمان وانا ادور مثلها وين احصلها يا ابوعبدالعزيز انا
ابيها بدون دينموا هل احصلها جاهزه

[عاشق سدير]

مشكور اخوي الروضه

[الروضة]

الأخ عمار السفينة
حياك الله وياهلابك والحمد لله أن الفكرة تمام

الأخ Akh
حياك الله ومشكور على تشريفك وتدري ليش الي تكلم عنها أنها ماهي عملية لأنها من الصاج الخفيف جداً

الأخ بسام
حياك الله ومشكور على مرورك الكريم

الأخ ابو فراس
حياك الله ويكفي مرورك الكريم

الأخ صقر
حياك الله ومشكور على التشريف وأبشر بسعدك إن شاء الله

الأخ ع ف الدرويش
حياك الله وياهلابك يا أبو فهد
وبالنسبة للملاحظة
طبعاً هو الدينمو مصمم للفرن حق البيت ويتعرض لحرارة قوية ومع ذلك ما يضره ( صناعة إيطالي ) لاتقرب الصيني
وهو على هذه الشواية يتعرض للهواء ولاتصله حرارة قوية
طبعاً هو معي الآن حول السنة ولاتأثر ولله الحمد

الأخ أبو عبد العزيز
حياك الله وياهلابك
طبعاً هذه أنا مصممها بيدي وأنت تحصلها إن شاء الله فقط متى نشوفك وأبشر بسعدك

الأخ عاشق سدير
حياك الله ومشكور على مرورك الكريم

[هزيم الرعد]

الصراحة إنه روعة
وإستعمالاته متعددة وراااايق
لكن أعتقد إن أحد عيوبه هو قرب الشواية من الجمر ... فعند الحركة الشواية تبي تلامس الجمر لأنها طامنة كثير
طامنة " نازلة "
ومشكور على هالفكرة المتكتكة

[الروضة]

حياك الله أخوي
هزيم الرعد وكل عام وأنت بخير
طبعاً الشبك أنت تحكم فيه على حسب الأرتفاع الذي تبغى
ومشكور على تشريفك

[هدد ؟؟؟]

ماشاء الله .. تبارك الله ..
أخوي الروضة .. تراني تستهويني ابتكاراتك .. الله لايضرك .. زادك الله من فضله ..
تقبل مروري .. دمت بود..

[راعي ساموده]

المشاركة الأصلية كتبت بواسطة هدد ؟؟؟

ماشاء الله .. تبارك الله ..
أخوي الروضة .. تراني تستهويني ابتكاراتك .. الله لايضرك .. زادك الله من فضله ..
تقبل مروري .. دمت بود..

منت بسيط يالروضه

[الروضة]

الأخ هدد
حياك الله والحمد لله أن لي قبول عندك
مشكور على مرورك الكريم

الأخ راعي سامودة
حياك الله وياهلابك وبمرورك الكريم