مقناصنا للكراوين مع القروم العزيزن 2-3-4 مارس 2011 حصري وفقط ع منتديات الرحلات

[Abdullah K. AL-Hassan]

بسم الله الرحمن الرحيم

احبتي اعضاء وزوار منتديات الرحلات

اسعد الله صباحكم ومسائكم بكل خير


اللي لحق طيره ورى الخرب ثم صاد *** لا مـــايهمّه لو ربط طيره اللحين
واللــي قنص مــاهدّ والــحظ مـاجاد *** يقصر على طيره ويقنص كراوين


مساء الاربعاء 2 مارس 2011

أخوكمـ عبدالله الحسن ، ثامر الماضي ، أبومحمد ، أبوخلف، ابوصالح ، و ابوحميد

ذكر لنا جرّة كراوين وطلعنا لها على أمل أنها تكون واجد وكل واحد منّا إمتطى سيارته

وكان وصولنا للمكان متأخر ..وبعد القهوة والشاي والخفايف

الكل جهز فراشة للنوم ..وفي الصباح الكل حمل اغراضه وامتطى سيارته للبحث عن الجرة

وببداية المقناص لم نفوت هذه النبتة والتي يعشقها محبي البراري

البسباس

وهذا ابوشعلان وهو ياخذ وحده



وهاهي صالحة للاكل



وهذي الخزامى منوره المكان



وماخذنا ساعة إلا واخينا ابومحمد ينادي .. الجرة عندي شفني تحت في ذاك الشعيب ..وين يابوخلف شفني حولك





وماخذنا شوي إلا واجتمعنا ونزلنا من السيارات نقص الجرة .. وشوي إلا طارن طارن الثنتين.. والكل يركب سيارته

وفقدنا وقتها احد الطيور ورّاد ماهو ع التكاية.. و يوم نطرد وإلا هو طالع عليهن وتال المجول ماشاء الله تبارك الله

والحمدلله صاد الكروان الاول

ان شلعت جاها من الجو تنكيس .. وان نوخت جاها ع الارض دواس




والحمدلله فرحة للجميع لاتنسى ..



واخوكم عبدالله متشقق لأحد يشره ههههههههههههههههه





وهذا الغالي ابوشعلان مع الكروان



بعدها ضيعنا الكروان الثاني والحمدلله ربي جابه

وهدينا عليه طير ابومحمد ( سهيل )وكان هدد طيب ماشاء الله

وصاد .. وعقبال المزيد يابومحمد




وانا والغالي محمد


وصورة جماعية والجميع فرح بالصيد



وعقب الهدد والوناسة .. زانت الجلسة وسوالف وطرائف الهدد



والغدا من يدين مانعدمها يابومحمد



وكملنا المقناص ..والارض كل مالها تزيد وعورة




وهذه الطلحة اعجبنا منظرها واخذنا لها صورة



لين ماجا المسيان ومالقينا شيء ..وكلن دعا طيره وزانت الجلسة وشبت النار



والنار من شبابها



والكراوين بعد نتفهن

والعشا .. مكرونة كراوين .. من ايدين ابومحمد

من يحصلها



وكلن نقل طيره



فجر يوم الخميس بعد الصلاة

الكل متحمس ومتفائل



والاجواء كانت طيبة ولله الحمد



والحمدلله رزقنا الله بـ 3 كراوين





وبعد ماربضن وعزلنا 2

كان الهد للطير وراد

وبسم الله





ولكن حصل الحاصل والحمدلله ع كل حال









يتبع >>>

[Abdullah K. AL-Hassan]

واكملنا للهدد ع الكروان الثاني .. وبسم الله ماشاء الله ع الربضة

جاك الموت



وهنا اخي ابومحمد يهد الطير سهيل



ماشاء الله تبارك الله



وماشاء الله تبارك الله











وابوشعلان يعزل الكروان لتعليم الفرخ الوحش



حي ذا الشوفه



صورة لا إرادية



وتعلوم الوحش
يالله بسم الله


ماشاء الله ماشاء الله



لامفر





وماينفع صياحك يالكروان




والي ضرب بالجو في لحظته ميت .. من الجو ياتي للشعيب متهايف










ضربه يخلي الريش مثل القراطيس .. لرخى على خشن الغلب حد الامواس

وماشاء الله





وابورغد وفرحة ربي يديمها






وابوشعلان والغالي ابورغد







وهنا في طريق العودة اخذنا الجو والربيع الزين



وختامية



ولالا العمس عقب الوناسة مداخيل .. كن العمس من داخل الروح منسل
وقلنا العشا ذالحين مافيه تاجيل .. عقب الهدد والصيد نبغا لنا زل
والنار شبوها القروم المشاكيل ..وقمنا عليه من الجثامير نجدل
وتقدم النشمي يحوف المعاميل .. وكلن على سد اللوازم يجمل
وزانت سوالفنا وبدعا التماثيل .. احدن معه شيلات واحدن معه هل
هذا الطرب ماهو "زيفن وتمثيل" .. ولا الطرب في غير هذا "خذ وخل"




أخيراً احبتي اتمنى ان يحوز الموضوع ع رضاكم

وتقبلوا منا خالص الود والتقدير

محبكمــ عبدالله

[عبدالحميد الحربي]

صايد وفايد يا أبو محمد

علمنا وش سالفة النور ؟

لاعدمناكم جميع

[الشيخ قوقل]

وعليكم السلام ورحمة الله وبركاته

صايد وفايد يابن حسن

إلى الأمام والله الموفق

[طواش]

موفق بإذن الله ... لك مني أجمل تحية .

[الخلف]

.
وعليكم السلام ورحمة الله وبركاته

صايد وفايد يابو نجم
تحياتي

[عبدالله الحربي ابو راكان]

ماشاءالله تبارك الله هدد وصيد طيب

وجمعة الطيبين اجمل

الله يعطيكم العافيه جميعا

[أبو زيد القويز]

صايد وفايد يابو خالد وفالك الخرب ان شاء الله..

[ملفي الرويس]

السلام عليكم ورحمة الله وبركاته
مشاء الله مقناص طيب
الله يعطيكم العافيه على الصور

[عبدالكريم اليوسف]

وعليكم السلام ورحمة الله وبركاته

الله عليك يالامير
صادي وفايد وبارك الله فيك
على هذا التقرير الجميل

لاعدمناك

[محمد بن سيف]

السلام عليكم ورحمة الله وبركاته
فالكم الصيد والفيد دايم الله يهنيكم
لاهنت

[أبوخالد التويجري]

وش أخبار الطير يابومحمد .؟

عسى الله يشافيه ويبرد خاطرك بهداده

[فهد مشبب العاصمي]

مرحبا مليووووووون ياراعي وراد ،،

ماشاء الله ،، نعم الرجال ،، طيور طيبه وصيد طيب ،، جعل أيامك كلها زينه ياعبدالله

ماشاء الله تصوير مميز مع أني اجزم أن ظروف التصوير كانت صعبه لكني عارفك مبدع طول عمرك ونتايج مبهره ،،

عسى الطير أموره طيبه ،،

وفالك الخررررررررب


أخوك : فهد

[محمد المعارك]

ماشاء الله
مبروك على الجميع الصيد الطيب
استمتعت بهذه الصور والسرد الجميل لهذه الرحلة الممتعة.
لكن وض قصة النور وهذه الصورة ؟


والشكر موصول لأبو شعلان هو وعصاه وسلم على ابو محمد اللي ضبط العصا.

بارك الله فيك.

[أبوعبدالعزيز الدخيل]

ماشاء الله .. تبارك الله
صايد وفايد يابن حسن