سم الزمان!! سم الفراق!! سم الحرار!!

[محمد بن سيف]

هذه القصيده لاخي الشاعر سيف السيف (عكاشه).



سمّ الزمان :-الضيم, والقلّ, والضيق
وسمّ الفراق:-افراق صلفين الاشـواق


وسمّ الحرار:- املازمتها المسابيق
واكبر غبينه!! يقصر الشوح مسباق !!


هذا تراه اللي يحـس الـمطاليق
ويفرض عليهم سيرةٍ كلها ارهـاق


اخر مباديها مع نــشفة الريـق
واول نهايتها مرارات الارياق


واخر نهايتها:- بقلّ التوافـيق
وتنهيّ مراسمها على قلّ الاوفاق


ياكبرها كبراه بين المخاليق
ماتغفر الزلات من شِـيّن الاخـلاق


واللي لحق به من عناها ملاحيق
تكبر عليه امعا نقتها على فاق


والسالفه ماعاد تحتاج تغليق
هم الزمن طرقه على هم عشاق


هذي مناجاة الزمن للعشاشيق
يدفع ثمنها فالمخاليق مشتاق


ويسكر عليها مرهق الحال ويفيق
يفيق مره واربع امرار مافاق


تومي به الذكرى سواة الزماليق
لين إن وسع الكون في ناظره ضاق


وعدى من الضيقات روس الشواهيق
ولاح بنظيره لازرق الدمع براق


وإذا ومنّ غدرة عيون المطافيق
تزارقن من حجر عينه على ساق


وأظّهر همومٍ بين حدب ومعاليق
وأجهش بصوتٍ منه تهتز الاعماق


تنبيك عن سم الزمن ..فيضة الضيق
وتنبيك عن سم النيا صلف الاشواق


((( سيف السيف)))

عسى ان تنال اعجابكم
عليم العطش

[قناص النعايم]

بسم الله الرحمن الرحيم

السلام عليكم ورحمة الله وبركاته...وبعد

الله يوليك العافية اخوي {عليم العطش}.....

قصيدة ولا أروععععععععععع.......

تقبل تحياتـــــــــــــــــــــــــــي..........::Taj43 :

[حمد الجبيرى]

وسمّ الحرار:- املازمتها المسابيـق
واكبر غبينه!! يقصر الشوح مسباق !!
هـذا تـراه اللـي يحـس المطاليـق
ويفرض عليهم سيـرةٍ كلهـا ارهـاق ---قصيده فى قمة الروعه صح والله السان القايل والناقل مشكور اخوي ابو عبيد

[مجبور]

يعطيك العافيه

[عبدالكريم اليوسف]

الامير

مبدع كعادتك
صح لسان شاعرها
ولا عدمنا هالزين

لاعدمناك

[حرقوصي]

عليم العطش يعطيك الله العافيه على النقل
وصح لسان القائل اشهد انه قال قصيده رووعه



اخوك

[محمد بن سيف]

السلام عليكم ورحمة الله وبركاته
قناص النعايم مشكور على المرور
لاهنت

[ثامرالماضي]

سمّ الزمان :-الضيم, والقلّ, والضيق
..............وسمّ الفراق:-افراق صلفين الاشواق

وسمّ الحرار:- املازمتها المسابيـق
..............واكبر غبينه!! يقصر الشوح مسباق !!


أبو عبيد ... الله يعطيك العافيه على نقل المتواصل ..

وصح لسان سيف ولا تقطعنا من جديده وقديمه


لاهنت يابعدي


,,,,,,,,,,,,,,,,,,,,,, تحياتي ,,,,,,,,,,,,,,,,,,,,,

[أبوخالد التويجري]

ابوعبيد


صح لسان اخوك سيف ولا هنتم

وترى القصيد ما ظهرت لي ياليت تنسخها وتنزلها بدون تنسيق علشان تظهر لي لا هنت




ابوخالد

[محمد بن سيف]

المشاركة الأصلية كتبت بواسطة حمد الجبيرى

وسمّ الحرار:- املازمتها المسابيـق
واكبر غبينه!! يقصر الشوح مسباق !!
هـذا تـراه اللـي يحـس المطاليـق
ويفرض عليهم سيـرةٍ كلهـا ارهـاق ---قصيده فى قمة الروعه صح والله السان القايل والناقل مشكور اخوي ابو عبيد

عافاك الله يابوعلي وسلمك
لاهنت