صرخه بلا صوت

[متعب معاميله]

السلام عليكم ورحمة الله وبركاته
قصيده اعجبتني واتمنى ترقى لذائقتكم

السلام عليكم ورحمة الله وبركاته
قصيده اعجبتني واتمنى ترقى لذائقتكم

صرخه بلا صوت .. أو صوتٍ بلا صرخه =أشبــــاهك كثار وأنا .. قلـّة أشــــــــــــباهي
الحصني إن جاد .. صاد الديــك بن فرخــــه =والســـبع يفتـــــك سمين الصيــد والراهي
والذيــب يا الذيـــب .. يذبح شــاته بلبخـــــــه =مير انت ذيــــــبٍ يموت من أضعف شياهي
شريم ابو برطم ٍ مقطوع من نفـــــــــخــــه =هــزّك .. أجل وش يجــــيك بنفخة شفاهي
شفني تعشـــيت كبـــشك من عقب سلخه =وشــــــوّطت رأسـه سحــــور .. ونمــت متباهي
هلحـــين أنا صايــم ٍ ياطــــــــــــاهي الطبخـــه =كلها لحــــــــالك وقَدر الطبـــــــــخه ... الطــــاهي
لا ياالوســـــيم الأنيــــق .. الناعــــم الكشـــخه =لاعــــــاد تشــــره .. وللشــــــــــرهات شــــــراهي
خذها نصــــيحة إذا شفت الزحــام .. إنــــخه =خل الخــــــــلا للذيابه .. وأنت عش لاهي
وخذ لك من الأصــل طبق الأصــل كم نســخه =كل ٍ غدى هالزمــــــــان الآمــر النـــــاهي
والخطّ لو تخــــــتلف رقعته عن نســـــخه =تبقى المعـــاني معــــــاني .. هي مثل ماهي
صحيـــــــح أنا وأنت كل ثيابنا وســــخه =مير أنت خلقه.. وأنا ببيـــــــــــــالة الشاهي
الشاعر محمد الدحيمي

[ابو فراس]

كأنها هجاء لقارئها

[متعب معاميله]

أخي ابو فراس -ترا ماهنا فرق كبير بيننا في العمر -صبحك الله بالخير
لا اعلم ماهو قصدك من الرد بقولك (كأنها هجاء لقارئها)
واخبرك انني قريتها اكثر من مره واستمتعت بذلك كل مره اعيد قرائتها
واخيرا هي مجرد قصيده اعجبتني في مضمونها ولست بقائلها
وان كنتم ترون او تستشعرون غير ذلك فالامر لله ثم لكم
ولن يغير ذلك شيء مما بيننا مع ان لا اعرف منكم احد معرفه شخصيه
الا بما اشاهده من مشاركات لكم في هذا المنتدى وكلها علوم غانمه وترفع الراس
وهذا ما دفعني للانضما م لكم
جمعه مباركه اخوي

[ابو فراس]

السلام عليكم ورحمة الله وبركاته
حبا الله متعب معاميله

لم يكن قصدي انت شخصيا

انما القصيدة قيلت في شخص وارسلت اليه فلما قرأها عرف الموضوع بأنه المقصود بالهجاء

وبعدين كودك تصير اكبرمن عمرا وقدرا حتى اقول لواحد من اعضاء المنتدى ياعم

ترا كلهم اصغر من او بسني

[جمعان الخثيمي]

الحصني إن جاد .. صاد الديك بن فرخـهوالسبع يفتـك سميـن الصيـد والراهـي

والذيب يا الذيـب .. يذبـح شاتـه بلبخـهمير انت ذيبٍ يموت من أضعـف شياهـي

والله تصوير راقي..وليس لردي إرتباط بإسمي

وبالفعل تشبيه موافق للوضع الحالي

تحياتي لك يا متعب

[عبدالكريم اليوسف]

محمد\الدحيمي
من الشعراء الجميلين
ولك الشكر لك على هذا النقل

اخوك

[المهاا]

والخطّ لـو تختلـف رقعتـه عـن نسخـه ***** تبقى المعاني معاني .. هـي مثـل ماهـي
صح نقلـك وصح السااان شاعـــــرها
أعجبني بحق هالبيت تصوير جميل قليل أن يقال بحقه راااائع
لاهنت ولاهان اختيارك

[فتى الرابيه]

لاهنت ولاهان الشاعر تسلم