صور من رحلاتي

[ولد نجد]

الغالي ابو صقر
لقد امتعتنا بهذه الصور الجميلة متعكم الله بالصحة والعافية واعادها عليكم سنين عديدة
نريد المزيد من صوركم وذكرياتكم الجميلة في رحلاتكم ...
بالنسبة لصورة ابو فراس فانا متأكد انه يتطمن على اخيه الجارمن


وبارك الله فيك

[الجارمن]

ابو عبدالله بس ودك تسأل عن شناط العزب اللي وراه
وراك ما تسأل عن الخيمة وعن الفراشات اللي انتم جالسين عليها وعن البرقان والمعاميل وعن وعن وعن
الله يهديك ابو عبدالله خليت الواحد يتكلم وهو ما وده
اما سبب ان ابوفراس ينزل الغرض من موتره وبعدين يرجعه على طول
اقولك ليش
لان هذا الغرض قديم جداً وعفى عليه الزمن ولا يتماشى ويتوافق مع الاغراض والعدد الحديثة والمتطورة اللي شاهدتها انت بنفسك بهذه الطلعة

[ابو صقر]

بسم الله الرحمن الرحيم

هلا بأخوي كــــان
الله يبارك فيك وان شاالله يرزقنا ربي المواسم الجايه ربيع احسن من هالسنه

اهلين وسهلين بعمدتنا الغالي ابوفراس
الله يجزاك خير

هلا وغلا ابو عبدالله
وان شاالله ترجع الايام الحلوه الموسم القادم يارب
وهذا من حسن ذاتك
اما موضوع الاستهداف مااعتقد
بس انت والاخوان يدرون ان الرموز عليها رقابه وتدقيق اكثر من غيرهم
هههههه ايه تقدر تقول استعرنا النغزات من الغالي ابو جراح
بس اشوى اللي ماجت صدمه
اما مايخص شناط العزبه اللي وراك
(رغم انه محرصن ما اقول شي)
هذي حاجه بسيطه من عزيبة ابو نواف
والله ان ابو فراس غالي ماودي اقول شي
بس سؤالك هذا نبهني لشي كنت غافل عنه
فعلاً ابوفراس بس اينزل البريق يشخص فيه شوي وياخذه
ويبدولي ان العمليه تشخيص وفرد عضلات

كفو ياذيب اجل اخذ راحتي بالصور


يامرحبتين كبار بخوي الرهدن
ويوسع صدرك انت والجميع بالعفو والعافيه ويارب الموسم القادم نتشرف بشوفتك
اما الاحداثيات ماعتقد انها تفيدك في هالوقت
بس وعد مني ان شاالله الموسم القادم ابشر بأول احداثيات من اول رحلة عساسه
الحمدلله انا وانت وجميع اعضاء المنتدى الاعزاء اخوان وربع حتى الزوار الله يحييهم ويجمعنا على مرضات ربي

يامرحبابك اخوي ولد نجد
آمين يارب العالمين بوجودك
ابشر بالصور
انت بارك الله فيك ماشي على حديث (احسن الظن)
يمكن كلامك صحيح

الجـــــــــــارمن
مايحتاج توضيح الوضع واضح جداً جداً
حتى النجر هذاك
قبل التحرر من فلول الاحتلال

وشـــــــــــكراً

والسلام عليكم

[شايب الصمان]

المشاركة الأصلية كتبت بواسطة الجارمن

ابو عبدالله بس ودك تسأل عن شناط العزب اللي وراه
وراك ما تسأل عن الخيمة وعن الفراشات اللي انتم جالسين عليها وعن البرقان والمعاميل وعن وعن وعن
الله يهديك ابو عبدالله خليت الواحد يتكلم وهو ما وده
اما سبب ان ابوفراس ينزل الغرض من موتره وبعدين يرجعه على طول
اقولك ليش
لان هذا الغرض قديم جداً وعفى عليه الزمن ولا يتماشى ويتوافق مع الاغراض والعدد الحديثة والمتطورة اللي شاهدتها انت بنفسك بهذه الطلعة

هلا ومرحبا بالغالي أبونواف ........................................ تصدق حسبتك معي وأثرك على طول قلبت ضدي المقصود بالعزبه قصدي ألفت نظر بعض الناس اللي ماغير يمدحون بعزبة أبوفراس
وهوصحيح مانستغني عنه تقديرا له وهوعمدتنا ومانبيه يسخط علينا ويحرمنا من مرافقته بالرحلات القادمه
ويشلون الواحد يمشي بدون ماء أبوفراس ماء رحلاتنا جميعها ( مهب يصبغ أبد )

[عبدالكريم اليوسف]

شرواك الطيب يالامير
انا اشهد انك هيضت المشاعر
صور ولا اروع
لله درك
وعسى عيني ما تفقدك

اخوك

[ابو صقر]

بسم الله الرحمن الرحيم

ياهلا والله وغلا بأمير الذوق

تصدق عاد اني شاره عليك
اقول وين الرجال مابين
بس اكيد لك ظروفك

مرورك اسعدني وردك وقود

شــــــــكراً يالغالي

[ثامرالماضي]

بسم الله الرحمن الرحيم

الغالي أبو صقر ... ماشاءالله عليك ... الصراحه أبدعت بهالصور الزينه ... الله لايخلينا منك ...

ولكن شكل الموضوع بدا يشب بين العزب ...

وأتوقع ... إنك متفق أنت والجارمن وشايب الصمان على هالصور ... أو هم اللي مختارينهن هههههه

كله عشان أبو فراس ... يبي يدبلون كبده ... ( يدور الحرش ) ههههههه

مشكور ولاهنت يابوصقر متعت نفوسنا وعيوننا بهالصور الزينه ...

وننتظر المزيد ... من كل جديد ...

,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,

[ابو فراس]

الناس يتكلمون عن العزب وانتم تتكلمون عن الاكل والخيام لا تحورون الموضوع عن الاصل

فيكم ارجعو للموضوع الاصلي حق العزبة

ولكن صوركم تفضحكم

الدافور وبالكيس ما استعمل وش السبب ما ادري يمكن الغاز قاضي

وابو نواف نايم بعز النهار ما قام يسوي الفطور للمعازيم

خله على الله يابو صقر او تبين انزل صورة اصغر مبشرة

بس اخاف من راعية المبشرة تشوفه ومن ثم ما تروح للمدرسة خايفة من المعلمة تهوشه

[ابو صقر]

بسم الله الرحمن الرحيم

العزيز ابو شعلان
الله يبيض وجهك ومشكور
اما موضوع العزب فهو موضوع ازلي
لاوالله مافيه اتفاق ولا شي
الموضوع ومافيه (صراع اجيال) بس
ولولا محبتي لبو فراس ماحارشته
بس شكلي ورطت

ابو فراس
الله يجزاك خير
انت عمدتنا وحبيبنا واختلاف العزب لايفسك للود قضيه
وكل واحد يفتخر في عزبته ابعطيك مثال
هل الجيب التايوتا مثل السفاري .... لا
بس كل واحد عاجبته سيارتة


<<<<<<<<<<<دخل الذره يوم سمع بطاري المبشرة

وترا راعية المبشرة تبي تهوشن اذا شافت اننا استخدمناه
فا رجاءً لا تدخلنا بمتاهات

[الجارمن]

عمدتنا ابو فراس
الخيمة تعتبر من ادوات الاساسية للرحلات البرية وبالتالي تعتبر من ادوات العزبة الاساسية
تبينا ندقق ما عندنا مانع
ولكن اعتقد ان هذه علامات الاعتراف بالهزيمة امام العزبة المتطورة
اما مسألة وراه الدافور بالخرج (الكيس)
الدافور استخدم اكثر من مرة واكتسح جميع الدوافير اللي بالطلعة بشاهدة جميع اعضاء الرحلة
وعشان كذا لازم يحفظ بعد كل استخدام عشان يعطيك اكثر واكثر

[النداوي]

الغالي أبو صقر
إذا أنت غشيم في التصوير ويش نكون نحن
ما شاء الله عليك صور جميلة الله يجزاك خير يا الغالي

أخوك أبو عبدالله

[ابو صقر]

بسم الله الرحمن الرحيم


النـــــــــــــداوي
اهلين وسهلين باخوي ابو عبدالله

وشكراً على المجامله اللطيفه
وتشجيعم يدفعنا لمحاولة بذل المزيد

وفالك التوفيق يارب