السلام عليكم ورحمة الله وبركاته رشة مطر ..!! ياربي وش الراي .؟ طوووط طوووط .... السلام عليكم .؟ وعليكم السلام فلان وينك قبل وشلونك الله يستر ... انا في البيت ... آمر يالله رتبوا مع الشباب لطلعة الدهنا باتسر الصبح تمام على هالجو الزين اكيد ======== الدهنا صورة لحظة شعور رائع في ارض لا حياة بشرية فيها . اول ماوصلت بديت بنصب خيمتي ( فكرتي وتنفيذ وتطوير ابن خالتي أبوعاصم ) وهي عبارة عن رواق عادي مخيط عليه غطاء وكأنها خيمة لتكون سريعة وخفيفة التحميل . بدأ الشباب بجمع الحطب و ترتيب المكان والعزب اثناء اعدادي للغداء ( غداء متأخر ) وهذي عزبة الطبخ كاملة ( داخل قدر الكاتم ) اثناء الإعداد للغداء صورة للسحب الرائعة والتي تخبر بقدوم الغيث علينا في تلك الليلة . سمو بالله وحياكم الله ع القصور قبل المغيب بعد المغيب شبة مع جمعة رجال مثلكم وشرواكم والله تنشرى من الغد ضبطت هالغداء وهذي صورة لكواتم الغداء اليوم الثاني من الجوع نسيت اصور إلا بعد ما شبعت انتهت الرحلة وقمت انزل العفش هذا التقرير الخفيف فقط لإثلاج الصدر ايام البراد والخير في الدهنا دمتم بود أبوخالد
بردت علينا الجو يابو خالد وتذكرنا ايام مضت
اقتباس: المشاركة الأصلية كتبت بواسطة ابو فراس بردت علينا الجو يابو خالد وتذكرنا ايام مضت هلابك ابوفراس تسلم يالغالي وهذا شي بسيط والعذر والسموحه ع القصور
وعليكم السلام ورحمة الله وبركاته سلمت يا بو خالد تقرير بارد وفي وقته هاه نمشي تحياتي
هلا ابوخالد الله العالم ان هاالطلعه الي راح فيها صدام الرجال ’’’’’’’
الله يعطيك العافيه والله يحيينا ويلحقنا خير والله يانا منهبل ابي الشتاء يجي على خير ملنا من الصيف والحرررررررررررر وبهذه المناسبه ابهديك صورتين من تصويرك وعسى ان تنال على اعجابك سويت لهن شوي طبخ الله يوسع صدرك بالعافيه دندشه
ما شاء الله طلعه طيبه وعلى هالنفود شيئ خيال ---
وعليكم السلام ورحمة الله وبركاته ماشاء الله تبارك الله ابوخالد وش هالزين !! تسلم على الموضوع والله هيضتنا الموضوع والصور مميزة جدا جدا ويالبى الترتيب والجلسة الي ماتجي إلا بمثل هالطلعات والشباب الشقردية والشكر موصول للمبدع دندشة على الحركات الحلوة .. تصلح توقيع انا كنت مار عليكم ذاك اليوم فالليل ... محبكـ عبدالله
أبوخالد هيضتنا على الدهنا الله يجيب البراد والخير وتنبيه بسيط لايعكر صفو التهييض لاتحط السفرة بين الأكل والصحن حتى لاتتحل من الحرارة وتدخل البطن بارك الله فيك
وش هالزين ماشاء الله يابو خالد بصراحه متعتنا بهالتقرير والصور الرائعه الله يمتعك بالصحه والعافيه
اقتباس: المشاركة الأصلية كتبت بواسطة الخلف وعليكم السلام ورحمة الله وبركاته سلمت يا بو خالد تقرير بارد وفي وقته هاه نمشي تحياتي هلا والله وغلا ببوعبدالله نمشي .؟ هاه وشلون الله يجيب الخير يالغالي والخوة معك انا اشهد انها تنشرى يا خلفهم لا خلا ولا عدم ابوخالد
اقتباس: المشاركة الأصلية كتبت بواسطة عاشق4500 هلا ابوخالد الله العالم ان هاالطلعه الي راح فيها صدام الرجال ’’’’’’’ هلا والله ابوشوق وش هالطله الزينه الله الله هذا اللي راح فيها صدام الرجال بقيادتكم الحكيمة << انت كنت معهم يعني انت السبب ياهلابك والله نورت ابوخالد
اقتباس: المشاركة الأصلية كتبت بواسطة دندشه الله يعطيك العافيه والله يحيينا ويلحقنا خير والله يانا منهبل ابي الشتاء يجي على خير ملنا من الصيف والحرررررررررررر وبهذه المناسبه ابهديك صورتين من تصويرك وعسى ان تنال على اعجابك سويت لهن شوي طبخ الله يوسع صدرك بالعافيه دندشه هلا والله وغلا بالإبداع كله انا اشهد انك بردت الخاطر بهالصورتين الروعة عاد بما انك مبدع ابلش بنا إذا ممكن وماعليك كلافه تضبط نفس الحركة بحيث تكون بالعرض ( الصورة الأولى هذي ) لجل اسوي منها توقيع إذا ما عليك كلافه وبيض الله وجهك ولاهنت ابوخالد
اقتباس: المشاركة الأصلية كتبت بواسطة Abdullah K. AL-Hassan وعليكم السلام ورحمة الله وبركاته ماشاء الله تبارك الله ابوخالد وش هالزين !! تسلم على الموضوع والله هيضتنا الموضوع والصور مميزة جدا جدا ويالبى الترتيب والجلسة الي ماتجي إلا بمثل هالطلعات والشباب الشقردية والشكر موصول للمبدع دندشة على الحركات الحلوة .. تصلح توقيع انا كنت مار عليكم ذاك اليوم فالليل ... محبكـ عبدالله هلا ابونجم انا اقول ذاك اليوم فيه نور مر علينا ليتك والله مميل علينا وشرفتنا يالغالي وتسلم ع الإطراء من مبدع مثلك والصورة انا اشهد انها تصلح توقيع ولاهان اخوي دندشه على فوتشتوبها مبدع ماشاء الله عليه ابوخالد
اقتباس: المشاركة الأصلية كتبت بواسطة عصا الترحال أبوخالد هيضتنا على الدهنا الله يجيب البراد والخير وتنبيه بسيط لايعكر صفو التهييض لاتحط السفرة بين الأكل والصحن حتى لاتتحل من الحرارة وتدخل البطن بارك الله فيك هلا والله وغلا بعصا الترحال تسلم يالغالي وكلامك عين الصواب بس احيانا يجي شور ولا نرده :d وبالتأكيد ضرره خطير على مدى البعيد الله الحافظ وهو ارحم الراحمين لا خلا ولا عدم ابوخالد
Security team
ماحنيتو للدهنا ايام الخير والبراد .؟ تغطية خفيفة لرحلة خفيفة بعد يوم ماطر في الدهنا نوماس سدير
الدهنا
.. تصلح توقيع 
<< انت كنت معهم يعني انت السبب 
العرض العادي
