قرب موسم القميري تعالوا يا عشاقه(سواليف وتبادل خبرات)

[عاشق النحم]

بسم الله الرحمن الرحيم
السلام عليكم ورحمة الله وبركاته

هو الموضوع (فري) يعني سواليف وتبادل خبرات

مثل وقت الهيضات اماكن كثرته(ولو ان الساحل صار المقصد الأكثر شعبية لمحبي القميري) وكيف تفرق بين القميري الحدر

واليمام والقوقسي

والموضوع الذي يجب طرحة حاليا هو (القميري وانفلونزا الطيور) ما مدى تأثيرها على القميري

وهل في احد له وجهة نظر في صيد القميري او الطيور المهاجرة هذا الموسم ؟؟؟؟

بانظار مشاركاتكم وخبراتكم وسواليقكم !!!!!!!!!!!!

[المضحي]

السلام عليكم



موضوع رائع من كاتب رائع .



اولاً نسأل الله ان يهيء لنا طلعه في الموسم القادم . الحقيقة انا مره طلعت للساحل الموسم الي راح وصدنا ولله الحمد خير وشفت قميري ماشاء الله تبارك الله واااااجد احسبي بالجنة ذاك اليوم ,,,



فيه امر آخر وهو صيد اليمام والقوقسي مع القميري وهذا حصل مثل لجيت لطلحة ولقيت به كم قميريه يصير مختلط معه أحيانا يمام ولا قوقسي لكن اذا حصل وصدته الحمدلله لا تتركه عطه عامل المحطه ولا عامل ورشه ,




وش رايكم أيهم ازين لنزل القميري بالقصيم (ومتى يبي ينزل) ولا الي بالساحل . وسمعت انه موسم الصيف أطعم من الموسم هذا صحيح ؟




جزيتم خيراً.

[خالد الشريهي]

أخوي عاشق النحم

الصيد مالي به الا كان اذا نكبوا الطبخه لقيتني أول واحد مسمي على الصحن

لكن أعتقد بالمقام الاول يجب الحذر من انفلونزا الطيور حيث اقتربت حالات الاصابه ووصلت الكويت

الله يحفظنا ويحفظكم وجميع المسلمين من كل داء وبلاء

تقبل تحياتي أبو فهد

[عاشق النحم]

المشاركة الأصلية كتبت بواسطة ثهلان

أخوي عاشق النحم

الصيد مالي به الا كان اذا نكبوا الطبخه لقيتني أول واحد مسمي على الصحن (هههههههههههههههههههههههههههههه)

لكن أعتقد بالمقام الاول يجب الحذر من انفلونزا الطيور حيث اقتربت حالات الاصابه ووصلت الكويت الله الله وهذا سؤالي هل فيه احد له نية يغض النظر عن الصيد هالموسم(ما اظنة)

الله يحفظنا ويحفظكم وجميع المسلمين من كل داء وبلاء
اللهم امين
تقبل تحياتي أبو فهد

تسلم يا عيوني

[عاشق النحم]

المشاركة الأصلية كتبت بواسطة المضحي

السلام عليكم



موضوع رائع من كاتب رائع .

الله يسلمك يا عيوني

اولاً نسأل الله ان يهيء لنا طلعه في الموسم القادم . الحقيقة انا مره طلعت للساحل الموسم الي راح وصدنا ولله الحمد خير وشفت قميري ماشاء الله تبارك الله واااااجد احسبي بالجنة ذاك اليوم ,,,

اللهم آمين...الساحل من اولة لأخرة كله مبروك وكله صيد والله يهي لنا طلعة انشاء الله له هالسنة

فيه امر آخر وهو صيد اليمام والقوقسي مع القميري وهذا حصل مثل لجيت لطلحة ولقيت به كم قميريه يصير مختلط معه أحيانا يمام ولا قوقسي لكن اذا حصل وصدته الحمدلله لا تتركه عطه عامل المحطه ولا عامل ورشه ,

هذا بالساحل يا خلفهم اما عندنا منتب لاقي ولا ثنتين مراجل

لكن المشكلة هنا انه لاجازلتك نصبة اليمامة ورميته ولا وقعته بالخو وتحسبة قميرية وهي يمامة

هنا المشكلة يضيع فشقك على الفاضي ولا انك ترمي اليمامة وتطير القميرية وهذا صارت لاخوي الصغير الموسم الي فات

وبغا يجية سكته

وش رايكم أيهم ازين لنزل القميري بالقصيم (ومتى يبي ينزل) ولا الي بالساحل . وسمعت انه موسم الصيف أطعم من الموسم هذا صحيح ؟


الساحل غيييير يا قلبي ولا يقارن بالقصيم خاصة حاليا................لانه يصير اكثر شحم واكبر جرم
جزيتم خيراً.

اخوك ابو فهد

[sal7]

نظراً لكثرت الصيد عندنا بسعوديه

فشوري عليك أي ريشه تمر أبجد مرسوله نظراً لسبب الاول وهو كثرت الصيد

الله هو العالم أن يبي يجي يوم ما نشوف حتى اليمام من كثر الصياده

و تحصل 10 بوارديه يرمون مخازنهم كلها على قوبعه (الله لا يورينا الايام هذي)

بس حبيت أسجل حضور عندكم



تحياتي يابو فهد

[عاشق النحم]

حيا الله اخوي صالح بشر عنك وش العلوم بشر عنك

المشاركة الأصلية كتبت بواسطة sal7

نظراً لكثرت الصيد عندنا بسعوديه

من جد

فشوري عليك أي ريشه تمر أبجد مرسوله
(عويذة الله من شرك )
نظراً لسبب الاول وهو كثرت الصيد
(بالحيل)
الله هو العالم أن يبي يجي يوم ما نشوف حتى اليمام من كثر الصياده
(اي والله انك صادذ بيجي يوم تقول اذكر انه كان في شي اسمة طيور)
و تحصل 10 بوارديه يرمون مخازنهم كلها على قوبعه (الله لا يورينا الايام هذي)

يا جعل يومي قبل هاليوم
بس حبيت أسجل حضور عندكم



حضورك على راسي يبو فهد

تحياتي يابو فهد

ربي محييك

[عاشق النحم]

القميري


هذي صور نبي نحمسكم علية شوي قبل الموسم