(( هذاهوهواي )) قصيده

[سعود الراشد]

بسم الله الرحمن الرحيم
هذه قصيده قلتها قبل فتره ارجو ان تنال اعجابكم ولى نستغني عن نقدكم البناء
اناهواي اوسلوتي شبة النار..........
............................والربع مني عن يمين اويسارا
ودلال صفر ريحهابن وبهار.............
................................رسلان يعبالة جديد البهارا
يجذب شذى ريحه لنا كل خطار .............
.................................اوفنجالهاللي خطرنا ايدارا
برض خلا مفروشة عشب وازهار...........
..........................شرق من المظهور اولينه يسارا
فيها الحيا اوريح البختري اونوار..........
.............................والطير غرد بالفضا واستدارا
اوراع القنص بين المشاجير دوار...........
.............................ابوادي خثال امدورين الحبارا
ياما حلا الشيهان والحر لاطار...............
...........................هدوه بسبوقه ورى الخرب طارا
هذالبدع وزرود اوذي جملة ابار.............
.........................وقصور تحت الارض كانت عمارا
ياما ابدرب الحج صارت لها اذكار..........
................................ياما وردهن تايهين اوحيارا
ومابين اعيوج والخشيبي لنا آثار...........
...............................مواطي خلتها الذواري توارا
ولاالسحيرا ماتمله الابصار.................
.............................. لاربعت عيني ابوصفه تحارا
تسرح بها وضح اومجاهيم ابكار..........
...................................حلولبنها مايشوبه مرارا
يالله يارحمن ياوالي الاقدار..................
...............................يالي لك ابقلبي عظيم الوقارا
يامنجي ابراهيم من لاهب النار............
...........................اوياحفضن من ايد فرعون سارا
تنشي سحاب من على نجد حدار..........
...................................يخيل براقه بعيد المسارا
وزيزارعودح له صدى بين الاحجار.......
.............................اولاناض براقه كمااشهب نارا
ينزل علينا غيث في كل الاقطار...........
.................................وبلن يعم ابنفع كل الديارا
اوصلاة ربي عد ماتثمراشجار............
................................وعداد مايطلع علينا النهارا
على النبي الهاشمي صاحب الغار........
................................شفيعنا يوم الخلايق حشارا

اوسلامتكم

قالها سعود

[ابو فراس]

اناهواي اوسلوتي شبة النار
والربع مني عن يمين اويسارا
ودلال صفر ريحها بن وبهار
رسلان يعبالة جديد البهارا
يجذب شذى ريحه لنا كل خطار
اوفنجاله اللي خطرنا ايدارا


صح لسانك

[محمد المعارك]

صح لسانك اخي سعود
قصيدة رائعة ومعبرة عن هواية الرحلات .

بارك الله فيك.

[أبو حاتم]

صح لسانك ياسعود

[القطار]

أول صح السانك يابعدهم.
أخوي سعود
لما تطلع القصيدة من رحال مثلك ومحب للرحلات هنا نقرأ ونحن نحس احاسيسك.

هالبيت

هذالبدع وزرود اوذي جملة ابار

وهالبيت

ابوادي خثال امدورين الحبارا

وذالبيت

ومابين اعيوج والخشيبي لنا آثار

وذا وقفت عنده وتعظيم سلام

ولاالسحيرا ماتمله الابصار

ذكرتنا ياسعود وهيضت مشاعرنا بذيك الاماكن

تدري وش باقي؟


عوض السوداني اللي بالبعيثة.... الله يذكر ايامه بالخير.

[عبدالكريم اليوسف]

هلا بالقصيد
هلا بجمال الحرف
صح لسانك يالامير
وعساك على القوة يالامير
ولا تبخل علينا
لاعدمناك

[ثامرالماضي]

بسم الله الرحمن الرحيم

رائع أخوي الغالي سعود ...

قصيده جداً جداً جميلة ... ونابعه من رحلاتي 100% ....

هالبيتين بعد .... يهيضن :

اوراع القنص بين المشاجير دوار
ابوادي خثال امدورين الحبارا
ياما حلا الشيهان والحر لاطار
هدوه بسبوقه ورى الخرب طارا


ألف شكر لك أخوي سعود ... وبيض الله وجهك ...

وننتظر المزيد ... من كل جديد ...


,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,

[ريع الدياب]

الغالى سعود

وخذ عندك اكتشاف أحد فطاحل شعراء الرحلات
صح لسانك ياسعود

التخصص وحب الآثار ما يستخبى !!!

وقصور تحت الارض كانت عمارا
ياما ابدرب الحج صارت لها اذكار
اوياما وردهن تايهين اوحيارا
ومابين اعيوج والخشيبي لنا آثار

[سعود الراشد]

ابوفراس
صقر
ابوحاتم
راع الذوق
ابو شعلان
ريع الدياب

اشكرم على المرور والاطراء
اوتراي مانيب شاعر بس هذي مجرد شويعرات

[راعي الهدد]

أحببت ان اسجل اعجابي بهذه القصيدة واقول صح السانك ياخوي سعود ...

والله لايحرمنا منك ومن جديدك ...

محبك ابو حمد ...

[ولد نجد]

اناهواي اوسلوتي شبة النار..........
............................والربع مني عن يمين اويسارا
ودلال صفر ريحهابن وبهار.............
................................رسلان يعبالة جديد البهارا
يجذب شذى ريحه لنا كل خطار .............
.................................اوفنجالهاللي خطرنا ايدارا
برض خلا مفروشة عشب وازهار...........
..........................شرق من المظهور اولينه يسارا
فيها الحيا اوريح البختري اونوار..........
.............................والطير غرد بالفضا واستدارا

قصيدة اكثر من رائعة
صح لسانك ياسعود

[سعود الراشد]

راع الهدد
ولدنجد
مروركما وتشرفكما بقرائة القصيد
هو اروع من القصيده ذاتها
تقبلا تحياتي

[راعي الشاص]

صح لسانك ياسعود.
قصيدة من اجمل ما قرأت ليش، لأنها تحكي عن البر والرحلات
لاهنت يابو ياسر.

[سعود الراشد]

راع الشاص
لك الشكر والتقدير مني
تقبل تحياتي