يامعدي المرقاب خله لمشتاق

[حرمل]

السلام عليكم ورحمة الله وبركاته

ابيات جميلة للشاعر المعروف محمد بن أحمد السديري

يامعدي المرقاب خلـه لمشتـاق
حول وخل معـذب القلـب يرقـا

دام الكلام اليوم ما عـاد ينطـاق
بين الولايف نبرة الشوق غرقـا

قال السديري عقب ماخاطره ضاق
بيتن يخلي ظامـي القلـب يشقـا

ياليت ربي ما خلق حب وفـراق
والا خلق حبٍ على غيـر فرقـا

جعلتني خبلٍ يـدوج بالاسـواق
هبيل عقل وفوق راسـه معرقـا

ياليت حظي مـا تعثـر ولا بـاق
ولا شفت وقتٍ فيه قمـت اتوقّـا

من عانقوا دربي قليلين الاوفـاق
وانا علـى ماقيـل حالـي تشقّـا

ياهيه يالمشتـاق لاعـاد تشتـاق
ويامعدي المرقـاب لاعـاد ترقـا

كلام شوقٍ حافظه وسط الاعماق
خل الرجم وانزل على راس برقا

شكراً لكم

[أبوخالد التويجري]

ياليت ربي ما خلق حب وفـراق
والا خلق حبٍ على غيـر فرقـا

ياهيه يالمشتـاق لاعـاد تشتـاق
ويامعدي المرقـاب لاعـاد ترقـا

الله عليه


صح لسان الشاعر ولآهنت

وصدق والله


ابدعت في الإنتقاء ولاهنت




ابوخالد

[حرمل]

حياك الله اخوي / نوماس سدير


شكراً لمرورك وتعليقك

بارك الله فيك

[محمد بن سيف]

السلام عليكم ورحمة الله وبركاته
نعم الناقل وسلمت يديه من العوق
كيف لا وهو من قال
لعل قصر مايجيله ضلالي "-" ينهد من عالي مبانيه للساس
لاخاب ضنك بالرفيق الموالي"-" مالك مشاريه على نايد الناس

شاعر اقدر ان اطلق عليه قول الادباء
شاعر يغرف من بحر وايضا ينحت بالصخر
حرمل لاعدمتك

[حرمل]

المشاركة الأصلية كتبت بواسطة محمد بن سيف

السلام عليكم ورحمة الله وبركاته
نعم الناقل وسلمت يديه من العوق
كيف لا وهو من قال
لعل قصر مايجيله ضلالي "-" ينهد من عالي مبانيه للساس
لاخاب ضنك بالرفيق الموالي"-" مالك مشاريه على نايد الناس

شاعر اقدر ان اطلق عليه قول الادباء
شاعر يغرف من بحر وايضا ينحت بالصخر
حرمل لاعدمتك

حياك الله / محمد بن سيف

سلم الله عمرك من كل شر وحفظك الباري

وفعلاً كما تفضلت يغرف من بحر قصائده جميلة

والشعر الجيد يسوِق لنفسه ويسهل حفظه وتناقله على الألسنة

ربما نضيف هذه القصيده التي ذكرت كاملة في وقت لاحق إن شاء الله

شكراً لك ابوعبيد