يالربع ابي مكان مليان قوقسي

[جبل مانع]

السلام عليكم ورحمة الله وبركاته

مساء الخير للجميع


يالربع ودي احد يوصف لي مزارع وشعبان يتواجد فيها القوقسي بكثرة
رحت للشعبان اللي بين حريملا و رغبه يوم الخميس وماش

يا ليت احد يفيدنا

وكل عام والجيميع بالف خير

[محمد المعارك]

حياك الله اخي جبل مانع

القوقسي تجده قرب المزارع وليس في الشعبان.
وعلى فكرة هذا وقت ممتاز لصيده حيث يكون سمين جداً.
وبالتوفيق

[حمد الجبيرى]

جبل مانع وين مكانك

[جبل مانع]

اخوي صقر شكرا لك

ادري ان اكثر تواجده بالشعبان لكن ما ودي اوذي او ازعج احد

لان البندق شوزن وما نبي بسطنا في اذية الاخرين

الا ان تخبر مزارع بعيدة عن العمران يا ليت تدلنا اكون ممنون الك "على لهجة اخوننا اهل الشام ,,,,,,,"

شكرا لك

اخوي جلمود انا بالرياض


وشاكر لك على فكرة افضل وقت هالحين لانه نظيف البرد ذبح الديديان اكرمكم الله اللي بداخله

,,,,,,,,,,
ليت اخواني يثرون الموضوع

ودي اطلع الخميس يا ليت باسرع وقت

[محمد الشاوي]

الغالي جبل مانع ..

فيضة أم الذيابة تنوس من القوقسي

وموقعها خلف محطة ساسكو اللي بين الأرطاوية وأم الجماجم ...


بالتوفيق .

[الخلف]

الاخ العزيز جبل مانع
فيه مكان بعد التفتيش في طريق الخرج
من فوق البري اتجه يسار الى الطريق القديم باتجاه الخرج فيه مزارع بس و يسمحولك تخفف من كثرهن ,,,,

[جبل مانع]

اخوي محمد الشاوي
شاكر لك والله يجزاك خير

اخوي الخلف
بارك الله فيك
ويعطيك العافية

[حمد الجبيرى]

فيه مكان بعد تفتيش طريق الخرج يجيك زفلت يمين تروح معه حتى يجيك تقريباً حرف tتروح يمين تراه فيه لفلفه لين يجيك طريق ترابي يسار تروح معه على طول لين ما تخلص المزارع اللى على يسارك تروح يسار بعدها طبعاً طريق ترابي تروح يسار بعد المزرعه شعيب ارم لين تدوخ مالمك احد ومليان قوقسي واحتري عزيمتك وان دخلت زود تلق نحم وبط وانعم تبي شكر وفالك الصيد

[الصمان مجمع الضبان]

السلام عليكم ورحمة الله وبركاته القوقسي موجود بل فياض والشعبان

وعاد وشتبي بل قوقسي

[ابو فراس]

هاه عساك صدت لنا شيئ من هالقوووووقسي

[المجمعه]

فيه قصيده عن الصيد وذكر فيها صيد القوقسان

ومن عرض ما يقول

صائد القوقسى .. فذاك صيد المفلسى

...
معذره
...

الواضح انك تبى القوقسان للطيور .. لانه اول مره اشوف واحد يبحث عن قوقسان