ظلم . رنية . بيشة . أبها . الدرب . وادي لجب . جبال الحشر . فرسان ( من لديه معلومات )

[هاوي نفود]

( صبحكم / مساكم ) الله بالخير

حيالله الجميع كل(ن) بسمه

بعد التحية والسلام والسؤال عن العلوم والأخبار

وبعد ما دار فنجال القهوة

حبيت أسأل اللي لهم خبره في بعض المناطق اللي حبيت أزوره خلال إجازة عيد الأضحى إن شاء الله

والرحلة بتبداء من ...

الرياض == ظلم == رنية == بيشة == أبها == الدرب == جيزان == فرسان

والعودة بتكون مع طريق الوادي

فياليت إللي عنده أي خبره أو سبق له زيارة أي منطقة من هالمناطق ياليت لو يتكرم علي بما لديه من معلومات

وفيه نقطة مهمة

وهي إن الطريق من بيشة إلى أبها ( طريقين )

الأول
===

يتجه جنوب غرب بإتجاه بلاد بلقرن ثم بني شهر ثم بللسمر ثم بللحمر

الثاني
===

يتجه جنوباً إلى خط الوادي قبل وادي بن هشبل بـ 25 كم

الثاني أسرع بكثير ( هذا ما يبدوا لي ) ... لكن هل الآخر به من المناظر والأماكن ما يغري لسلكه

هذا مالدي من إستفارات وبإنتظاركم

شاكر لكم مقدماً جزيل كريم تعاونكم
================

[برق الشمال]

السلام عليكم

أنا ماعندي خبرة بكل صراحة بالدروب الطويلة اللي انت ذكرت

لكن لاتنسانا من تقارير عن المناطق المزمع زيارتها

لك كل التقدير والود

[محمد بن سيف]

هاوي النفود رحله موفقه انشاء الله والطريق من بيشه غربا يمر مناظر جميله ولكنه طلوع ونزول واطول
مسافه وزمن.
والثاني يتجه جنوب الى صمخ ثم خيبر الجنوب ثم وادي بن هشبل ثم الخميس والى ابها وهو طريق فيه منعطفات كثيره واوديه كبيره مثل وادي هرجاب وهو مسار واحد ويفضل ان تسلكه بالنهار .
اما طريق الدرب جيزان فهو زحمه بالليل والنهار ويفضل القياده بالنهار وعدم السرعه والانتباه جيدا
وبه مناظر جميله لانه يمر بوسط القرى المحاذيه للجبال .
توقيتكم بالفعل موفق لمثل هذه الاماكن بمثل هذا الوقت لان تهامه جوها لطيف بالشتاء.
الله يستر عليكم ويردكم سالمين.
عليم العطش

[ذيب العرمه]

السلام عليكم ورحمه الله وبركاته
هاوي النفود اذا بتروووووح عن طريق بيشه رنيه والخرمه ماااعندك جبال طلووع رغما انك بتمر على صمخ وجباله المتفرقه الغريبه وهذا ينزلك بالخميس . وفيه الطريق الثاني طلووووع كله جبال ومناظر روعه بس امش معه بالنهار ويمر بك على النماص وبلسمر وبلحمر وتنومه هذا ينزلك بابها . واختايرك للطريقين من بيشه . وبالنسبه لجيزان وانت تبي تروح لجب عندك طريقين الاول من الفرشه مرورا بقريه العمود الي قبل لجب . والطريق الثاني للجب عن طريق قريه الحقو والمسافه للجب تقريبا 170 كيلو من
ابها . وبالنسبه لجبال الحشر ما تمر عليها وانت را يح للجب رغما انها قريبه من لجب. عندي لك اظافه ومنطقه لازم تزورها وهي المنطقه الحدوديه السعوديه اليمنيه وهي قريه الخوبه بس اهم شي تجيها يوم الخميس لان سوقها يوم الخميس ومن الفجر بتشوف اليمانيين وبضايعهم الي يعرضونها. وتمر على المياه المعدنيه الحاره بالخوبه اتمنى اكون وضحت لك

[هاوي نفود]

المشاركة الأصلية كتبت بواسطة برق الشمال

السلام عليكم

أنا ماعندي خبرة بكل صراحة بالدروب الطويلة اللي انت ذكرت

لكن لاتنسانا من تقارير عن المناطق المزمع زيارتها

لك كل التقدير والود

مرورك يكفي يالغالي

من أربع سنين وأنا كل رحلاتي شمال وهالمرة قلنا نغير

وأبشر بالتقرير اللي يسعدك بإذن الله

المشاركة الأصلية كتبت بواسطة عليم العطش

هاوي النفود رحله موفقه انشاء الله والطريق من بيشه غربا يمر مناظر جميله ولكنه طلوع ونزول واطول
مسافه وزمن.
والثاني يتجه جنوب الى صمخ ثم خيبر الجنوب ثم وادي بن هشبل ثم الخميس والى ابها وهو طريق فيه منعطفات كثيره واوديه كبيره مثل وادي هرجاب وهو مسار واحد ويفضل ان تسلكه بالنهار .
اما طريق الدرب جيزان فهو زحمه بالليل والنهار ويفضل القياده بالنهار وعدم السرعه والانتباه جيدا
وبه مناظر جميله لانه يمر بوسط القرى المحاذيه للجبال .
توقيتكم بالفعل موفق لمثل هذه الاماكن بمثل هذا الوقت لان تهامه جوها لطيف بالشتاء.
الله يستر عليكم ويردكم سالمين.
عليم العطش

أفهم من إقتراحك بأن سلك طريق بيشة وادي بن هشبل الخميس هو الأفضل
( وهذا المفضل عندي )

طريق الدرب جيزان هذا سبق لي أن سلكته أكثر من مره ورايك بمحله

وعلى العموم جميع تحركاتي ستكون في أوقات النهار

وقبيل المغرب نتوقف للسمرة والمبيت

رحلاتنا دائماً طرقيه

المشاركة الأصلية كتبت بواسطة ذيب العرمه

وانت تبي تروح لجب عندك طريقين الاول من الفرشه مرورا بقريه العمود الي قبل لجب . والطريق الثاني للجب عن طريق قريه الحقو والمسافه للجب تقريبا 170 كيلو من
ابها . وبالنسبه لجبال الحشر ما تمر عليها وانت را يح للجب رغما انها قريبه من لجب. عندي لك اظافه ومنطقه لازم تزورها وهي المنطقه الحدوديه السعوديه اليمنيه وهي قريه الخوبه بس اهم شي تجيها يوم الخميس لان سوقها يوم الخميس ومن الفجر بتشوف اليمانيين وبضايعهم الي يعرضونها. وتمر على المياه المعدنيه الحاره بالخوبه اتمنى اكون وضحت لك

ألف شكر لك على وصف وادي لجب

فعلاً كنت أبحث عن أوضح طريق لهذا الوادي الجميل

وبخصوص الخوبة ذكرتني الله يذكرك الشهادة وإضافة مميزة جداً كصاحب الإقتراح

لكم مني جزيل الشكر مع صادق الدعوات لكم جميعاً
...

وبإنتظار المزيد
... ... ... ... ... ...

[هاوي نفود]

سؤال لك أخي ذيب العرمة

أنت تقول إن الطريق لوادي لجب

إما مع الفرشة ( وهذي من جهة الشرق )

أو مع الحقو ( وهذي من جهة الغرب )

السؤال

هل يمكن سلك الطريق بوسط الوادي للوصول من شرقه لغربه

[ماجدأبوشهد]

السلام عليكم ورحمة الله وبكاته
أخوي هاوي نفوذ أبي أريحك واعطيك موقع للخرائط وانت بتعرف الطريق الاقرب أما الافضليه فكل طريق له مميزات وله عيوب أقصد توكل على الله وجرب واحد من الطرق في الروحه والثاني في الرجعة وبعده بتعرف ايها افضل والله يوصلك بالسلامة
أنا من سكان مدينة الطائف ولما أبى اروح للجنوب مثلا الخميس وابها اسلك طريق الباحة وانزل على تهامة طريق المخواة الى محايل وهناك ثلاث طرق في محايل طريق الي الشقيق مرورا بخميس البحر وطريق الدرب مرورا برجال ألمع وهذه من اجمل الاماكن الى شفتها أنصحك تزورها
والطريق الثالث الى أبها والخرائط لها دور في تحديد الطريق لاني لما شفت الخريطه أكتشفت طريق مريح الي الباحة غير الطريق العايدي وهو طريق وراخ كرا العقيق. وهذا عنوان الموقعhttp://www.athagafy.com/maps/

[هاوي نفود]

لك مني كل أشكر أخي ماجد

فعلاً هذه الخرائط رائعة خصوصاً بعد مقارنتها مع خرائط هيئة المساحة الجيولوجية

لك مني كل الشكر أخي أبو شهد

[هزيم الرعد]

الله يكون بعونك
الأهم هو إنك ماتمشي طريق رنية الخرمة إلا نهارا ...وإنتبه لأمر إنه قليل محطات البانزين يعني عبي كل مالقيت محطة
الشي الثاني ... في جنوب المملكة في تهور بالقيادة مع إحترامنا للجميع ..فاحذر هذا الأمر
يعني تكون بطريقة آمن ماتدري إلا اللي بالإتجاه المعاكس يتجاوز رغم إنه مابينك وبينه مسافة تسمح له بالتجاوز فتتفاجأ بإن أمامك سيارة
الشي الثاني وأنت تمشي بالطريق تبي تلاحظ أن هناك من يكسب لك من الخلف وهو جاي بسرعة عالية
هذي معناها أنا متجاوزك متجاوزك لذلك إمسك الكتف
عاد تضطر تمسك الكتف لإنه هو ماراح يهدي السرعة ولا راح يبعد عن المسار لأن بالإتجاه المعاكس سيارات أخرى

[دربي صعب]

بالتوفق تروح وترجع بالسلامه ,,,,, والشباب ماقصرو ...
لاكن لاتنسانا من الرحله بالصور والتقارير ...
وشكرا

[هاوي نفود]

المشاركة الأصلية كتبت بواسطة هزيم الرعد

الله يكون بعونك
الأهم هو إنك ماتمشي طريق رنية الخرمة إلا نهارا ...وإنتبه لأمر إنه قليل محطات البانزين يعني عبي كل مالقيت محطة
الشي الثاني ... في جنوب المملكة في تهور بالقيادة مع إحترامنا للجميع ..فاحذر هذا الأمر
يعني تكون بطريقة آمن ماتدري إلا اللي بالإتجاه المعاكس يتجاوز رغم إنه مابينك وبينه مسافة تسمح له بالتجاوز فتتفاجأ بإن أمامك سيارة
الشي الثاني وأنت تمشي بالطريق تبي تلاحظ أن هناك من يكسب لك من الخلف وهو جاي بسرعة عالية
هذي معناها أنا متجاوزك متجاوزك لذلك إمسك الكتف
عاد تضطر تمسك الكتف لإنه هو ماراح يهدي السرعة ولا راح يبعد عن المسار لأن بالإتجاه المعاكس سيارات أخرى

الله يكفينا الشر ... والله مشكلة

بس ربك يسهلها ... الله يعطيك العافية أخوي هزيم الرعد

والتحية لك أخوي دربي صعب

[شموخ]

الله يستر عليكم يارب رحلة موفقه


بأذن الله


فارسة

[هاوي نفود]

شكراً لمرورك أختي فارسة