اقدم بين ايدكم هذه القصيده المتوضعه وارجو أن تنال اعجابكم
وترتقي لذائقتكم الشعريه
لاذعذع الغربي وهب البرادي=وساقت من القبله هبوب ونسانيس
فزيت من نومي وطار الرقادي=وسقت القدم في خايعن مابعد ديس
وشبيت ناري جمرها والوقادي=ونقيت ما قد لاق وسط المحاميس
ودنيت نجري بالحشا وقمت أنادي=وقلطت ضيفاني هموم وهواجيس
كله على منهو تقفى البلادي=شدو ركايبهم وقفوا على العيس
الصاحب اللي مسكنه بالفوادي=أظلم على داره وطفى الفوانيس
والله لولا عرفنا والسوادي=لسري بروحي مثل سري المقابيس
يابوحمد وإن كان تبغى الوكادي=وما طعت فيه إبليس وعويل إبليس
آرد على الماء وآتخيل وأنادي=وأخيل وجهه والعيون النواعيس
وجدي على وقتٍ قضيناه هادي=مافيه لوعه ولا فراق وساويس
الوسم يسقي منزله والرعادي=كل ماتقفت عوّدت له مناكيس
وسلامتكم
اسف على سوء التنسيق وارجو من المشرف تنسيق القصيده الله لا يهينه
اخوكم رايد هذيل
التعديل الأخير تم بواسطة ثامرالماضي ; 01-03-11 الساعة 01:29 PM
عسكر الشاه
العرض العادي
