ملح ,مطرقه, صينية حنيني ,= طبخة أبوفراس العجيبه ؟؟؟؟

[شايب الصمان]

قناص الحبارى

أبوعبدالعزيز هلا ومسهلا بالشايب اللي ضمن مجموعة المتاق.... الحمدلله أن العمده بغى يزعل على يوم الاثنين وختى قال تبي أخذلك موافقه من ..................... قالت أبد لايمكن جاي الله لايعوق بشر والحمدلله سهله الله وأجتمعنا بعض حبايب القصيم ...
وهنا طلعه بس ماأدري متى حاول ترتب نفسك بأجازه ... معليش نست أنت ..... جاهز دائما ماشاء الله عليك تبارك الرحمن .

[شايب الصمان]

المشاركة الأصلية كتبت بواسطة أبو شعلان

بسم الله الرحمن الرحيم

أما تعابير وجيهكم بالصوره ... قسم بالله قويّه يابوعبدالله ... وشكلك يوحي وبقوه إنك مسوي رجيم هههههههه

والطبخه هذي لازم نشوف لها تفصيل ممل ... ياخوي نبي نسويها ... عجلو علينا ... شكلها طعمه بالحيل ...

الله لايهينك يابوعبدالله ... كفيت وفيت ...

ونتنظر المزيد ... والمزيد ...

,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,

شكرا لمرورك ..... الدوج زعلان عليك

[عبدالرحمن الدرويش]

شايب الصمان.. هلا وغلا

تقرير جميل جداً
ورحلة خفافية وصحب كرام
أما الشوي على الملح فهذا شيء ثاني
وليتكم تفيدونا عنها وبالتفصيل الممل
لأن الصور شيء والواقع شيء آخر
والله يعطيكم العافيه

أبو فهـد..

[شايب الصمان]

ع.ف.الدرويش

حياك الله وبياك ولعين والديك خلاك

طريقة الملح أطلبوا العمده عنه هو من أفادنا .................. طالبوا العمده ينزل موضوع عنه

[راعي كيف]

السلام عليكم
يقول الشاعد بدر الحويفي
للكيف ذوق ولستماع القصيدي لاقلطو رســــــــــــــــلان ولا بغاديد
ثنتين هيل وثالثتهن عويـــــــدي وكلن على ماتشتهي النفس وتريد

وانا اقول
لدوج كيف ومسك الطريقي لا مسكوه مطناج ولاّ شعيبي
ثنتين هن منوتي ياعظيدي لا تسب الدوج ولا رفيقي

راعي كيف
ابو ناصر

[شايب الصمان]

المشاركة الأصلية كتبت بواسطة راعي كيف

السلام عليكم
يقول الشاعد بدر الحويفي
للكيف ذوق ولستماع القصيدي لاقلطو رســــــــــــــــلان ولا بغاديد
ثنتين هيل وثالثتهن عويـــــــدي وكلن على ماتشتهي النفس وتريد

وانا اقول
لدوج كيف ومسك الطريقي لا مسكوه مطناج ولاّ شعيبي
ثنتين هن منوتي ياعظيدي لا تسب الدوج ولا رفيقي

راعي كيف
ابو ناصر

يالينتي شاعر ياأبوناصر كان رديت عليك .. زاد غلاك أكثر يوم حبيت الدوج .... ومعلبش تراي خليته توقيع ....... بدوا اللي يحبون الدوج يطلعون .. مشكور يابوناصر وماقصرت

[راعي الشاص]

الف شكر لك اخوي شايب الصمان
تعددت الأكلات والبطن واحد
قل لي يابو عبدالله وش فايدة الملح؟

لاهنت

[أبو البراء]

السلام عليكم ورحمة الله وبركاته

بالهناء والعافية
شكل الطبخة ما عليها هساها بالعافية والأهم من الطبخة النفس الطيبة إذا حضرت في المكان يحلو معها كل شيء

الله يجمعكم على طاعته

[ابو سعود]

المشاركة الأصلية كتبت بواسطة شايب الصمان

السلام عليكم ورحمه الله وبركاته

بداية الر حله من الخبر يوم الاربعاء فجرا لانجاز بعض العمل الخاص بشايب الصمان بالرياض . وكانت هناك محاوله لتطيب خاطر شايب الصمان بدل رحلة النقل المباشر من أم العصافير ..... شايف بروحي اني مهم ) وهم ماحسوا بي .

أتصل الغالي أبو فراس صباح الاربعاء وين وصلت .. ننتظرك على الوجبه ؟؟؟؟ . قلت لاماله داعي الانتظار قال الوعد الغضا بعنيزه قلت تم ...........
العصر وصلنا عنيزه ألو أبوفراس قال الوعد مزرعتنا .......... عان عان عان ( السياره تمشي ) أووو وقفت السياره عند موتر العمده سلام عليكم ورحمه الله وعليكم السلام الحمدلله على السلامه كنت يابوعبدالله مأثر عليك رمضان ( يقصد الوزن نازل ) قلت الخف رحمه ......... والشتاء على الابواب نستعدله ...الافتراس. .
مشينا وعان عان عان ورا أبوفراس رن رن تلفوني أقول يابوعبدالله الدوج يمشي ورا التويوتا قلنا أكيد أحترام لكبرسنك ........... وقفنا عند تموينات بعرفه أبوفراس على طريق الغضا عطنا جالون ماء وثلج وراح العامل يركض بسرعه وهو شايل الجالون يم سيارة أبوفراس وفجاءه رمى العامل الجالون وهرب الى داخل التموينات وأنتظر العامل يجي يحط الجالون داخل السياره ماحولك أحد وبعدين عرفت السبب .......................................

الله يسعدكم وجمعكم في الجنه اللهم آمين

بس موهوب كنه محترك اشوي ....؟ ولالا !!




ابوسعود

[الانيق]

ابو سعود هذا الله يسلمك الحميس اللي محترق مهب مشوي الملح

[شموخ]

رررررررررائعه جدا

الله يعطيكم العافية

[ابو فراس]

راحت الايام ونسينا نعلق على الموضوع ولابد ما يصير هالكلام

يابو عبدالله ولا يهون باقي الربع كانت طلعة على الكيف وخلت راعي الرس يجي طاير على علب حبحر

ولابد ان نكرره مرة ثانية وثالثة ويازين هالطلعات الخفافية بالغضا وصدقون يا ناس ريحة الغضا تسمر الراس اكثر من السمر

اخونا هزيم الرعد اذكر انك واعدتنا بصور ولا اوفيت بوعدك ومازال الوعد قائم انجز بهن الله يخليك

[fahad]

الله يعطيك العافيه

[ايكوم]

وش ذا الابداع يا خال
اقول هونا عن طبخ المثلث و ابو صقر
نبي طبخك انت باقرب كشته
والفطور على الجارمن عشان نفطر مرتين اقل شي
والغسيل على المحمل
وانا على الشاهي
وشايب الصمان عليه الاكل مره وحده فقط

[عبدالكريم اليوسف]

مشاء الله تبارك الرحمن
وش خليت يابو عبدالله
ابداع وابو فراس
علم من اعلام الرحلات

اخوك