رحلة الساحل

[ابو صقر]

بسم الله الرحمن الرحيم

السلام عليكم ورحمة الله وبركاته
وكل عام وانتم بخير

في رحله قصيره للساحل حبيت اشاركم في بعض الصور

في ثاني يوم العيد وبعد المعايدات والمناسبات السعيده اعاده الله علينا وعليكم وعلى الامه الاسلاميه بالخير والبركات
توكلنا على الله بعد انتهاء الموسم او قارب على نهايته
عن طريق القصيم المدينه السريع ومنها الى ينبع ومن ثم املج
كانت رحله ممتعه رغم شح الصيد

وهذي بعض الصور
في البدايه اطلالة البحر

وهالشباب تعطل موترهم وماقدرنا نساعدهم الا بسحبه الى الاسفلت

وهذا زائر غير مرغوب فيه سير علينا مساءً

وفي الصباح الباكر بدأت رحلة البحث

وهذه اول الاثار

مع الاسف ماصورت الباقي لهيت مع الصيد
بس معوضين
وبعدين غيرنا المكان
وفي الطريق شفنا هالملقوفه (طبعا خليناها في حال سبيلها)

وفي مكان اخر وجدنا هالاثر

وجابه الله

وهذه اطلاله على وادي الحمض

[محمد المعارك]

صايد وفايد يابو صقر
مبروك عليكم الصيد

ياليتك ما لهيت بالصيد وصورت لنا الهدد على الكروان .

لكن معوضين خير ان شاء الله .

بارك الله فيك.

[ابو صقر]

باقي شوي بس نكمله هنا

وبعد ان ارتفعت الشمس واشتدت حرارتها
ميلنا على عشه (سبيل) عملها فاعل خير الله يجزاه خير
مجهزه من كله بس المقاريد ما خلو شي
وفيها مصلى و خزان ماء
وتقي من حرارة الشمس لان الهواء كان لطيف اذا تتقيت عن الشمس
كانت في منطقة حميله
واسم الشخص سلامه الجهني (رحمه الله)
واسكنه فسيح جنانه
وهذي بعض صورها

وهنا يظهر خزان الماء
وللمعلوميه ان الخزان اهل الخير ما يخلونه فاضي حتى المقانيص اذا حصلوه فاضي يجيبون وايت يمليه

وفي صباح اليوم الثالث توكلنا على الله
فيه يوم ناقص لاني نسيت الكاميرا

وهاللقطه تقل ذكرتن في سيارت بعض الناس

ودمتم سالمين

[ابو صقر]

بسم الله الرحمن الرحيم

حياك الله يابو احمد
وكل عام وانت بخير

عاد التصوير لك عليه والصيد ماش صيد
بس اللي حصلنا فيه بركه

مشكور

[سهيل]

الحمدلله على السلامة اخوي ابو صقر

والله يتم عليكم بنعمته وصيد طيب

اخي الكريم

[حامد الغامدي]

من العايدين، ماقصرت يابو صقر تسلينا معك بهالصور والصيد اللي فيه البركه، وان شاء الله رحلات قادمه نشوف صيد أوفر يامال الغناة، تقبل تحياتي

[ابو صقر]

بسم الله الرحمن الرحيم

الغالي سهيل
مشكور وماقصرت
وجزاك الله خير

مهراس
ياهلا والله بهالطله
مشكور يابو فهد
وربي يسمع منك
مشتاقين يالغالي

[سعود الراشد]

ماشاء الله عليك يابوصقر
رحله موفقه انشاء الله
تقبل تحياتي

[دربي صعب]

ماشاء الله فليك يابو صقر
وزانت علومك يالغلا على الصيد والصور والرحله اعاده الله عليك في الاعوام القادمه
ولا تحرمنا من جديدك يالغلا
اخوك/
ابو حمود

[شايب الصمان]

هلا وغلا بأبوصقر

ومن العايدين يحك لك لو تأخرت على بعض الناس وتأجلت الطلعه ... والطلعه تأجلت مهب ....

وهاللقطه تقل ذكرتن في سيارت بعض الناس

منهو بعض الناس اللي تقصده يابوصقر أنا ..................

الله يخليه ويمد بعمره على الطاعه .... من ماكان يكون

[ابو صقر]

بسم الله الرحمن الرحيم

هلا والله بخوي سعود
الله يسلم عمرك


حياك الله يابو حمود
وربي يجيب الخير وفلة الحجاج
مشكور


يامراحب والله بابو عبدالله
اشونك عذرت

والصوره تذكرني بواحد معه نفس السياره ولا يركب معه احد بس العزبه المحترمه

وتراه ماهوب اللي انت خابر

مشكور يالغالي

[ثامرالماضي]

بسم الله الرحمن الرحيم

يامال العافيه يابوصقر ... إيه ياخوي مبطين عن هالصور وهالمقانيص ... الله يوسع صدرك بالعافيه ...

ماقصرت يالغالي على هالصور الحلوه ...

ولكن ماعلمتنا كم صيدكم من الكراوين وعساهن مشحمات ...

لاهنت يابعدي ... وبيض الله وجهك ...

وننتظر المزيد ... من كل جديد ...

,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,

[راعي الشاص]

الف شكر يابو صقر
ولاهنت

[ابو صقر]

بسم الله الرحمن الرحيم

ياهلا وغلا بخوي ابوشعلان
من طول الغيبات
لك وحشه والله ياخوي
انت خابر ياخوي ولا يهونون الربع
الطيور توها مفكوكه
والاجواء مازالت حاره يعني مايناسب الهدد
بس ركبو مراوح والاديتر 3رصات
هادين هادين الله لايعوق
والصيد مبروك ياخوي وفيها الطيب واللي دون شوي

الله يجزاك خير ياخوي راعي الشاص
ومشكور