الحمد لله من الله علي ورزقني هذه الدبة النادرة
ولها سالفة وهي إن خال العيال لقى بمستودع ابوه(خالي) ثلاث دبات وكلهن قديمات ويبغى لهن تصليح صمام ورأس
قلت له : يابومحمد عندك أبصلحهن لكن أباخذ هالصفيراء
قال لي : قدام وجهك ما تغلى عليك
قلت له : بيض الله وجهك
وهذي صورة المليحة شد بلد
وهذي بعد تركيب صمام ورأس PKLالهندي مرهم
بالتوفيق للجميع
التعديل الأخير تم بواسطة عبدالحميد الحربي ; 25-08-10 الساعة 04:10 PM
سبب آخر: تعديل العنوان
ماشاء الله تبارك الله
دبّة نادرة وجميلة
وخالك كريم وأنت تستاهل
أجل قلت له هالصفيراء .............. يقاله شينة هههههههههه
الوكاد كان ماتبي هالصفيراء : تبيعها بـــ 200 ريال
الحكي أهم شي خلط الغاز : ناره زرقاء
موفق خير
ماشاء الله تبارك الله
دبّة نادرة وجميلة
وخالك كريم وأنت تستاهل
أجل قلت له هالصفيراء .............. يقاله شينة هههههههههه
الوكاد كان ماتبي هالصفيراء : تبيعها بـــ 200 ريال
الحكي أهم شي خلط الغاز : ناره زرقاء
موفق خير
تستاهل الطيب والحقيقية إن ما أنسى موقفه هذا بداني على نفسه مع إنها نادرة
وقلت له هالصفيراء لأني يوم شفتها تقلبت عيوني
ونارها ما يحتاج أفضل من الجديد بفرق واجد ولا يبرد(يثلج) ما شاء الله
والبيع لا والله هدية من غالي يالغالي .
وأنا رجّال أتشوف بهالحراج وبعض محلات الرحلات
وإذا حصلت أبشر بسعدك
بالتوفيق
عز الله انها من النوادر ، وتوني اشتريت واحدة واضفتها للمتحف اللي عندي ...
لا تفرط فيها طال عمرك ، تراه نادرة ، وهي من انتاج شركة بريموس لشركة شل ، يعني انتاج خاص ...
على فكرة ترى محبسها اللي عليها ليس شد البلد ، واضح انه مغير ، لأن شد البلد يكون مختلف ...
واذا في خاطرك البيع اسوم بـ 300 ريال واللي فتح لنا باب الشراء هو شخنا العزيز قوقل
تقبلوا احترامي
ياعله مبروك ما شريت
سمومة طيبة من الطيبين
والبيع وأنا أخوك ما لي شف تخبر هدية ونادرة
دورت واللي عندهم متمسكين فيها ومغلينها على غير سنع
أما المحبس فأنا مغيره لأن الأول يهرب
يسعدني مرورك
دافوري البرتقالي عطوني رأيكم فيه .
واللي فتح لنا باب الشراء هو شخنا العزيز قوقل 
العرض العادي
