من عاصمة التمور،،،،انطلاقا،،،لم يوقفنا سوى جبل سلمان في جبّه،،،،
وبعد حضورنا ومشاركتنا حفل رالي حائل من 5-5-1433
وكان هذا على السيارات القديمه
بدا لاحد الاخوه المرافقين،،،التنقل الى بعض المناطق اثناء الرجوع،،،،فمررنا بتلك القرى الجميله والممتعه بتراثها فمنها سميرا والشنان وطابه وبركانها العجيب ،،وقرى عقلة ابن داني وعقله ابن طواله وسوقها الكبير ،،وكذلك النعي
وفي نهاية الرحله أتينا الى احد الشعب الجميله على جانب الطريق،،،لنقوم بعمل وجبه الغداء،،،،،
فتيسر لنا تصوير عدد من الصور الجميله اخترت لقرائنا الكرام اجملها وسامحونا على القصور،،،،،وشكرا لكل من تكرم بكتابة توقيعه اسفل مشاركتنا،،،،
،،،،،،،،
واما بندر بن سرور فقد قال،،،،
يالفرت روح ترا الديره خلاويه_×××_ روح ترا رماة الشهبان جيناها
ممشاك بثنين مالك فيه ماويـه _×××_ياقرد خظك ليامنـا وصلناهـا
والله لاخلي صياحك حس جنيه_×××_ جنية قام بن جلعـود يقراهـا
نبي ربوعٍ ورى حائل وجلديه _×××_يم الغزاله شمالاً مـن قراياهـا
==========
&&&&&&&
&&&&&&&
&&&&&&&
&&&&&&&
&&&&&&&
&&&&&&&
&&&&&&&
&&&&&&&
&&&&&&&
&&&&&&&
&&&&&&&
&&&&&&&
&&&&&&&
وشاعر اخر قال
راكب اللي تاعبين عليه المتجر_×××_هاف حيث الهاف ماله مع العالم وجود
احمر سته وستين لوحاته سمر_×××_ في ثلاثين الف بالضبط للبيع محدود
واشتراه اللي يبي قطف نوار الزهر_×××_دافع كل الثمن كاش مايطلب قصود
ومرنه وسط البلد لين وافق للسفر_×××_ماتغالى فيه دفع الخساير والنقود
ودخله عقب التمرن كراجات النمر_×××_ لاجل تكميل اللحايق وتدبيل العضود
دبل السبرنق عن لايميل وينهصر_×××_والتواير جددن طقم بريجستون سود
وحمله من عند خيطان وجنب للبحر_×××_مع تقاطيع الشعيبه على مينا سعود
ويدهج الوفره ومنها مشى عقب الظهر _×××_ ناحر الكبريت ماله عن المركز صدود
جاك مثل مقادع الذيب معطيهم نحر_×××_ حاذف نفسه تحت عين حلال العقود
ومرهم في غفلة ماخذو عنه حذر _×××_واوجسو حسه وهم قبل رقاد سجود
وطلبوه اخوان رشده يقصون الاثر_×××_خلو الرشاش قفوه مثل قصف الرعود
يطردون الهاف ماعندهم علم وخبر_×××_ وهو جديد ولاقضب طارته رخو الزنود
ماركة مصنع امريكا مهو دوج وشفر_×××_ وارد كل يخبره مجرب ومحمود
يطنخ السايق بحسه ايلامنه زفر_×××_عند مايذكر غرابيل نزلات وصعود
صافي منه النواظر تحير وتفتكر_×××_ اسرد ودك تغطيه عن عين الحسود
المواتر كواكب وهو مثل القمر_×××_مايسبه كود كوبان والهيس الربود
&&&&&&&
&&&&&&&
&&&&&&&
&&&&&&&
&&&&&&&
&&&&&&&
&&&&&&&
&&&&&&&
&&&&&&&
&&&&&&&
&&&&&&&
شكرا لك اخي ابوفراس
شكرا لك اخي عوض
------------------------------------
مقدام قدام يالمقرود ،، يشيل العفش والعده
ماني براكب تقل ممهود،،،متوشظا كنه الغده
ناظر وفتح اكلك الدود،،،،شف الصواني على التنده
ماني مثل واحد مطرود،،،،ماغير يده على خده
باقي لمثلك علي منقود،،،،ويهيج القاف ويحده
انا لربعي مع المجهود،،،،قدام باللين والشده
اصبر عليهم وامد الجود،،،،واقسم لهم باقي الكده
ماجيت بلوى ولاني زود،،،،،افك انا البوك وامده
الله يكرم ولد عبود،،،،،وابوه واخوه مع جده
ذولا الاواليد ذولا الفود،،،،ماشفت منهم ولاصده
ياماطرقت الطريق اردود،،،،،على المواتر ومن مده
حر وعجاج وجوع وكود،،،،والرجل لاشك محتده
ماجت براد وهبايب نود،،،،جتني على جامد الحده
صبرت صبرا مرير اعقود،،،،لو هو بسنجار كد هده
واليوم جتني عقارب سود،،،والشاعر اشقاه ماوده
وراعي العطاء دايما محسود،،لو يقطر الدم من يده
هذي مثايل ماهيب اردود،،ومزوح جبناه من جدة
التوقيع
التعديل الأخير تم بواسطة الدختور ; 04-04-12 الساعة 12:32 AM
سبب آخر: بس سذا
مكشاتنا بعد حائل وجبه بشعيب طابه،،،على الهافات
العرض العادي
