بسم اللله الرحمن الرحيم
السلام عليكم ورحمة الله وبركاته
كيف حالكم ان شاء الله بخير وصحه
هذي قصيده وعلى ما هو معروف عني اني قليل الكتابه في الغزل...ولكن هذه بعض الابيا في الغزل
القصيده بين اياديكم وموضع نقدكم
((((((()))))))
يا صاحبي عقبك ترا صابني الشوق=صارت حياتي كلها حب واشواق
اسري مع الرعاد واخايل بروق=صوب الديار اللي لها القلب يشتاق
ولعتني وزودت في خاطري حروق=ومن وين ما تمشي لك الرجل تنساق
محدن بهالدنيا ويسواك يا ذوق=يا ضامر الخصرين يا لين الساق
يا داعج العينين والعنق منتوق=يا ناعم الكفين والخد براق
نحرك كما الشلال وانصب من فوق=ثغرك كما لون السما وقت الاشفاق
قدرك تعلى بالحشا وارتقى فوق=والوصف ما يوفيك حقك ولا طاق
منك العذر ما دام ذا العمر ملحوق=ومني الوفا ما دام للحي لحاق
وسلامتكم
تحياتي لكم
حررت في 1433/6/22هـ
جمعان الخثيمي
((قنيب الذيب))
(((أشواااااااااااااااق)))....جمعان الخثيمي
العرض العادي
