وعليك السلام يابو جراح:
جميل ان الموضوع خلاك تعيش في الماضي،،، الماضي اللي هو كل شىء جميل واصلي وصريح مافيه لف ودوران وصحي ونظيف ترى الماضي كان كل شىء فيه طيب واللي يذكرنا بالطيب هو طيب أعني هالسيارات، والله انا خسرنا عليها كثير حتى صارت تمشى، فيه مره انكسر الأقزوز انا جاتني جلطه وحطوني بالعنايه المركزه، ومره خرب الكربريتر جلست مريض 3 أيام حتى صلح الونيت، قصص ايش أقول وايش أخلي.
الونيت كان مع الوالد يوم هو يشتغل بالمطار، وشراه من حراج المطار 1395هـ واشتغل عليه بالديره حتى أفناه 1403هـ، وانا جيت وصلحته 1421هـ، والأن هو واحد منا ومضاف في كرت العائله.
لك الشكر الجزيل على مشاركتك اللى ما نستغني عنها وعساك على القوه.