يوم الثلاثاء اتاني اتصال من عضو منتديات الرحلات ابو ثامر واثناء الكلام اخبرني بأنهم سوف يقومون برحلة الى شمال القصيم فقلت له انا معكم وش تبون اجيب قالوا انت تعال للمخيم الساعة الثانية عشر ظهرا لاننا سوف نتحرك من هناك قلت اتكلوا على الله سوف اكون هناك ان شاء الله في الموعد وكالعادة اول من يصل هو ابو فراس (محاكيكم) 1 هذا المخيم وهو مكان الاجتماع 2
الانطلاق وبداية المسير
3 اخذ بعض المستلزمات مثل الخبز والماء الحلو 4 بداية التعاسة والصدمة فلم نجد الربيع كما توقعنا ولقرب غروب الشمس قررنا المبيت قبل الليل واختيار مكان مناسب 5 اتكلنا على الله ونزلنا العزبة وباقي الاغراض المطلوبة التي نحتاجها 6 امير الرحلة ابو ابراهيم يجهز المشب والضو ليسمر الراس بعد ذلك المشوار 7 شعلة الرحلة ابوتركي وقائدنا ورفيق الامير ينتظر ان تجهز القهوة 8 محبوب الرحلة ابو عبدالله 9 ولابد من بعض الحركات مثل هالبالون
10 صورة اخرى للبالون بعد ان ارتفع
11 ابو ابراهيم امير الرحلة يسال الله ان يوفقنا في مكان مناسب غدا 12 وفي انتظار العشاء الرائع اذي وعدنا به الامير
13 وهذا العشاء وكان كما تصورناه رز بالصنوبر واللوز وياحول ياللي ما ذاقه طعمه بالدماغ 14 ولا جديد في صباح يوم الخميس الا ان نعاود السير والبحث عن احداثية اخرى 15 وهذا مكان مبيتنا بعد ان ظهر النور لتحسوا بمدى الصدمة ولكن ما نقول الا الحمد لله على كل شيئ 16 تمرين صباحي 17 تمرين صباحي اخر ولكن لا فائدة مع كبسات ابو ابراهيم 18 بعض الصور اثناء تحركنا للبحث عن موقع اخر يرد الروح وهذه الصور لقليب على الطريق وفيها ابو سليمان عائد منها لمحاولة الاتصال برفيق اخر والاستعانة بصديق 19 هاه جا خبر عن احداثية جديدة؟
20 اخذنا احداثية جديدة من بعض الاصدقاء والاتجاه اليها ويارب تكون تستحق المعنى 21 صور لصخور غريبة اثناء المرور بها 22 احيييييييييييييييييييييه برد ياشباب 23 واثناء تحركنا قال احد اعضاء الرحلة (ابو ثامر) يابو سليمان انا شفت بعض الخضار على يسارنا خلونا نرجع لمه والحمد لله كانت فيضة رائعة رغم صغرها ولكن تستحق المضحى والغداء والعشاء وهذي بعض الصور للربيع فيها 24 25 26 27 ياللا ياشباب اتكلوا على الله وخلونا نشب على القهوة والشاهي خلونا نمخمخ هالراس ونفكر بالفطور 28 ابو سليمان والمشاورة بالفطور وقال تبون اسويلكم فطور كبدة الامريكان قلنا اتكل على الله قال ياللا نزلوا الاغراض 29 30 31 وتسخين الخبز على الصاجة 32 وهذا الله يسلمكم فطورنا كبدة الامريكان فطر (مشروم ) يحبه بطنك لا يفوتك 33 وبعد ذلك الفطور المتأخر لم نرغب بالغداء وارتحنا وقيلنا ومن ثم صلينا الظهر والعصر جمع وقصر والبحث عن هريفي يبي السكين والحمد لله وفقنا براعي غير طماع واخذناه بسعر مناسب واثناء الانتظار كانت هناك بعض الكفشات فهاهو ابو سليمان ينظر مع ابو عبدالله الى صور لرحلات سابقة 34 تجي تصيدهم يصيدونك وهذي صادون وانا افكر في ايش ما ادري والغريب ان الكفشة بكمرتي 35 انتظار العشاء مطازير يشم ريحته اللي بعنيزة 36 احد يقدر ينتظر وهو يشوف هاللي ينبر بالقدر 37 بعض اللقطات للفيضة 38 39 40 41 42
استراحة محارب ابو ابراهيم في نهاية الرحلة ياخذ قسطا من الراحة (اللغة العربية) وسلامتكم اتمنى ان تكون رحلتكم معنا رائعة وشكرا لاختياركم ترن ترن ترن ترن
التوقيع
التعديل الأخير تم بواسطة ابو فراس ; 07-02-10 الساعة 12:54 PM
انا ماني شايف أي تعاسه بل قمة الوناسه بالون وكبدة الأمريكان، انتوا غطيتوا على الجميع وكمان تمارين والله ان طلعتكم نموذجيه، عاد المكان لك عليه، لكن الخوه بكل منغصات الرحله، هم حلاة كل الرحلات، ياسعد من كان معكم. تقبل سلامي يابو فراس أنت والأخوان.
خرعتنا ابو فراس الله يهديك بس نحسبك جاكم شي آثره وقفت على الربيع مهب لازم الربيع اهم شي الجمعه الحلوه وبعدين الأرض الحلوه به ربيع وناسه وطبخ ونفخ وشتبي بعد لاكن الحمدالله على السلامه شهيتن على الكبده .
وعليكم السلام ورحمة الله وبركاته
هلا با العمدة
خوفتنا و اثر الدعوى ربيع , اهم شي
الوناسه و البسط وخيرها في غيرها
والربيع مازال موجود بس طبخت الفطر تقل مخ جربوع
تحياتي
التوقيع
) البر يشرح كل صدر ويقلب الضيقه سرور .. وانا الى جيته يمر الوقت ما احسب له حساب (
رحلة على كيف كيفي أدوّر التعاسة قلت أكيد من هالشمعات الطايرة وأحرقت شيء لكن الحمد لله انتهت بالمطازيز اللذيذ ههههه لك كل الوفاء والحب والشكر عمدتنا وتحيّة لربعك النشاما
رحلة كادت ان تكون تعيسة
بس طبخت الفطر تقل مخ جربوع
العرض العادي
