بسم الله الرحمن الرحيم ... السلام عليكم ورحمة الله وبركاته .. حيا الله الاخوان .. كيف حالكم .. ؟؟ جايب لكم اليوم شيء من جديدي القديم .. يعني المبطي عندي لكن انزالي له بالنت جديد مالكم بالطويلة . . هذا الله يسلمكم دولاب عندي خدمن خدمة ميهيب بسيطة .. وسعره معقول بالحيل وأنا ما جزمت على تنزيله الا يوم شف دولاب اخوي عاشق السيل .. كبير وسعره أعتبره غير معقول مقارنه بهذا وومميزاته ... مميزات الدولاب :: 1- له كفرات تدفه للمكان اللي تبي داخل البيت بكل يسر وسهوله أنا أدفه حتى اوقفه بجانب الموتر . 2-قماشه تايلندي مقاوم للحرارة . 3- قماشه ما يدخله الماء . 4- حجم الدولاب حلو ويشيل القش حقي كله .. حيث أن حجمه 200 سم × 200 سم × عمق 80 سم طبعا أنا شاريه من محل عروق الشمال ببريدة شغلهم به وبغيره متميز طبعا الصور تبي تريحن وتريحكم .. شوفوهن واحكموا ****تنبيه القماش مغبر والا القماش لا يعلى عليه لا تحسبونه منقلب من الشمس او المطر أو غيره ..لأن له عندي الحين ثلاث سنوات وهو ما تغير سعر الدولاب 1200 ريال وبالنسبة لي اعتبره رخيص على خدمته لي .. - - - - - - - - - - - - -
للرفع بانتظار الردود المشجعه ..
ماشاءالله رووووووعه يعطيك العافيه
طريقة حلوة وتخدم وتحفظ عفشك في مكان أمين. وألف شكر اخوي لاهنت.
اخوي هل هو موجود عند عروق الشمال ام بالتفصيل حسب الطلب
ماشاء الله الصراحه فكره الكفرات ممتازه جدا جدا ومريحه انا عندي دولاب المنيوم بس مثبت بالجدار الفكره الحاليه (تركيب كفرات له بعد ما شفت شغلك) شـكــ وبارك الله فيك ـــرا لك ... لك مني أجمل تحية .
وعليكم السلام ورحمة الله وبركاته والله كبير وزين ماشاء الله الله يبارك لك فيه
السلام عليكم ورحمة الله وبركاته الله يعطيك العافية علي الصندوق
السلام عليكم ورحمة الله وبركاته ماشاء الله شغل ممتاز موفق بإذن الله ... لك مني أجمل تحية .
يا سلام ،، ما شاء الله تبارك الله هذا اللي يحفظ العدة كلها انا محتاج واحد مثله هل فيه احد يبيعه بالرياض ؟
اقتباس: المشاركة الأصلية كتبت بواسطة شحنان ماشاءالله رووووووعه يعطيك العافيه تسلم ياغالي ... حياك الله
اقتباس: المشاركة الأصلية كتبت بواسطة راعي الشاص طريقة حلوة وتخدم وتحفظ عفشك في مكان أمين. وألف شكر اخوي لاهنت. صدقت وتريحك من تنقيل العفش على حبة حبة
اقتباس: المشاركة الأصلية كتبت بواسطة ابو فراس اخوي هل هو موجود عند عروق الشمال ام بالتفصيل حسب الطلب والله ياغالي ما اعلم .. لكن يوم آخذه أنا كنت طالبه طلب .. ماكان فيه شيء جاهز ...
اقتباس: المشاركة الأصلية كتبت بواسطة bassam ماشاء الله الصراحه فكره الكفرات ممتازه جدا جدا ومريحه انا عندي دولاب المنيوم بس مثبت بالجدار الفكره الحاليه (تركيب كفرات له بعد ما شفت شغلك) شـكــ وبارك الله فيك ـــرا لك ... لك مني أجمل تحية . هذا مطلوبنا انكم تستفيدون منا ونستفيد منكم ...
اقتباس: المشاركة الأصلية كتبت بواسطة الشعراوي وعليكم السلام ورحمة الله وبركاته والله كبير وزين ماشاء الله الله يبارك لك فيه تسلم ياغالي .. وحياك الله ..
Security team