احذرو الوضع خطير جدا

[بواردي الدلم]

السلام عليكم ورحمه الله وبركاته

ياعالم وين الناس ماتلاحظون ان المشاركات تخيس ماحد شيكها ولا مر عليها واذا مر الواحد طلع كنه سروق ردو على المواضيع انعشو المنتدى والله بيني وبينكم اشوف انه طافي ( يبيله)
ومعليش كاني روعتكم او تعديت على احد بس والله كله حرص على المنتدى ولكم جزيل الشكر

[أبوعبدالعزيز]

عليكم السلام ورحمة الله وبركاته ،،،

حياك الله يا بواردي الدلم وصدقت قلة الردود والتشجيع تضعف همة الكاتب ، لكن ان شاء الله تتحسن الأمور ، وتعرف الوقت هذا قرب الحج والاجازه ، وقلة الرحلات وعدم نزول المطر كل هذا وذاك ، تجعل الشخص في بعض الأحيان يصاب بالخور والكسل ، وفقك الله لكل خير وجزاك الله خير على حرصك وحبك وإهتمامك بالمنتدى .

[محمد الديحاني]

الاخ بواردي الدلم

السلام عليكم ورحمت الله وبركاتة
شكرا على المشاركة في هذا العنوان المرعب ومحتواة الهادف لكن المواضيع لا يمكن تجاهلها في هذا الصرح الشامخ منتديات الرحلات واضنك توايد كلامي....بس احب اضيف على كلام او تعليق اخوي ابو بدالعزيز ان لو فية اي مشاركة استفسار رحال جديد اجزم يتم الانتباه لذالك لكن الشباب مشغولين في الترتيب للاجازات الحج والعطله الشتوية والترتيب للرحلات العزوبية والعائلية...........

[راعي ساموده]

اي والله انك جيت على الجرح ,
بس عليك بالصبر المنتديات يبيله وقت وطولة بال وحسن تدبير علشان تنجح نجاح مستمر وليس ( وقتي )
وماودك الردود تكون عشوائيه لان الردود فيها فن ولها مقومات ولازم تكون موزونه والكلمات منتقاه وتلتزم باداب الحوار .
وجزاك الله خير على التذكير

[أبو مروان]

وعليكم السلام ورحمة الله وبركاته

مشكور أخي الغالي بواردي الدلم على طرح هذا الموضوع ، ولقد بين جزء من الأسباب التي توأدي لقلة الردود الغالي راعي ساموده في رده الشافي بقوله " وماودك الردود تكون عشوائيه لان الردود فيها فن ولها مقومات ولازم تكون موزونه والكلمات منتقاه وتلتزم باداب الحوار "

وجزاكم الله خير

[حامد الغامدي]

بعض الأحيان أشوف المواضيع واخلي الردود لوقت أخر أكون فيه مرتاح، من أجل تكتب رد مفيد، شكرا على هذا التنويه.

[رعد وبروق]

كلامك صحيح يا راعي الدلم
انا أول ما سجلت بالمنتدى حسيت بالحماس يشدني على المشاركة والردود على الإخوان والأخوات بس الحين قل الحماس لأن المواضيع اللي أطرحها قليل اللي يدخلها .

الثانية يمكن المواضيع اللي أكتبها ليست قوية بما فيه الكفاية لجذب القراء بس ما يمنع الرد والتصحيح والتوجيه لأني أرغب التوجيه والعمل المشترك اللذي ينتفع منه الجميع بالكيف وليس بالكم.

أرجو من أخواني الكرام إلتماس العذر كما أوصانا نبينا عليه الصلاة والسلام

[القويره]

الخمول في الردود والمشاركات تمر على اغلب المنتدى المتخصصه في اي مجال

لكن انا مع الشباب اللي قالو ان الردود والمشاركات لازم ان تكون تخدم الموضوع
او تزيده رونق ومتعه وفائدة



ومنتدى الرحلات في تطور وتطور بجميع الاقسام


نشكر الادارة على المجهودات