ماذا تعرف عن ثلاجة ويكو ؟!!! - الصفحة 2

فهدالدوسري · 11-06-09, 11:02 PM

الاخوه الغالين
السلام عليكم
ياربع اشوف شرح و اشوف حامي وطيس ولكن يالربع لي مثلي غشيم
مايعرف الا اذا شاف صورة؟؟؟؟
والحين كلكم عندكم ثلاجات ولا صورة شفنا
(تكفون) حطو صورة علشان نميز نوع الثلاجات الله يحفظكم امين

اخوكم
فهد الدوسري

راعي ساموده · 15-06-09, 03:39 PM

انا عندي الويكو 50 لتر الماني صيني لها سنين ماشاء الله تجميد عالي وسريع.
مشكلة الثلاجات اللي داخل السياره التهويه الجيده, يعني التجميد يفرق كثير بتهويه او بدون.
الحل تركيب مروحه زي حقت الايكوم. اذا كنت في الصيف لابد من تركيز المكيف على الكمبريسور اذا كنت تستخدم السياره. واذا بتوقف لازم تكون تحت ظل وشبابيك السياره مفتوحه.

وعن تجربه الثلاجه مع البطاريه الاضافيه من اهم الاشياء اللي حاطه بسيارتي, ملينا من هالقوالب بعز الشتاء من تطلع الشمس تدور ثلجك ماتلقاه, لا ومع المطاب تنحاس اغراضك مع ذوبان الثلج الدجاج يصير نعيمي والنعيمي حاشي خخخخخخخخ ,, انواع المطاريس.

ابو ساره · 16-06-09, 05:32 AM

أضافه بسيطه يمكن البعض مايعرف عنها فحبيت اوضح الموضوع هذا فيه ثلاجه صناعه صينيه وستيل وعزل ممتاز وكل الي جربوها يمدحونها موجوده عند محل البرية للوازم الرحلات بالربوه المحل اعتقد معروف اسئل هناك وشف الثلاجه يمكن تعجبك انا شفتها عندهم ايام الشتاء تقبل مرور اخوك ابو ساره

أبو آدم · 16-06-09, 08:56 AM

السلام عليكم ورحمة الله وبركاته

صورت مجموعة ثلاجات الويكو التى عندي و حاولت رفعها لكن هذا كل ما حصلت عليه:

كود:

 تجاوزت الحد المسموح به إلى 393.8 كيلوبايت

علما ان كل صورة لا تتعدى 50ك.ب.

أبو آدم · 16-06-09, 09:08 PM

اليكم الصور

PAJERO · 27-06-09, 01:24 AM

ابو عقرب تكفى ماعندك عقرب اصغر من هذي

تراك وحشتن وصفرااااا بعد

موضوع الثلاجة جاء بوقته وانا ادور ثلاجة للسيارة زينة وبنت رجال

ما قصرتووووووووووووو

الوانيت1 · 11-09-09, 03:19 AM

موضوع ممتاز يستحق الرفع ........../////.

BASSAM · 02-10-09, 04:22 PM

ماشاء الله تبارك الرحمن

موضوع رائع جدا واظهرت لنا خبرات الشباب في الثلاجات

تمنيت من اصحاب الثلاجات الصيني اللي عند المحميد رفع الصور لنا ليتسنى لنا المقارنه او على الاقل موقع الانترنت لها

بارك الله فيكم

أبوخالد التويجري · 07-10-09, 02:23 PM

بسام

يمكن هذي اللي يقصونها

اقتباس:

المشاركة الأصلية كتبت بواسطة القناص المميز

السلام عليكم ورحمة الله وبركاته

مثل ماوعدتكم على تنزيل تقرير عن ثلاجة الاسكا ..

هذي بعض المميزات ..

الثلاجه حجمها 40 لتر شكلها من الخارج جذاب وميزتها انه ستيل ايضا درجة البريد 22 تحت الصفر ومن ناحيه الحجم فحجمها معقول تقريبا نفس حجم الطمره وفيها ميزه سرعه التثلج لوجود التيربو يعني نص ساعه وتثلج ...

اللحين نجي لعرض الصور ..
1: هذي الصوره تبين الحجم ..