شايب الصمان يعتزل الكفشات .......... هههههه

[شايب الصمان]

رسالة إدارية

شايب الصمان, لا تملك تصريح بدخول هذه الصفحة. قد يكون هذا أحد الأسباب التالية:

1. حسابك قد لا يكون فيه إمتيازات كافية لدخول هذه الصفحة. هل تحاول تعديل رسالة شخص آخر, دخول ميزات إدارية أو نظام متميز آخر؟
2. إذا كنت تحاول المشاركة, ربما قامت الإدارة بحظر حسابك, أو لا يزال حسابك بإنتظار موافقة الإدارة.

تسجيل الخروج الصفحة الرئيسية

هذا الرساله طلعت لي وأنا أحاول أرد على أبوزايد بعد رد أبوشعلان ؟؟؟؟ على موضوع المنقل ....

لذا قررت الاعتزال من الكفشات .................................. أيه هين ألعب غيرها ....
أتعهد بان مااكفش اي عضو وأتوب ولا أتعوده مره ثانيه ..................... ....

أشكر ن أتصلت عليهم لحل المشكله وقد اسمعني أحدهم كلام كبير جدا ولكن أسئل الله العلي القدير ان يجبر بخاطره ويوفقه ويوفقكم جميعا لما يحب ويرضى .... وفعلا وقت الشدايد ظهرة الخوه الحقيقه ..

من الفرحه بالرجعه الموضوع مهب مترابط بس الله يخلي أبوشعلان يربطه.....

[ريع الدياب]

الغالى أبوعبدالله شايب الصمان

اتضح أن سبب الرسالة الادارية هو :

(مكان الإقامة: السعوديه - المنطقه الشرقيه - الخبر)
لازم تحدد بدقة أكبر وتزيد عليها:

- الخبر) الحزام الذهبى ورقم الفيلا
أو اسم ورقم المخطط وقطعة الأرض ... ههههههههههههههههههههههههه

[Abdullah K. AL-Hassan]

هههههههههههههههههههههه

ياحبي لك أبو عبدالله

لكن تصدق .......تراني ....... مدري وش السالفة بالضبط هههههههههه وش مسوي ...لايكون كفشة من مكفشاتك القويه هههههه...


أرجوا فك الألغاز......

والحمدلله على السلامة ..

الله يرزقنا المطر إن شاء الله

في اامااااااان الله .....البر البر ينادي ..

[البرّي]

معليش يا ابو عبدالله خيرها بغيرها

يمكن الشباب محددين عمر معين للخول بالمنتدى وقالو ذا منتهي الصلاحية (شايب)هههه

الظاهر انك تبي تزيد الكيله عليهم بالكفشات
توكل على الله وحنا نعين ونعاون

اخوك البرّي

[عبدالكريم اليوسف]

الغالي
أبو عبدالله

انت ملح الرحلات
وانت احد الرجال الذين يفخر بهم هذا الصرح
الله لا يخلينا منك ومن ابداعك المعهود

اخوك

[ريف النشاما]

صراحة


توقعتك مخربها ،،،،،،،،،،،،،،،، وهجيت

[شايب الصمان]

المشاركة الأصلية كتبت بواسطة ريع الدياب

الغالى أبوعبدالله شايب الصمان

اتضح أن سبب الرسالة الادارية هو :

(مكان الإقامة: السعوديه - المنطقه الشرقيه - الخبر)
لازم تحدد بدقة أكبر وتزيد عليها:

- الخبر) الحزام الذهبى ورقم الفيلا

أو اسم ورقم المخطط وقطعة الأرض ... ههههههههههههههههههههههههه

أبشر ياأبوأسماعيل تأمرأمر وصف الفيلا :
1 - قدامه أرض فاضيه من الجهه الشماليه وماادري منهي له ..
2- وعن اليمين واليسار جيران اجاويد .
3- الماريه أنه به مشب بالملحق الخارجي ... آجل الداخلي .
4 - توني مسدد فاتورة الكهرب........... يعني أني أسدد أول بأول .
5 - وقريب من شارع الامير سلمان.......... .
تكفي ياعمدة الشرقيه

[شايب الصمان]

المشاركة الأصلية كتبت بواسطة البرّي

معليش يا ابو عبدالله خيرها بغيرها

يمكن الشباب محددين عمر معين للخول بالمنتدى وقالو ذا منتهي الصلاحية (شايب)هههه

الظاهر انك تبي تزيد الكيله عليهم بالكفشات
توكل على الله وحنا نعين ونعاون

اخوك البرّي

هلا ومرحبا بك :

أثرك منتب سهل أيه مادام تعرف أبوفراس ماأقدرأقولك ألا السلام عليكم ورحمه الله وبركاته وشلونك عساك طيب

[شايب الصمان]

المشاركة الأصلية كتبت بواسطة راعي الذوق

الغالي

أبو عبدالله

انت ملح الرحلات
وانت احد الرجال الذين يفخر بهم هذا الصرح
الله لا يخلينا منك ومن ابداعك المعهود

اخوك

تراي الله يسلمك أول مره واحد يمدح على العام .......................... يعني تراي واصل السماء ... أبوشعلان .................. هاه ويش جاب طاري أبوشعلان الحين .... . عشان كذا بالطلعات يقدوني عن الاكل عشان الملح والؤبع متهميني أني كل الصور عند الاكل ........... .

أشكرك من أعماق أفريقيا على هذا الاطراء .

الله يسلمك ويجزاك خير

[شايب الصمان]

المشاركة الأصلية كتبت بواسطة ريف النشاما

صراحة


توقعتك مخربها ،،،،،،،،،،،،،،،، وهجيت

هي حول التخريبه لانه جالس أخرج الصور الاخيره من الرحله أنتظر شوين لين يجهز تحميض الصور...

[أبو مروان]

السلام عليكم ورحمة الله وبركاته

جات سليمة أخي الغالي شايب الصمان هذه المرة

والشكر الجزيل لأبو إسماعيل راعي الدياب على إصراره بعودتك للمنتدى وإنهاء توقيفك

والحمد لله على فضله وكرمه بتسهيل عودتك وبنفس حماسك المعهود

[هزيم الرعد]

هالحين إنتشر بالموقع فايروس إفلونزا شايب الصمان وأنت تقول وراه تطلع لي هالرسالة
الفايروس طلع عقب ماحجروك بسيارة الطيور
لابد من تطعيم جميع الأعضاء الله يستر
نبي نبدأ ندخل الموقع بكمامات

[ابو صقر]

هلا ابو عبدالله
انا ما ازيد على كلام الشباب
انت ملح وسكر وفاكهة المنتدى
وانا اتكلم عن نفسي اذا كان فيه رحله وانت مشارك فيها مابي صور الرحله ابي صور الكفشات ههههههه
عساك على القوه يالذيب

[BASSAM]

ولايهمك يا ابو عبدالله

اي احد يتحرش بلغني (ترا توقيف الرواتب عندي ونقطع الزياده عنه بعد)


والله الله بالكفشات وترا لا نقبل الاعتزال


بسام

[ابو فراس]

قضيت من الكفشات يابو عبدالله او الى هالحين

طلع من هالمخزون خل الناس يشوفون وش كانت حالنا بدون هالدوج