اللى خابر لى سلاح موصفاته مثل الموجود هنا

[حمد الجبيرى]

السلام عليكم ورحمة الله :
وقت طيور النزل قرب اللى خابر لى سلاح مثل اللى بلصور لايبخل على ويكون مصرح حسب النظام مشكورين

v
v
v
vvv
vvvvv
vvvvvvv
vvvvvvvvv
vvvvvvvvvvv

[img][/img]


[img][/img]
(منقول)

[سرهيد]

السلام عليكم

تهقى تنقع

ذكرتنا يوم كنا نصلح النبابيط ايام اول ، بعكس الآن اللي كلش صار يباع ولا يحس الطفل بأي متعة

اذكر ايام كنا ندور الزبيرية اللي منهلكة علشان نقطع منها جلد يكون رقعة النباطة

وندور على الاثل اللي على شكل شغنة ونلف على خنزير الاستك بعد ما نقطعه صغار

الله يذكر زمان طاف وبها المناسبة اهديك هالقصيدة اللي تتكمل عن الماضي

نسيتي المزح بالقبه ….. ونسيتي لعبنا الطبه
نسيتي كشختي دايم …..بثوب دوبلين خبخبه
نسيتي غترة الملل….. تغطيني تقل جبه
نسيتي الركض بالطايه ….. لا صار بدارنا شبه
لاجابو فضلة القرصان ….. نتسابق ودنا نلبه
نسيتي ازعاجنا لمك ….. وهي بالحوش منكبه
نسيتي معلف ام العوف ….. تظفينه وانا اكبه
نسيتي ثوبك التنتر ….. وغيضك لانقطع حبه
لاجابت امك الوازلين ….. نهج للحوش ما نحبه
تبي تدهن قوايمنا ….. وحنا نهوش ونسبه
نسيتي بسطة عزيز ….. الي جا العصر بالقبه
نسيتي خرطه الماصل ….. يجيب الحكي من عبه
نسيتي القربه الشنه ….. وماها البارد نتفه
نسيتي قولك معصقل ….. وانا اعيرك يالدبه
نسيتي نعالنا التليك ….. هي الموتر ونلعب به
نسيتي من كثر ركضك….. انا مسميك يالذبه
نسيتي موعد الحنا ….. الى جا صابكم خبه
نسيتي طيحتك بالليل ….. وهي ظلما وانا السبه
نسيتي اكلنا الهبود ….. نتناقر والسبب حبه
وامك لاتهاوشنا ….. تحط بعيوننا شبه
نسيتي ثوبك الكرته ….. ننكت فيه ونشبه
نسيتي كحة المذن ….. قبل ما يذن ينبه
نسيتي تريكنا المصنق ….. ننفخه قبل ما نشبه
وندعي الله يا كود العنز…….... تجيب وليد نلعبه

[حمد الجبيرى]

هلا وغلا بسرهيد يامرحبا وكل شى قديم له لذه مشكور اخوي ابو عبد الله

[Abu Ibrahim]

الأخ جلمود الجبيري

مشكور على الضحكة الحلوة

ياليت تكون دئيمة

تحياتي

[حمد الجبيرى]

اخوي الأحنف حياك الله وجزاك الله خير على المرور والتعليق

[ثامرالماضي]

بسم الله الرحمن الرحيم

أبو علي الله يعطيك العافيه يارب على هالصور ...

النبيطه لها ذكريات خياليه معي ولي مواقف كثيره بالحيل ...

أما المقلاع مالحقت عليه ... وودّي أعرف كيف طريقته إذا ماعليك أمر يابوعلي ... أو أي واحد يعرف ...

الله لايهينك وماقصرت ...

,,,,,,,,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,,,,,,,

[الوافي عزام]

ياجلمود هذي الأسلحة ممنوعة ( لأنها من أسلحة الدمار الشامل )

الله المستعان ذكرتنا بأشياء قديمة لها وقع في النفس يدعونا للحنين لأيام الطفولة البريئة

الله لآ يهينك

[حمد الجبيرى]

اخواني ابو شعلان ؛ ابو محمد شرفني مروركم وتعليقكم الله يحفظكم ---- المقلاع من ادوات الحروب القديمه وفى حاله التمرس على استخدمه يكون دقيق الاصابه - دمتم بود

[مجبور]

هذا السلاح أسمه

بلاك سوبر نباطه


الله يعطيك العافية أخوى جلمود على ذكر هذا السلاح القديم