بسم الله الرحمن الرحيم السلام عليكم ورحمة الله وبركاته أسعد الله صباحكم ومسائكم بكل خير أعذرونا على الإنقطاع وذلك لضروف السفر يوم الأربعاء الماضي و بعد صلاة العشاء أنطلقت من الرياض وكان الوعد مع الشباب محطة خزام " الثمامة " وكان الهواء عالي جداً .. فتوجهنا إلى شعيب قرب بويب أو البوبيات وتم أختيار المكان المناسب للجلوس وتجهيز العشاء كان تحت سيطرة العضو الغالي وشيف الرحلة / Abdullah AL-buraih وقررنا نقل الطريقة بعد الإستأذان منه بداية وصول الشباب وتجهيز المكان .. "" الغالي أبو مروى وهو يشرف على شبة نار العشاء "" "" القهوه .. من يد أبومروى .. طعم ثاني "" "" يالله حيهم "" بعد القهوه فاتنا ترتيب الدجاج في القصدير وإن شاء الله نقدر نعوض لكم في الوصف الطريقة كالتالي ... ( دجاج " مقطع " ويفضل لمن لايجيد التتبيلة شراء دجاج الوطنية المتبل الجاهز ) بعد تتبيل الدجاج وتجهيزه .. يتم وضع قصدير على حسبك كمية الدجاج وتكرار الطبقات " تدبيل القصدير " حتى يكون سميك .. من 3 إلى 4 طبقات .. وإذا كانت طريقة القصدير صعبة أو لم يتوفر القصدير أستبدله بالأصحن المستخدمة في مطاعم الأرز ." و يفضل معه وضع ". ( بصل ، ثوم ، بطاطس ، طماطم )...... ألخ ... وكل حسب رغبته ومن ثم إغلاق القصدير جيداً ووضعه على السياره ... أقصد على النار "" وهنا بعد وضع القصدير الأول بكل رفق "" "" بعد وضع الدجاج أحسب له قرابة ساعة .. إلا ربع "" صورة أرضية "" الجلسة مع الشباب وشاي يحبه قلبك "" "" "" "" بعد ساعة إلا ربع .. تقريباً تم إخراج الدجاج "" "" بسم الله "" "" وأخيراً يقدم مع الخبز وطبق شهي إن شاء الله "" ختاماً أتمنى أن الموضوع نال على رضاكم وإن شاء الله القادم أجمل خالص الود والتقدير والمحبة أخوكمـــــ عبدالله
وعليكم السلام ورحمة الله وبركاته لا اعلم لماذا يابو نجم اني حرصت على اكون اول من رد على هالموضوع عن هذه الرحلة في هذه الاجواء المتقلبة رحلة مع ربع يحبهم قلبك كلهم نشاما واكلة بسيطة وخفيفة ما تبيله قياسات غير الوقت
بالعافيه عليكم يا بو نجم ياخوي المره الثانية علمونا تراني ما آكل واجد يالله أهم شي الوناسه
فيه العافية ان شاء الله وبصراحه اول مرة سويت بالقصدير كان لحم وضبط معاي 100% مرة ثانية سويت دجاج والقصدير ما انتفخ مثل المرة الأولى والخضار طلعت نص مستوية تكفى ما هي افضل طريقة للف القصدير
الأخ الغالي akh السلام عليكم ورحمة الله وبركاته بالعافية ما شاء الله اكل طيب والمهم الصحبة الطيبة
رحلة موفقة كيف لا وفيها عبدالله البريه ابو عابد الخبز في هذه الصورة مختلف ،، شنهو نوعه مفرود ؟!! ابو عابد جعل مداخيله الهناء والعافية ،، <<<< ما احب مرق الدجاج!!
ماشاءالله تبارك الرحمن رحله موفقه وطيبه شكرا لك
الف شكر لك اخوي عبد الله رحلة موفقة موفق بإذن الله ... لك مني أجمل تحية .
أكلة لذيذة وبالعافية عليكم بس أعجبني شغل القهوة والشاهي شغل راعي كيف
الامير دائماً مبدع حتى بالطبخات عساه بالهناء والعافية اخوك
مطرح مايسري يمري يابو نجم، خلاص نبي نحطك شيف الأكلات السريعه في البر، أعجبني توضيحك للتتبيله، في حفظ الله.
ماشاء الله بالعافيه يا ابو محمد موفق بإذن الله ... لك مني أجمل تحية .
شغل عدل مدل ما شاء الله تبارك الله بالعافيه عليكم
اقتباس: المشاركة الأصلية كتبت بواسطة ابو فراس وعليكم السلام ورحمة الله وبركاته لا اعلم لماذا يابو نجم اني حرصت على اكون اول من رد على هالموضوع عن هذه الرحلة في هذه الاجواء المتقلبة رحلة مع ربع يحبهم قلبك كلهم نشاما واكلة بسيطة وخفيفة ما تبيله قياسات غير الوقت الغالي أبوفراس حياك الله وياهلا ومرحبا بك ومرورك وردك يسعدني يالغالي عينوني شيف الرحلات المنسقة بدلـ....وتشوفون الفرق هههههههههه ألف شكر يالغالي خالص الود والتقدير محبكــ عبدالله
اقتباس: المشاركة الأصلية كتبت بواسطة أبو شعلان بالعافيه عليكم يا بو نجم ياخوي المره الثانية علمونا تراني ما آكل واجد يالله أهم شي الوناسه الغالي أبوشعلان حياك الله وياهلا ومرحبا بك الرحلة جت على السريع ... ولكن الجايات أكثر إن شاء الله وأبشر بالعوض ههههههههههه ألف شكر يالغالي خالص الود والتقدير محبكــ عبدالله
Security team
الرحلة الليلية السريعه ... ( المخده ، دجاج القصدير ) ... بأحد شعبان البوبيات
... أقصد على النار 
العرض العادي
