اكتب قصيدة فقط عليك تغير بالقافية

[الانيق]

يامسوي الفنجال سوه على الكيف** وحذرى تهاون والحطب سمر مصفوف

سوه سواة معلــم فيه حـــــــــريف** يجلا عماس الكبد في داخــــل الجوف

لافاح ريحه يذعـــــــر الجو ماشيف** ياصلك ريحـــه قبل ياصـــــله الشوف

بدلال شاميــــــات صفر مهــــاديف** بنه يجــي من يم خـــــــــولان مقطوف

علي انا يالقـــرم كل التكــــــاليف** من غير شغله يافتـــــى مانت مكلوف

يعني راح تكون كذا

يامسوي الفنجال سوه على *** = وحذرى تهاون والحطب سمر ***

سوه سواة معلــم فيه *** = يجلا عماس الكبد في داخــــل ***

لافاح ريحه يذعـــــــر الجو *** = ياصلك ريحـــه قبل ياصـــــله ***

بدلال شاميــــــات صفر *** = بنه يجــي من يم خـــــــــولان ***

علي انا يالقـــرم كل *** = من غير شغله يافتـــــى مانت ***

والحكم شاعرنا الغالي ريف النشاما

[ثامرالماضي]

بسم الله الرحمن الرحيم

أخوي الأنيق ...

فكره رائعه ياعساك سالم ... وإستلم :

يــامسوي الفنجال سّوه علـى نـــار*** وحذرى تهاون والحطب سمر مقصوص

سـّوه سواة معلــم فيه بـــيـــطـــار*** يجلا عــمـاس الكبد في داخــــل إقفوص

لافاح ريحه يذعـــــــر الجو بإبهار*** ياصلك ريحـــه قبل ياصـــلك مخصوص

بدلال شاميــــات صفر على وجار*** بنه يجــي من يم خـــــــولان مرصوص

علي انا يالقـــرم كل اللذي صــــار*** من غير شغله يافتـــــى مانت مــرخوص

وعساها اللي بالخاطر ...

لاهنت يابعدي ...

,,,,,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,,,,,,

[ابو فراس]

يامسوي الفنجال سوه على التواصيف** وحذرى تهاون والحطب سمر معروف


سوه سواة معلــم ما فيه صواديف** يجلا عماس الكبد في داخــــل الموصوف


لافاح ريحه يذعـــــــر الجو والاطاريف** ياصلك ريحـــه قبل ياصـــــله ملهوف


بدلال شاميــــــات صفر مراديف** بنه يجــي من يم خـــــــــولان معكوف


علي انا يالقـــرم كل التصاريف** من غير شغله يافتـــــى مانت مكتوف

[الانيق]

مشكور يابو شعلان وابو فراس على التفاعل

وللعلم ما نبي نثقل على الاعضاء بعدد الابيات فيمكن المشاركة ببيت واحد فقط ويكفينا

[ابو فراس]

وينك يالباقين او نايمين بام رقيبة

[ابو صقر]

بسم الله الرحمن الرحيم

اخوي الانيق

موضوع قمة الروعه
تراي جالس اعصر مخي ابي اجيب مثل ابو شعلان او ابو فراس
وكل مابديت بشي عيا يزبط باقيه
عاد يوم شفت اني طولت عربت لك شوي والله يعينكم


يامسوي الفنجال سوه على روق===وحذرى تهاون والحطب سمر براق
سوه سواة معلــم فـيه ولـه ذوق===يجلا عمـاس الكـبد في داخـل اعمـاق
لافاح ريحه يذعـر الجـو برفوق===ياصلك ريحـه قبـل ياصلك الاشراق
بدلال شـاميـات صفر بهـن موق===بـنه يـجي مـن يـم خــولان مشـتاق
علي انا يالـقرم كـل لـه حقـوق===من غـير شغـله يالـفتى مـانت زراق
وسلامتكم

لا تدققون بالحيل

[ثامرالماضي]

المشاركة الأصلية كتبت بواسطة الانيق

مشكور يابو شعلان وابو فراس على التفاعل

وللعلم ما نبي نثقل على الاعضاء بعدد الابيات فيمكن المشاركة ببيت واحد فقط ويكفينا

يالربع صاحب الموضوع خفّض لكم ... إلى بيت واحد ...

ومن يوم خفّض حتى الزوار ماشفنا أحد منهم ... تراها بسيطه وماتبي تعب ... تغيير كلمات بس تكون موزونه ...

عجلوا علينا لاتفشلون أخونا (( الأنيق )) ...

يالله أنا بإنتظاركم ...

,,,,,,,,,,,,,, تحياتي ,,,,,,,,,,,,,,,

[ابو فراس]

يامسوي الفنجال سوه على الغاز = وحذرى تهاون والحطب سمر غالي

سوه سواة معلــم فيه هزاز = يجلا عماس الكبد في داخــــل العاصي

لافاح ريحه يذعـــــــر الجو لماز = ياصلك ريحـــه قبل ياصـــــله الوالي

بدلال شاميــــــات صفر مرزاز = بنه يجــي من يم خـــــــــولان لي لحالي

علي انا يالقـــرم كل اعزاز = من غير شغله يافتـــــى مانت مصالي

[حامد الغامدي]

انا كنت نايم بام رقيبه وما فيه انترنت عندي، المعذره على التأخير

يامسوي الفنجال سوه على هون .................. وحذري تهاون والحطب سمر موجود
سوه سواة معلم فيه مـــــــذهون ................. يجلا عماس الكبد في داخل ســــــعود
لا فاح ريحه يذعر الجو والكون .................. ياصلك ريحه قبل ياصــــــلك مشـهود
بدلال شاميات صفر حلا اللــون ................ بنه يجي من يم خــــــــــولان مشدود
علي انا يالقرم كل الملا يجـون ................... من غير شغله يالفتي مانت منقـــــود

وسلامتكم

[وراط]

تعصرت و يالله طلعت هالبويتين

يامسوي الفنجال سوه على الضو ** وحذرى تهاون والحطب سمر من نجد

سوه سواة معلـم داخـــل(ن) جو ** يجلا عماس الكبد في داخــــل الكبـــــد

موضوع رائع جداً
لا هنت يالانيق

[ابو صقر]

بسم الله الرحمن الرحيم

يامسوي الفنجال سوه بتقدير===وحذرى تهاون والحطب سمر مختار
سوه سواة معلــم فـيه تدبير===يجلا عمـاس الكـبد في داخـله ثار
لافاح ريحه يذعـر الجـو عبير===ياصلك ريحـه قبـل تاصله الانظار
بدلال شـاميـات صفر ومغاتير===بـنه يـجي مـن يـم خــولان بصرار
علي انا يالـقرم كـل المشاوير===من غـير شغـله يالـفتى مـانت محتار

[الانيق]

يامسوي الفنجال سوه للنشاما** وحذرى تهاون والحطب سمر غالي

[ابو فراس]

بدلال شاميــــــات صفر ملمعات** بنه يجــي من يم خـــــــــولان مجلوب