مقناص رقم 2 خروب xخروب 12-12-1431 مجموعة ترفع)(

[المترو]

السلام عليكم ورحمة الله وبركاته ومساء الخير جميعا

وكل عام وانتم بخير ومن العايدين جميعا
وكما وعدتكم سابقا بلقاء قادم بعد مقناص قبل العيد وسبع الحباري (مجموعة ترفع ) بقيادة امير العدل والمساواة ابوصالح الله يحفظه ويعطيه الصحه والعافية وبقية الربع من (مجموعة ترفع)

وها هو المقناص الثاني بعد العيد مع (مجموعة ترفعوا) واميرنا بالمقانيص
1- الغالي ابوصالح
2-ابوفارس اللي بغا يقضي علي ولكن سلمت ولله الحمد تعرفون الله يحفضكم انتبهو تركبون مع راعي طير اذا هد طيره قسم بالله انه مايطالع وش بالارض عيونه بالسماء وهاذي شجرة يقشها وهاذي حصاة كبر الكفر يتوطاها وهذا جرف يطمره عشرة متر بالهواء والوكاد اني يوم وصلت لموقع طرحت الحبارى الا وانا دايخ وفاقد الذاكره مؤقتا
حتى طالعو صورتي وشلون وجهي تقل ان الطير مهدود علي ماهو على خرب
3-وطبعا ابو سعيد ابوقـــ...............كما وصفه احدهم سابقا الله يحفظه
4-ابو محسن هذا الله يسلمكم سم حمربقص جرة الحبارى مظهرها مظهرها الله لايعوق بشر ماشالله عليه طايره تمشي بقاع بصفا تركض تطير
يشوف المطير وماشالله عليه يمشي الى ان يوقف على مطبها كأنه اريل توجيهي ومتزند الجهاز اليدوي كما يتضح بالصوره وكأنه هذاك اللي يوجه الطائرات بالمدرج عند وقوفها نسيت وش اسمه

5-ابوريان راعي التوجيهات الصارمه والممتازه صراحه وراعي معنا الله يحفظه
6-ابو ابراهيم طبعا هذا بخيص بالامور ماشالله عليه مايخفاه شيء بامور المقانيص الله يحفظه ويرعاه ويعطيه الصحه والعافيه
7ابوسلطان راعي الفلكوووون الله يحفظه
8-ابو محمد طبعا حبيب الجميع الله يحفظه
9- ابو ناصر محاكيكم
وادري اني طولتها وهي قصيره ووكثرت عليكم الهذره لكن تراي اسولف كأني جالس بمجلس رجال شرواكم عقب مهدين او ثلاثه بخلا خالي ودلتين هيل على النار وثالثتهن عويدي
اقول اخلص وحط الصور







لوحه بالطريق هل الصمان محميه ولماذا يمنع الكشته بالدهنا واللوحه تقول المنع راعي واحتطاب؟؟؟؟










ويبداء البحث عن هذه المزيونه معشوقة الصقاقير والشيوخ وهواة الصيد
















واثناء البحث عن جرة المزيونه تم اللقاء مع ابا الحصين والغريب انه بالعاده يهرب بعيداً لكن هذا الحصيني طلب تصويره












وهاهي اول الخروب تحت الطير ولله الحمد ويتضح كبر هذا الخرب







وهذه معفرة الطير للخرب





وهذه صوره مرعبه بعد تنفيذ القصاص













وهذا الامير يحمل الخرب ويتضح كبره وغلوبه السوداء

وهاو الامير يحمل احد الخروب






خرب اخر













وهذا سم الحباري والمشهور بايجاد الحبارى مهما كان الامر بالجره والمطير










يتبع

[المترو]

قسم بالله بغيت اللغي الموضوع انتظرت للتعديل اكثر من نصف ساعه عسى ماشر المنتدى ليش بطيء








وهذا ابو ناصر لمن لم يكحل عيونه بشوفتي من زينك بعد






وهذا خرب اخر محظون ونافش فلته









وهذه ابو ناصر يحمل هذا الخرب الاخر وقد بداء البحث عنه بالجره من 8 ونصف صباحا وحتى العصريه وترى حذفت الصوره كامله لان وجهي رايح فيها تقول مهدود علي ماهو على الخرب









صوره ليليه للطيور نائمه بعد يوم من الهد والحد











وهذا سم الحباري ابو محسن واليدوي المشهور معه








وهنا غربت شمس المقناص















وهذا القمر طل علينا عصرا كم طليتم على هذا الموضوع المتواضع

ولكم كامل الود والمحبه
محب الجميع ابو ناصر




ملاحظه

تراي اكتب بدون نظاره لاتدققون بالاخطاء

[ابوهادي]

صايدين وفايدين مقناص موفق
تقبل مروري

[عبدالحميد الحربي]

ابو ناصر

بيض الله وجهك على هذا الطرح الجميل

صايد وفايد يالغالي

لاعدمناك

[طواش]

ابو ناصر

بيض الله وجهك على هذا الطرح الجميل

[عبدالكريم اليوسف]

وعليكم السلام ورحمة الله وبركاته

صايد وفايد يابو ناصر
وعساك على القوة

لاتبطي علينا

[الحنو]

ما شاء الله
صايد وفايد

[حمد الجبيرى]

عوايدك الدسم يابوناصر وفقك الله

[أبوخالد التويجري]

كفو والله


ماشاء الله عليكم عز الله انكم وفقتم

لاهنت يابعدي

[شايب الصمان]

تسلم يالحبيب وأنا أقول الحبيب وينه أثرك مع الربع ..

بس ياخيي وراك زار زرار الرقبه بالبر وبدون شماغ الله يحفظك .

[ثامرالماضي]

أنت تشوف يابو عبدالله .. على صكة هالزرار كنه حضرمي بمحل قطع غيار ههههههههه

أبو ناصر ... ترفّع أبيك شوي خخخخ... ودي والله أحب خشيمك على هالتقرير اللي يشرح الصدر ..

بيض الله وجهك أنت وربعك وصايدين وفايدين يارب ..

وننتظر التقارير القادمه مع صيد أوفر بإذن الله ..

لاهنت

,,,,,,,,,,,,,,,,, تحياتي ,,,,,,,,,,,,,,,,,,

[محمد الديحاني]

صايدين وفايدين يابو ناصر .........

[الخلف]

وعليكم السلام ورحمة الله وبركاته

الاخ ابو ناصر
تسلم على هذا التقرير الدسم و كفوا
على هذا الصيد مشاء الله عليكم
سلمت يا الغالي
تحياتي

[خالد الشريهي]

ما شاء الله تبارك الله

مهد موفق يا ابو ناصر

عسى هذي عوايدكم دوم

عليكم بالعافيه


تقبل أجمل تحية

[مجنون الصيد]

مشالله صيد طيب الله يعطيكم العافيه