رحله الى أم رقيبه بمواترنا القديمه !!!! لقطات ومشاهدات - 2

[حامد الغامدي]

السلام عليكم ورحمة الله وبركاته

موضوع رحلتنا لايتعدى مخيم السلامه في أم رقيبه فهو خلية نحل من بعد صلاة الفجر الى الساعة الثانية صباحا، والناس بين غاد ورائح، منهم من ياتي للسلام والزياره ومنهم من ياتي لمشاهدة السيارات، القهوة والشاي والقذوع على مدار الساعه مع شيء من الكليجا أو الأقط ان حصل وابو سلامه هو دينمو المخيم أو بمعنى آخر هو ( running the show).

اصبحنا يوم الأربعاء، فطور مع الأخوان على ماتيسر وجلسه بعد ذلك حول المشب نحتسي القهوه والشاى ونتجاذب الأحاديث والأخبار ويقدم على المخيم الكثير من المعارف والأصدقاء، كان الجو ذلك اليوم صافيا والشمس تكسر شدة البرد كلما ارتفعت.

ولقطه لجلسه ضحويه مع بعض الأخوه ويرى خلف اللهيدي من الكويت واقفا

الأخ مشعل المطيري(أبو وليد) من المذنب رافعا يده لأحتدام النقاش

الأخ حمد العبيدالله(يمين) من عنيزه حضر مع أخيه بدون سيارته القديمه

استراحه قبل الغداء

ضيفان من الطائف وقت الغداء حضرا لأول مره وأعجبا بما رأوه في مزاين أم رقيبه

الأستاذ حمدى النمري وأخيه حامد يترنم بقصيده من فلكلور وادي المحرم

خرجنا من الخيمه طلبا في الدفء حول المشب، ورذاذ المطر علينا واضحا علينا في هذه الصوره

************************************************** ************************************

في اليوم التالي كان صباح الخميس أكثر حيوية وحضورا للأخوه الذين حالت أعمالهم دون المجيء في الأيام الماضيه، وقد بكر بعضهم في الوصول وكان لنا الحظ في تذوق الحنيني شغل البيت.

الشاعر الشعبي دخيل الدخيل(أخو أبو علي) كان حاضرا ينظر الى أبو رامي من مكه وهو يدعو الله ان يديم هذه النعمه.

وكان ايضا من الحضور حارس الشباب والمنتخب الأولمبي في الثمانينات الميلاديه - محمد المطلق

أبو قماز حضر من الكويت ومعه هذه الأنتيك Dodge Power Wagon

الشراع أو المظلة الطائره كانت تجوب سماء أم رقيبه وفجأة هبطت بالقرب من المخيم وظننت انه جاء لزيارتنا، ولكن تبين لي فيما بعد انه أخطأ موقع النزول لأن مقرهم ليس بعيدا من المكان الذي كنا فيه.

++++++++++++++++++++++++++++++++++++++++++++++++++ ++++++

هذه بعض اللقطات والمشاهدات في رحلتنا الى أم رقيبه للعام 1427هـ أحببت ان يراها الأخوة الأعضاء لعل فيها ما يروح عن النفس شيئا من عناء الحياة اليوميه، وأعتذر لو حصل أخطاء أو قصور أو تكرار، ننتظر مشاركاتكم ونقدكم الهادف، وللجميع منى الشكر على تشريفكم هذا التقرير.

بقي لكم صورة أخيره صباح الجمعه قبل الرحيل ونحن نتناول القهوه والجنزبيل مع بعض البسكويتات، وكان فطورنا في الأرطاويه، وأكملنا المسير عن طريق المجمعه، شقرا، طريق الحجاز القديم.

مهــــراس

[الليل]

أبو فهد جهد جميل ..
والله شوقتنا للسيارات القديمة .

[خالد الشريهي]

مهراس

الله عليك يا ابو فهد

رحله جميله وراء عشقك الازلي............. سيارات الكلاسيك جلبت لنا فيها الوجه الاخر لام رقيبه

مشكور على هذان الجزآن المميزان

سلمت يداك

تقبل تحياتي

[ولد نجد]

موضوعك رائع يابو فهد ... وكنت انتظره بشغف
خاصة انه يتحدث عن وجة اخر عن ام رقيبة ...ولانه لم يسبق ان طرح من قبل
شكرا وبارك الله فيك

[حامد الغامدي]

السلام عليكم ورحمة الله وبركاته

الليل: الله لايحرمنا من شعورك الطيب للسيارات القديمه، نعم فيها الشوق والحنين. شكرا على المشاركه الجميله

ثهلان: اسعدني مرورك وردك الكريم، وهذه المواصله منك تشكر عليها عسانا على عهد المحبه يابوعبدالله ومشتاقين للقياكم.

ولد نجد: الله يذكرك بالخير، وسرني انك استانست بها لتقرير، اتمنى ان يحصل لنا اجتماع مثل هذا وما نبخل عليكم بالمواضيع.

[ahmed2828]

موضووع رائع جدا وصوور ارووع يسلمووووووووووو على هذا الموضوع الصوور الحية اللي يشووفها كانه جالس معاهم الله يحفظك

[النداوي]

مشكور أخوي مهراس
الله يجزاك خير
مشكوووووووور يا الطيب

أخوك أبو عبدالله

[الإكليل]

امتعتنا ابوفهد على الصور الجميله ودي إلاي معكم على هالمواتر اللي تسر النظر وتشرح الصدر السراحه الله يعطيك العافيه..............................

[احمد الثقفي]

شكرا أخي أبوفهد على تقريرك الممتع
حقيقة استمتعت به وبالتقرير الذي سبقه
متعك الله اخي بالصحة والعافية

تحياتي

[ثامرالماضي]

بسم الله الرحمن الرحيم

أخوي أبو فهد ... ألف شكر لك ... على هالتقرير المتكامل عن مخيم السلامه ... الذي يجمع الكثير من الفروت والسيارات القديمة ...

متعّك الله بالصحه والعافية ... ولاهنت يالغالي ...

وننتظر المزيد ... من كل جديد ...

,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,

[ابو فراس]

ابو فهد خلصت والا بعد

ودنا انك ماخلصت من اجل ان يستمر هذا الاستمتاع بالصور ومن قبلها سلاسة الاسلوب

[طليحه ام ذيب]

اخي مهراس يعطيك العافيه على هذا التقرير المميز جدا والصور الرائعه .. وحركه الصراحه صفة السيارات الحمر شي ..

الله يهنيكم .. ويوسع صدرك بالعافيه يارب ..

وبنتظار جديدك ايها المبدع

اختك .. طليحه

[محمد المعارك]

سرد رائع وجميل وصور معبرة

مشكور اخي مهراس على هذه المشاركة المميزة والرحلة الطويلة والمثيرة .

وبارك الله فيك.

[راعي الشاص]

اخوي مهراس عليك اسلوب قصصي نادر وهذا خلاني اعيش جو ام رقيبة لدرجة انت مت من البرد يوم شفت الضو والحنيني وسمعت طاري الكليجا
لاتقطع بنا في مثل هالقصص المصورة

ولاهنت

[حامد الغامدي]

السلام عليكم ورحمة الله وبركاته

ahmed2828: هلا فيك يالغالي ومرحبا بمشاركتك اللطيفه والشعور الصادق اتمنى ان الموضوع حاز على استحسانك، تقبل تحياتي.

النداوي: ايش دعوى هذا واجبنا وما سوينا شي، انتظرني في الرحلات الجايه.

الأكليل: أهم شي يكون صدرك واسع وخاطرك منشرح وان شاء الله نحقق لك أمنيتك بركوب السياره القديمه، شكرا على الرد المحترم.

الجراحي: وانا كذلك استمتعت بردك الكريم نحن جميعا شى واحد لايتجزأ والمنفعه للكل، الله يمتعك بالصحه والعافيه.

ابو شعلان: منور يامرحبا بها لطله والرد اللي على مستوى، اسعدتني بمشاركته القيمه وتعبيرك نحو السيارات القديمه، مقامك العالي، ان شاء الله تشوف الجديد الممتع قريبا.

ابو فراس: ايش خلصت يابو فراس والله لو ماهو الوقت كان هنا علوم وقصص للصبح، وأيش على بشر شفنا، ماشاء الله على أبو سلامه علم على رأسه نار مافي أحد ما يعرفه، طبعا الموضوع خلصت منه ما نبغى نغث العالم خاصة ان المحل جديد ويبي زباين، عندي باقي ثلاثة مواضيع اثنين منها في القصيم وواحد بالغربيه، هذا الكلام لك يابو فراس ولا تعلم أحد، ابا خليها مفاجأه خخخخخ.

طليحه: هلا باختي طليحه، والله اني يوم شفت ردك تلثمت، هو عندنا نواعم بالمنتدى، ردك محل تقديري وأعجابي، وشكرا على اطرائك الجميل بخصوص صفة السيارات، يعطيك العافيه.

صقر: وينك يابو احمد عسى ماشر ولا مشغول كالعاده، الحمدلله طمنتنا بردك، عساك على القوه، وعسانا جملنا معاكم، ان شاء الله تشوفون الجديد، شكرا على مرورك الطيب.

راعي الشاص: هلا وغلا ومرحبا أحييى فيك هذا الذوق الرفيع لمثل هذه المواضيع، لو الوقت ملكي كان الشرح يطول، ان شاء الله في رحلات أخرى نعوضكم، شكرا على المشاركه الحلوه منك.