مجموعه ((صور)) للربيع من طلعتنا في شهر محرم 1428

[ذيب نجد]

بسم الله الرحمن الرحيم

بعد انتهاء الاختبارات وقبل بدء الاجازة الرسميه للطلاب والمعلمين اتفقت انا و ابوسليمان وراع الولع (ابو صالح) مع اثنين من الرجال شرواكم على كشته للصمان نشوف الربيع والامطار والخيرات حددنا ايام الكشته وهي من الثلاثاء الى السبت التاريخ : 12\1\1428 الى 16\1\1428 ماودنا نتأخر وشي ثاني لأن الناس اول ماتعطل تبي تكشت وراح يصير الصمان زحمه << البر لي لحالي
كانت الخطه كالتالي :
نمشي من الرياض الى الدهنا وننام بعرق السرو.
ندخل الى الصمان من اللهابه مروراً بـــفيضه : حسنا السبق وردايفه و ام الهشيم و جغبقا و الشيخ و ام صحن ورديفته وام قرو ثم مرورا ام الهشيم ...................الخ بما في ذلك بعض الفياض الصغار .
ثم نكمل احتياجاتنا من محطه البطيحان .
ثم ننام لنا ليله قبل ام الجماجم بعرق جهام .
العوده كانت مروراً بـ ام الجماجم والارطاويه و المجمعه ثم خط القصيم ثم الرياض ثم كل واحد بيته ..
(طبعا لازم اي شعيب نسير عليه وناخذ علومه ).................. التفاصيل جايتكم بالصور انشاء الله
والحمدلله الجو كان غيم وندى طوال الايام (مثل جو هاليومين ) .
الحمد لله ماشفنا ولا كشاته من دخلنا الصمان الى ما طلعنا
فيه واحد كان مواعدنا ولا جا الله يستر عليه بس تراه مهوب ابو شعلان (معذور لأنه كان بعيد)

اترككم مع الصور
الصور :

صور الدهناء :

(لم أتمكن من التقاط صور يومنا الاول لوصولنا متأخرين )

وهاذي صوره لحظه دخولنا الصمان (جهازين واحد للسواق وواحد لبو سليمان المعاون علشان بعض المساعده ):

وهذي صور جلستنا بفيضه حسنا السبق ابو صالح (راع الولع) معطينا ظهره ابو شماغ (يا ملحك ):

هاذي صوره فيضه شرق حسنا السبق والظاهر ان ماله اسم ...وكانت أجمل فيضه مرينا عليه بالصمان :

هاذي صوره من نفس الفيضه .هذا واحد من الشباب يبي يقيس الربيع يقاله ابوسليمان:

فيضه الشيخ افطرنا به وحاسنا المطر ياله ياله لحقنا على الفطور (عجزنا نفطر ذاك اليوم كل ما وقفنا بفيضه امطرت علينا فقلنا الدعوى خربانه خربانه <<<< الجوع ومايسوي )

هذي الصوره تبين اثار المطر بفيضه الشيخ

بعد خروجنا من الصمان من عند محطه البطيحان كانت الوجهه المجمعه ...
هاذي صور من مجزل سيرنا عليه وحنا راجعين للرياض :

صوره من نفود ام الجماجم مكان نومتنا (اخر يوم في الرحله)



____________________________
اجمل شي بالكشته اذا كان معك رجال راعين فزعه ويتسابقون على الشغل ...

اشكر مشرفنا الغالي ابو شعلان اللي تفضل مشكور وشرح لي طريقه تصغير الصور ...

الحقيقه يوجد الكثير من صور الربيع بس مابغيت اطول عليكم

الكمره المستخدمه : nikon d70

ــــــــــــــــــــــــــــــــــــــــ
سلا1111111111111111111م

[الانيق]

هلا هلا والله بذيب نجد صحيح انك ذيب وجبت هالصور بالوقت هذا كودك تخلينا ننسى هالحر هالايام

[احمد الثقفي]

تسلم والله اخوي ذيب نجد على الصور الجميلة
وكثر لنا من هالمناظر الزينة اللي تدخل السرور على النفس

تحياتي

[ذيب نجد]

الانيق نسلم على مرورك ,,, ما نقول الا الله يفرجه ويجي الشتاء

أبو أشرف هلا بك والساعه الخراشه اللي جيت بموضوعي
أبشر بالصور اللي تعجبك انشاء الله بالمواضيع القادمه

ــــــــــــــــــــــــــــــــــــــــــــــــــ ـ
سلا1111111111111111111م

[محمد المعارك]

مشكور اخي ذيب نجد ... ماشاء الله على هالصور الروعة.

صورك رجعتنا لأيام المطر والربيع والبراد ... الله لايحرمك الأجر على امتاعنا بتلك الصور .
الفيضة اللي شرق حسناء ... اليست رديفة حسناء ؟؟؟

بارك الله فيك.

[ذيب نجد]

اخوي صقر ,,, الله يسلمك على الاطراء الجميل
اذا كانت الصور هاذي تمتعك فابشر باللي يطيرك من الوناسه بالايام الجايه

بالنسبه لسؤالك ؟
مالك لوا اخوي صقر مهيب رديفه حسنا. لأننا دورناه بالأجهزه اللي معنا وما طلعت حتى اننا دروناه بخريطه السياري ودار موجه مع العلم ان الخريطتين احدث اصدار .
بس ابشرك الشباب ما قصروا حطولها اسم (احلام) .

ــــــــــــــــــــــــــــــــــــــــــــــ
سلا11111111111111111111م

[ولد نجد]

تسلم يالذيب لقد امتعتنا بهذه المناظر الرائعة
ننتظر بقية الصور لتطفئ بما في نفوسنا من لواهيب القيض
شكرا وبارك الله فيك

[الليل]

سلمت يالذيب ..
تقرير جميل أخي الكريم ..

[ابو صقر]

بسم الله الرحمن الرحيم

يامل العافيه ياذيب

صور ممتازة ورحلة رائعة توسع الصدر
الله يديم الالفه والمحبه في الله
مشكور يالغالي وماقصرت
هات باقي الصور لاتبخل علينا

والشكر لبو شعلان على المساعدة

والسلام عليكم

[ذيب نجد]

يسلم من قال يا ولد نجد .. ابشر بالصور اللي تعجبك ان شاء الله ...

,,,,,
الليل هلا بك وشكرا ,,, واشكر لك تعليقك الجميل

ــــــــــــــــــــــــــــــــــــــــ
سلا11111111111111م

[ذيب نجد]

هلا بك يا ابو صقر شرفنا مرورك .....
با قي الصور بالطريق يالغالي .....
وعليكم السلام

ـــــــــــــــــــــــــــــــــــ
سلا111111111111111م

[ابوسليمان]

مشكووور اخوي ابوعلي على الصور الجميلة

ولا تحرمنا وتحرم الشباب من باقي الصور!!!!




اخوك:ابوسليمان

[ذيب نجد]

ابو سليمان الغالي

هلا بالخوي هذا من ذوقك ,,
كل هالصور ماطلعت الا من كمرك يالنشمي .

ـــــــــــــــــــــــــــــــــــــــــ
سلا111111111111111111م

[سحمان السبيعي]

الله يجزاك خير على هذه الصور الرائعة حقا فقد
امتعتنا بالمناظر الممتازة

[ذيب نجد]

مرحبا بك اخوي كان يشرفني تواجدك في موضوعي المتواضع
وشكرا ,,
ـــــــــــــــــــــــــــــــــــــــــ
سلا111111111111111م