السلام عليكم ورحمة الله وبركاته مسيتم بالخير جميعاً في هالوقت ... وإنعدام جمال الأرض يستعرض اصحاب الرحلات صور تعيد للروح سعادتها ايام كانت هناك ذات يوم فها هو متصفحي ... وها هي معشوقتي هلا رأيتموها ============= يالله بأمرك هالسنه تجيب الخير وتطرب الروح بشوف الخير وتبدأ طلعات مع النشامى طلعة بداية الربيع تسوى الدنيا ومافيها يا كيف لا كانت مع قروم الرجال وإذا جاك اتصال يافلان الحق انا في الشعيب الفلاني والشعيب رويان تنسى عمرك وتترك الشغل من يدينك لجل تكحل عيونك بتلك المناظر وبعد ما تمسي تصبح على هالشلالات اللي تطرب الروح وتشوف جال الطريق كله خير ورزق من رب العالمين وش تقول يوم توصل للشعيب وتشوف اول مشي له ... كلها لحظات وانت حايف لك بريق الكيف ولآبد من منغصات ولكن الطلعة ما تحلوا إلا ببعض المشقه وإلليا شفت الأرض وخيرة تعاف الزين وديرة ما بعد شمس الغروب إلا طرق الدروب وللمشتاق حنين غير فتجده يفز قلبه شوقاً للخروج فيكون ذلك فبعد الهناء بطيب الغداء تأتي الإتصالات ليكتمل السعد بالمبيت في إحدى الشعب فما بعد حر الصيف إلا نسيم مع دلة الكيف كايف الكيف يكيف الكيف بكيفه ياكيف الكيف لامن كيفه كايفها وما بعد القهوة والشاهي إلا فطور يطرب الصاحي يازين ايام الوسم إلليا كان الله كاتب الخير بهاك السنه كلما نكست للديرة ترجعك الأمطار والخيرات ويوم توقف في المحطات اللي بالهجر لها نكهة خاصة في تلك الأجواء الماطرة ويازين القطوعات في ارض خلي تمتد عينك لين ماتقصر والأرض كلها ثرى من هالخير اللي نزل عليها وفي هالأجواء وهالمكان اللي ما تشوف فيها جرر هالسيارات غير جرت سيارتك تنزل العدة وتضبط لك قهيوة والخوي خفيف النفس تلقاه يحوف لك هالحنيني في هالأجواء الباردة ويالله من فضلك ويوم ترجع تنهي رحلتك هاك اليوم بمناظر مثل تسذا وبعد ماترجع القلب يدق شوق للبر وكلها دقة جوال والربع واجد اللي بالبر فتروح للي يرتاح له قلبك وهالمره رحت للنسيب الحبيب ابوابراهيم وصلت لهم بالليل ومسيت عندهم وبعد ما حسيت بصوت فتحت فراشي إلا والقى ابوابراهيم ( قبل اذان الفجر ) يحي الشبه برميثات تطرب الروح وشوي إلا وتسمعه يأذن وتقوم للصلاة ( بأول وقته ) يازين القومه والإنتهاء من الصلاة وتوها ما بعد اسفرت الدنيا لجل تلحق ع الشروق ونسيم الفجر ويازينها من جلسة فجر معك يابوابراهيم والله وبعد ماتقهوينا وبدت تسفر الدنيا جهز لنا ابوابراهيم هالفطور الزين ياعل تسلم يمينه وبعد ما يفطر الواحد تبدأ مرحلة التميلح والتصوير في هالأجواء الخيالية الباردة وفي هالوقت يبدأ الواحد يحربش له بشي اللي يكسر الحطب واللي يحوس بأغراضه واللي يطلق رجلينه ومع هالأجواء يحب الواحد يمشي ويتفكر في مخلوقات الله عز وجل ولايخلو في هالوقت من لحظات رومنسية وعادي جداً تحصل اشياء غريبة طريفة ( خدمات ع الطريق ) وبعد هالمشي وقرب وقت الغداء يبدأ الشغل الصدز << إيه يوم صار غداك صار صدز حياكم الله ع القصور ودايم الزين ما يطول وحان وقت المغيب إذعاناً بالرحيل << ادوخ ع اللغة يارب لك الحمد كما ينبغي لجلال وجهك وعظيم سلطانك اللهم ادم علينا النعمة والعافية في الدنيا والآخرة وللمشتاق صور كثيرة لعلنا في الغد نكمل بإذن الله إلى هناك ... اشكركم على طيب متابعتكم ابوخالد
Security team
حينما يستعرض المشتاق صور معشوقته .... تكون الصور ( تحديث مستمر لتصوير اخوكم نوماس سدير )
العرض الشجري
