ابيكم تقولون وش المفقود من الصورة

[بدوي حضري]

المشاركة الأصلية كتبت بواسطة حرمل

معزى / شاة

انت عاد ودي انك تفوز وتجيب حله مدري ليش

يمكن محبه والا غلا والا مدري وشو



حاول مره ثانيه فديتك ودقق فالصوره مظبوط

[محمد بن سيف]

ادمي واقف جنب الخط

[بدوي حضري]

المشاركة الأصلية كتبت بواسطة محمد بن سيف

ادمي واقف جنب الخط

مالك لوى نفداك قالوها قبلك ولاهب صحيح


حاول مرة ثانية

[حرمل]

القلوب شواهد يابدوي حضري والله يديم المحبة

نقول اذا الصورة خارج السعودية فإحتمال يكون الجزء المفقود قارب في مجرى النهر

[بدوي حضري]

المشاركة الأصلية كتبت بواسطة حرمل

القلوب شواهد يابدوي حضري والله يديم المحبة

نقول اذا الصورة خارج السعودية فإحتمال يكون الجزء المفقود قارب في مجرى النهر

انت رمعاتك طيبه ياحرمل وعلومك كلها طيبه

غير ماهب هو حله .. هو صح انه ماهب فالسعوديه عشان اوضح لك انت والاعضاء لكن وين؟؟ آي دونت نو مدري


حاول تكفى مره ثانيه بعد لعل وعسى تصيد الحل

[محمد بن سيف]

علامه من علامات الطرق
قل صح يانفداك
لاهنت

[بدوي حضري]

صح لسانك يابوعبيد


الاجابه صحيحة هي علامه من علامات الطريق بس اي طريق ؟ طريق الرياض والا طريق الشرقيه ؟؟







































هههههههههههههههههههههههههه امززح

ابوعبيد مع ان الجايزه انلغت من ثاني يوم بس انت سير علي في بقيق وابشر بالجوايز كلها


وياللي مافزتوا قولوا ماشاءالله واذكروا الله الرجال ذكي وجابها


وهذي هي الصوره

[محمد بن سيف]

المشاركة الأصلية كتبت بواسطة بدوي حضري

صح لسانك يابوعبيد

هههههههههههههههههههههههههه امززح

ابوعبيد مع ان الجايزه انلغت من ثاني يوم بس انت سير علي في بقيق وابشر بالجوايز كلها

وياللي مافزتوا قولوا ماشاءالله واذكروا الله الرجال ذكي وجابها

وهذي هي الصوره

العلامه هذي
على خط جسر بقيق مريت جسر بقيق "-" وانا غترتي من فوق راسي ورابطها
دوي الرعد باذني دوي طايرات الميق "-" ابي ديرت ما نيب جاهل خرايطها
عشان من يحلـم بزولـي قبـل مايفيـق"-"والى فاق ذاكرتـه على الحلم سلطهـا

لاهنت

[حرمل]

ماشاء الله تبارك الله يستاهل الجزلات ابو عبيد

ولاهنت يابدوي حضري

[محمد بن سيف]

ماهو الشيء المخفي بالصوره




لاعدمتكم

[بدوي حضري]

الداب الداب

الداااااب

انحاشوا من الداب لاياكلكم

يااااااااااااااااااااو انحش يابوعمر انت وصديقك الداب لاسود جاكم

ياويلكم من الدااااااب لا باكلكم

انحاااااااااااشوا

ابوعبيد شرايك هججتهم من اللغز

هاه اجابتي صحيحه والا ماهب صحيحه تجيزني للمرحله القادمه والا ماتجيزني

[محمد بن سيف]

عزالله انك جبته يابدوي حضري
الله يكفينا شره
عسى عدوكم بالاسود
نجيزك وبامتياز بعد
لاعدمتكم

[بدوي حضري]

انا متنازل للغالي حرمل ومهدي له الفوز

وفي انتظار مشاركته

[حرمل]

المشاركة الأصلية كتبت بواسطة بدوي حضري

انا متنازل للغالي حرمل ومهدي له الفوز

وفي انتظار مشاركته

مشكور يابدوي حضري على الهديه

ابو عبيد عدى جسر بقيق وتركني بجوف الهواجر

[نشمية]

شخص ما ....

قول صح يا خوي يا حرمل ....