شباب من الرس يجدون سلاحف عملاقة

[هزيم الرعد]

السلام عليكم...
وصلني إتصال من أحد الزملاء وهم في ينبع ...وقال لي إنهم وجدوا سلحفة كبيرة الحجم ..وقال أن طولها أو نقول قطرها يصل لـ متر ونصف ... يقول قريبة من الشاطئ ..يقول يوم حست بنا تحركت لم البحر ..يقول وقف قدامها خوينا يبي عشان نشوفها كلنا يقول يقول وفحت بوجهه وفتحت أفمه وصار شكله يخوف يقول ركب فوقه عشان يبطئ من حركتها يقول ماجابت خبر ...تشعمط "تمسك" بمؤخرتها عشان ماتدخل البحر .. يقول وسحبته معها لداخل البحر وطلع يوم شاف إنه مهوب قادر عليها
.
.
يقول تحسرنا إننا ماقدرنا نصورها ...يوم جينا نتحرك من مكاننا يقول ويشوف واحد مننا وحدة ثانية من بعيد .. لكنها أصغر منها ...يقول الزين إنها كانت بعيدة عن البحر ..يقول وحنا اللي نصورها ...صور بالجوال ثابتة وفديو .. يقول أحجامها كبيرة وفي رؤوسها أجهزة وأشياء يبدو أن حماية الحياة الفطرية قامت بتركيب هذه الأجهزة عشان تتقفى أثرها وتتابع حياتها ..
عاد هو أرسل لي هالصورة بالوسائط ..ويقول لما نوصل أعطيك باقي الصور وملفات الفديو .. لما يوصلن إن شاء الله نجيبهن لكم لكن هالحين مع هالصورة الوحيدة
.
.

.
.
لاحظوا حجمها بالنسبة للشخص اللي جنبها ...هذي يقال لها الصغيرة
عاد يقول أنا وخويي حاولنا نرفعها يقول بآخر قوتنا قدرنا نرفعها 10 سم فقط
سبحان الله ...

[هزيم الرعد]

سؤال الحلقة هو ...
كم مرة قلت كلمة " يقول"

[عمار السفينه]

ماااااااااشاء الله

ولله ياهي كبييييره

و أول مره ادري ان في شواطىء الجزيره مثل هذي

ماقصرت ياهزيم الرعد

وننتظر رأي الخبراء

أما سؤال الحلقه : بلا شك فوق عشرين قوول هههههه

تحياتي يالغالي

[جناح تبوك]

الجواب قال 16 مرة كلمة يقول
وحولي الجائزة بالفيدكس

[أبو مروان]

وعليكم السلام

مشكور أخي الغالي هزيم الرعد على هذا النقل

السلاحف البحرية تخرج للبر من أجل وضع البيض ، في موسم التزواج ، فهل هذا ما جعلها تخرج من البحر أم هو عامل أخر أخرجها من البحر

وبإنتظار باقي الصور والفيديو

[عمار السفينه]

المشاركة الأصلية كتبت بواسطة أبو مروان

فهل هذا ما جعلها تخرج من البحر أم هو عامل أخر أخرجها من البحر

أظن أنني فهمت ماذا تقصد ياابو مروان ننتظر الاجابه والله يستر على المسلمين

[هزيم الرعد]

المشاركة الأصلية كتبت بواسطة عمار السفينه

ماااااااااشاء الله

ولله ياهي كبييييره

و أول مره ادري ان في شواطىء الجزيره مثل هذي

ماقصرت ياهزيم الرعد

وننتظر رأي الخبراء

أما سؤال الحلقه : بلا شك فوق عشرين قوول هههههه

تحياتي يالغالي

ياهلا والله بعمار السفينة ...أجل طلعن 20 مرة ككككككككك
وحنا معك ننتظر رأي البقية وهلابك

[هزيم الرعد]

المشاركة الأصلية كتبت بواسطة جناح تبوك

الجواب قال 16 مرة كلمة يقول
وحولي الجائزة بالفيدكس

طيب طيب ..منب مدقق بالرقم .. بس أنت بتبوك ..وتبي أرسل لك الجائزة بفيدكس ..
طيب أنا أصلا شارط إن اللي يبي الجائزة إنه يجي هو وياخذه بنفسه عشان نتعرف عليه ونقوم معه بالواجب ... وعلى فكرة ترى الجائزة قلم رصاص وبراية ومحاية << يوم إبتلش
مشكور

[هزيم الرعد]

المشاركة الأصلية كتبت بواسطة أبو مروان

وعليكم السلام

مشكور أخي الغالي هزيم الرعد على هذا النقل

السلاحف البحرية تخرج للبر من أجل وضع البيض ، في موسم التزواج ، فهل هذا ما جعلها تخرج من البحر أم هو عامل أخر أخرجها من البحر

وبإنتظار باقي الصور والفيديو

العزيز أبومروان .... أنا سألت خويي قلت لقيتوا بيض في الجحور قال لامافيه شي .. قلت له فاتتكم أجل الشكشوكة .. يحلفون إن الشكشوكة بإستخدام بيض السلاحف إنه على الكيف
بالنسبة للأمر الآخر الله أعلم ..أنا أخبرته عن خبر العيص وهو بالبر طبعا ما يدري عن شي لكن عطيته تصور للأمر وهم بالطريق هالحين راجعين وإن شاء الله تشوفون بقية الصور والفديو وربي محييك

[يعقوب الوهيب]

لا اله الا الله
شكلها يوحش
بعذره خويكم ما قدر يمسك الاولى


مشكور يا خلفهم وبانتظار باقي الصور

[شايب الصمان]

ماشاء الله عيك يابوشكاع آوه هزيم الرعد هذا اللي خابرينك علمي وتحب علم الحيوان ...... عالم جميل جدا.....

ننتظر البـــــــــــــــــــــــــــــقـــــــــــــــــ ـــــــــــــــــــــــــيــــــــــــــــــــــــ ـــــــــــــــــــــه الهزيمه الرعديه :d

[Abdullah K. AL-Hassan]

ماشاء الله
حجم Xxxxxxxxxxxxxl
هههههههههههه ..تصدق يالغالي أول مره أشوف هذا الحجم بعيني ..ماشاء الله

جزاك الله خير يالغالي على التقرير وبنتظار البقية..
أحلى وأغلى تحية
أخوك

[هزيم الرعد]

المشاركة الأصلية كتبت بواسطة المربد

لا اله الا الله
شكلها يوحش
بعذره خويكم ما قدر يمسك الاولى


مشكور يا خلفهم وبانتظار باقي الصور

هلابك المربد ...وإن شاء الله بقية الصور لاحقا
ما أدري وراه كل ماشفت معرفك حسبت إنه الملبد
والملبد عندنا معناته اللي مسكت مهوب يهرج أبد
هلابك

[هزيم الرعد]

المشاركة الأصلية كتبت بواسطة شايب الصمان

ماشاء الله عيك يابوشكاع آوه هزيم الرعد هذا اللي خابرينك علمي وتحب علم الحيوان ...... عالم جميل جدا.....

ننتظر البـــــــــــــــــــــــــــــقـــــــــــــــــ ـــــــــــــــــــــــــيــــــــــــــــــــــــ ـــــــــــــــــــــه الهزيمه الرعديه :d

هلابك والله أبوعبدالله ... تبي الصدز إي نعم أحب علوم الحيوانات ..منول يومني صغير كنت أجل أراقب حركة العنكبوت بالبيت ..والذباب ..وأتابع سلوكهن
وبالأخير الحمد لله في حياتي العملية صارت وظيفتي نفس توجهي العلمي هذا
حيث إني توظفت بقسم الحركة بإدارة التربية والتعليم بالرس .. يعني أسوق باص المدارس
أمزح طبعا

[هزيم الرعد]

المشاركة الأصلية كتبت بواسطة A.K.H

ماشاء الله

حجم Xxxxxxxxxxxxxl
هههههههههههه ..تصدق يالغالي أول مره أشوف هذا الحجم بعيني ..ماشاء الله

جزاك الله خير يالغالي على التقرير وبنتظار البقية..
أحلى وأغلى تحية

أخوك

هذي فعلا حجمها كبير << طيب وش جبت جديد ياكثر ماتردد الهرج يالفقمة << ترى اللي يردد الهرج هو الببغاء يالأخو مهوب الفقمة .. إيه صح
إن شاء الله يجن بقية الصور وملف الفديو .. الله محييك